ഗ​സ്സ ദു​രി​താ​ശ്വാ​സ​ത്തി​ന് 10 ല​ക്ഷം ഡോ​ള​ർ അ​നു​വ​ദി​ച്ച് ഖ​ത്ത​ർ

ദോ​ഹ: ഇ​സ്രാ​യേ​ലി​​ന്റെ ഇ​ട​ത​ട​വി​ല്ലാ​ത്ത ആ​ക്ര​മ​ണം ദു​ര​ന്ത ഭൂ​മി​യാ​ക്കി​മാ​റ്റി ഗ​സ്സ​യി​ലെ അ​ടി​യ​ന്ത​ര മാ​നു​ഷി​ക സ​ഹാ​യ​മാ​യി പ​ത്തു ല​ക്ഷം ഡോ​ള​ർ പ്ര​ഖ്യാ​പി​ച്ച് ഖ​ത്ത​ർ റെ​ഡ് ക്ര​സ​ന്റ് സൊ​സൈ​റ്റി. ഒ​രാ​ഴ്ച​യാ​യി തു​ട​രു​ന്ന ആ​ക്ര​മ​ണ​ത്തി​ൽ ആ​ശു​പ​ത്രി, ചി​കി​ത്സാ സം​വി​ധാ​ന​ങ്ങ​ൾ പാ​ടെ ത​ക​ർ​ന്ന സാ​ഹ​ച​ര്യ​ത്തി​ലാ​ണ് ഗ​സ്സ​യി​ലെ ആ​ശു​പ​ത്രി​ക​ൾ​ക്കാ​യി മ​രു​ന്ന്, ആം​ബു​ല​ൻ​സ്, ശ​സ്ത്ര​ക്രി​യ സ​ജ്ജീ​ക​ര​ണ​ങ്ങ​ൾ, ഐ.​സി.​യു വി​ഭാ​ഗം ഉ​ൾ​പ്പെ​ടെ​യു​ള്ള ആ​വ​ശ്യ​ങ്ങ​ൾ​ക്ക് ദു​ര​ന്ത പ്ര​തി​ക​ര​ണ ഫ​ണ്ടി​ൽ നി​ന്നും പ​ത്തു ല​ക്ഷം ഡോ​ള​ർ (8.32 കോ​ടി രൂ​പ) സ​ഹാ​യ​മാ​യി പ്ര​ഖ്യാ​പി​ച്ച​ത്.

ഖ​ത്ത​ർ റെ​ഡ് ക്ര​സ​ന്റി​ന്റെ ഗ​സ്സ, അ​ൽ ഖു​ദ്സ്, വെ​സ്റ്റ്ബാ​ങ്ക് എ​ന്നി​വ​ട​ങ്ങ​ളി​ലെ പ്ര​തി​നി​ധി ഓ​ഫി​സു​ക​ൾ വ​ഴി സ്ഥി​തി​ഗ​തി​ക​ൾ സൂ​ക്ഷ്മ​മാ​യി നി​രീ​ക്ഷി​ക്കു​ക​യാ​ണെ​ന്നും, ത​ങ്ങ​ളു​ടെ ഡി​സാ​സ്റ്റ​ർ ഇ​ൻ​ഫ​ർ​മേ​ഷ​ൻ മാ​നേ​ജ്മെ​ന്റ് സെ​ന്റ​ർ (ഡി.​ഐ.​എം.​സി) പ്ര​വ​ർ​ത്ത​ന സ​ജ്ജ​മാ​യെ​ന്നും അ​ധി​കൃ​ത​ർ അ​റി​യി​ച്ചു. വി​വി​ധ മേ​ഖ​ല​ക​ളി​ലെ ഡി.​ഐ.​എം.​സി കേ​ന്ദ്ര​ങ്ങ​ൾ ഫ​ല​സ്തീ​ൻ റെ​ഡ്ക്ര​സ​ൻ​റ് ​സൊ​സൈ​റ്റി, ഗ​സ്സ​യി​ലെ മ​റ്റു അ​ന്താ​രാ​ഷ്ട്ര സം​ഘ​ട​ന​ക​ൾ എ​ന്നി​വ​രു​മാ​യി ഏ​കോ​പി​പ്പി​ച്ചാ​ണ് വി​വ​​ര​ശേ​ഖ​ര​ണ​വും ദു​രി​താ​ശ്വാ​സ-​മാ​നു​ഷി​ക പ്ര​വ​ർ​ത്ത​ന​ങ്ങ​ളും ന​ട​ത്തു​ന്ന​ത്.

ഗ​സ്സ​യി​ലെ ക്യു.​ആ​ർ.​സി.​എ​സ് ഓ​ഫി​സ് വ​ഴി ആ​ദ്യ ഘ​ട്ട​മെ​ന്ന നി​ല​യി​ൽ ര​ണ്ടു ല​ക്ഷം ഡോ​ള​റി​ന്റെ അ​ടി​യ​ന്ത​ര സ​ഹാ​യ​പ​ദ്ധ​തി​ക​ൾ ആ​രം​ഭി​ച്ചു ക​ഴി​ഞ്ഞു. ഫ​ല​സ്തീ​ൻ ആ​രോ​ഗ്യ മ​ന്ത്രാ​ല​യ​വു​മാ​യി സ​ഹ​ക​രി​ച്ച് പ​രി​ക്കേ​റ്റ​വ​ർ​ക്കാ​യി മ​രു​ന്ന്, ആ​ശു​പ​ത്രി ഉ​പ​ക​ര​ണ​ങ്ങ​ൾ എ​ന്നി​വ ല​ഭ്യ​മാ​ക്കി​യാ​ണ് എ​മ​ർ​ജ​ൻ​സി മെ​ഡി​ക്ക​ൽ സ​ർ​വി​സ് സം​ഘ​ത്തെ പി​ന്തു​ണ​ക്കു​ന്ന​ത്. അ​തി​നി​ടെ, നാ​ല് ഫ​ല​സ്തീ​ൻ റെ​ഡ്ക്ര​സ​ന്റ് സൊ​സൈ​റ്റി​യു​ടെ പാ​രാ​മെ​ഡി​ക്ക​ൽ വ​ള​ന്റി​യ​ർ​മാ​ർ ആ​ക്ര​മ​ണ​ത്തി​ൽ കൊ​ല്ല​പ്പെ​ട്ട സം​ഭ​വ​ത്തി​ൽ ​ക്യു.​ആ​ർ.​സി.​എ​സ് ദുഃ​ഖം അ​റി​യി​ച്ചു.

ആ​രോ​ഗ്യ പ്ര​വ​ർ​ത്ത​ക​ർ​ക്കെ​തി​രാ​യ ആ​ക്ര​മ​ണ​ങ്ങ​ൾ നീ​തീ​ക​രി​ക്കാ​നാ​വി​ല്ലെ​ന്നും അ​പ​ല​പ​നീ​യ​മാ​ണെ​ന്നും പ്ര​സ്താ​വ​ന​യി​ൽ വ്യ​ക്ത​മാ​ക്കി. യു​ദ്ധ​മു​ഖ​ത്ത് സേ​വ​നം ചെ​യ്യു​ന്ന ഇ​ന്റ​ർ​നാ​ഷ​ന​ൽ റെ​ഡ് ക്ര​സ​ന്റ്- റെ​ഡ്ക്രോ​സ് സം​ഘ​ട​ന പ്ര​വ​ർ​ത്ത​ക​രെ ആ​ക്ര​മി​ക്കു​ന്ന​തും ജീ​വ​ഹാ​നി വ​രു​ത്തു​ന്ന​തും അ​ന്താ​രാ​ഷ്ട്ര മാ​നു​ഷ്യാ​വ​കാ​ശ നി​യ​മ​ങ്ങ​ളു​ടെ​യും 1949ലെ ​ജ​നീ​വ ക​ൺ​വെ​ൻ​ഷ​ന്റെ​യും ലം​ഘ​ന​മാ​ണെ​ന്നും ചൂ​ണ്ടി​ക്കാ​ട്ടി. ഖ​ത്ത​ർ ചാ​രി​റ്റി നേ​തൃ​ത്വ​ത്തി​ൽ ​ഫ​ല​സ്തീ​നു വേ​ണ്ടി എ​ന്ന ​​പേ​രി​ൽ ഇ​തി​ന​കം ത​ന്നെ ദു​രി​താ​ശ്വാ​സ ഫ​ണ്ട് ശേ​ഖ​ര​ണം ആ​രം​ഭി​ച്ചി​ട്ടു​ണ്ട്. മ​രു​ന്ന്, ഭ​ക്ഷ്യ വ​സ്തു​ക്ക​ൾ, വ​സ്ത്ര​ങ്ങ​ൾ ഉ​ൾ​പ്പെ​ടെ അ​വ​ശ്യ സാ​ധ​ന​ങ്ങ​ൾ എ​ന്നി​വ ല​ഭ്യ​മാ​ക്കു​ന്ന​തി​നു​വേ​ണ്ടി​യാ​ണ് ഫ​ണ്ട് ശേ​ഖ​ര​ണം ന​ട​ത്തു​ന്ന​ത്.

ഐ​ക്യ​ദാ​ർ​ഢ്യ​വു​മാ​യി ഒ​ത്തു​ചേ​ര​ൽ

ദോ​ഹ: ഫ​ല​സ്തീ​നും ഗ​സ്സ​യി​ൽ പി​ട​യു​ന്ന നി​രാ​പ​രാ​ധി​ക​ൾ​ക്കു​മാ​യി പ്രാ​ർ​ഥ​നാ നി​ർ​ഭ​ര​മാ​യ പ​ള്ളി മി​മ്പ​റു​ക​ൾ, പി​ന്നാ​ലെ അ​വ​ർ​ക്ക് പി​ന്തു​ണ​യു​മാ​യി ഒ​ന്നി​ച്ച നൂ​റു​ക​ണ​ക്കി​ന് മ​നു​ഷ്യ​ർ. ഫ​ല​സ്തീ​നും ഗ​സ്സ​യി​ലെ ല​ക്ഷ​ക്ക​ണ​ക്കി​ന് മ​നു​ഷ്യ​ർ​ക്കും ഐ​ക്യ​ദാ​ർ​ഢ്യ​മ​ർ​പ്പി​ക്കു​ന്ന​താ​യി​രു​ന്നു വെ​ള്ളി​യാ​ഴ്ച ജു​മ​അ ന​മ​സ്കാ​രം ഖ​ത്ത​റി​ൽ നി​ന്നു​ള്ള കാ​ഴ്ച​ക​ൾ. പ്ര​ധാ​ന പ​ള്ളി​യാ​യ ദോ​ഹ​യി​ലെ ഇ​മാം അ​ബ്ദു​ൽ വാ​ഹാ​ബി​ന് മു​ന്നി​ലാ​യി​രു​ന്നു പ്ര​ധാ​ന കേ​ന്ദ്രം. ഖ​ത്ത​റി​ലെ ഫ​ല​സ്തീ​നി​ക​ളും, വി​വി​ധ അ​റ​ബ് രാ​ജ്യ​ക്കാ​രു​മെ​ല്ലാം ഒ​ത്തു​ചേ​ർ​ന്ന് ഫ​ല​സ്തീ​ൻ പ​താ​ക പ​റ​ത്തി​യും മു​ദ്രാ​വാ​ക്യം മു​ഴ​ക്കി​യും അ​വ​ർ​ക്ക് പി​ന്തു​ണ പ്ര​ഖ്യാ​പി​ച്ചു. സ്ത്രീ​ക​ളും കു​ട്ടി​ക​ളും ഉ​ൾ​പ്പെ​ടെ​യു​ള്ള​വ​ർ ഐ​ക്യ​ദാ​ർ​ഢ്യ ഒ​ത്തു​ചേ​ര​ലി​ൽ പ​ങ്കാ​ളി​ക​ളാ​യി. സ​മൂ​ഹ മാ​ധ്യ​മ​ങ്ങ​ളി​ൽ വി​ഡി​യോ പ​ങ്കു​വെ​ച്ചും ഫ​ല​സ്തീ​ന് പി​ന്തു​ണ​ അ​റി​യി​ച്ചു.