ഖത്തറിൽ ​ഡ്രൈവിങ്​ സ്​കൂളുകൾ പൂട്ടും

ദോഹ: കോവിഡ്​ ബാധയുടെ പശ്​ചാത്തലത്തിൽ രാജ്യത്തെ ​ഡ്രൈവിങ്​സ്​​കൂളുകളുടെ പ്രവർത്തനം നിർത്തുന്നു. മാർച്ച്​ 22 ഞായറാഴ്​ച മുതൽ ഇനിയൊരറിയിപ്പ്​ ഉണ്ടാകുന്നതുവരെയാണ്​ തീരുമാനം.

ഡ്രൈവിങ്​ പരിശീലനം, ​ഡ്രൈവിങ്​ ടെസ്​റ്റുകൾ തുടങ്ങിയവയൊന്നും നടക്കില്ലെന്ന്​ ആഭ്യന്തര മന്ത്രാലയത്തിൻെറ കീഴിലുള്ള ഗതാഗത വകുപ്പ്​ ജനറൽ ഡയറക്​ടറേറ്റ്​ അറിയിച്ചു. നിരോധനകാലയളവിൽ വിദ്യാർഥികൾക്ക്​ സ്​മാർട്ട്​ ഫോണുകളിലൂടെ തിയറി ക്ലാസുകൾ പരിശീലിക്കാം. ‘ഡ്രൈവർ ഗൈഡ്’​ എന്ന ആപ്ലിക്കേഷൻ ഇതിനായി ഉപയോഗിക്കാം. ഇതിൽ ഡ്രൈവിങ്​ പരിശീലന വീഡിയോകൾ അടക്കമുള്ളവ ലഭ്യമാണ്​. ​