ഇ ഗേ​റ്റി​ലും ഇ​നി ഡി​ജി​റ്റ​ൽ ഐ.​ഡി മ​തി

ദോ​ഹ: ഖ​ത്ത​റി​ൽ​നി​ന്ന് വി​ദേ​ശ​ങ്ങ​ളി​ലേ​ക്കും തി​രി​കെ​യും യാ​ത്ര ചെ​യ്യാ​ൻ ആ​വ​ശ്യ​മാ​യി പാ​സ്​​പോ​ർ​ട്ടും ഐ.​ഡി​യു​മെ​ല്ലാം ഇ​നി മൊ​ബൈ​ൽ​ഫോ​ണി​ലെ ഒ​റ്റ​ക്ലി​ക്കി​ൽ ഒ​തു​ങ്ങും. ഖ​ത്ത​ർ ആ​ഭ്യ​ന്ത​ര മ​ന്ത്രാ​ല​യം പു​റ​ത്തി​റ​ക്കി​യ ഖ​ത്ത​ർ ഡി​ജി​റ്റ​ൽ ഐ​ഡ​ന്റി​റ്റി (ക്യൂ.​ഡി.​ഐ) സ്മാ​ർ​ട്ട് ആ​പ്ലി​ക്കേ​ഷ​ൻ ഉ​പ​യോ​ഗി​ച്ച് സ്വ​ദേ​ശി​ക​ൾ​ക്കും താ​മ​സ​ക്കാ​ർ​ക്കും രാ​ജ്യ​ത്തേ​ക്കും പു​റ​ത്തേ​ക്കും എ​ളു​പ്പ​ത്തി​ൽ യാ​ത്ര ചെ​യ്യാം.

ഡി​ജി​റ്റ​ൽ വാ​ല​റ്റ് ആ​പ്ലി​ക്കേ​ഷ​ൻ സ​ർ​വി​സാ​യ ക്യൂ.​ഡി.​ഐ​യി​ലെ പാ​സ്​​പോ​ർ​ട്ട്, ഐ.​ഡി എ​ന്നി​വ ഉ​പ​യോ​ഗി​ച്ചു​ത​ന്നെ ഹ​മ​ദ് അ​ന്താ​രാ​ഷ്​​ട്ര വി​മാ​ന​ത്താ​വ​ള​ത്തി​ലെ ഇ ​ഗേ​റ്റ് ന​ട​പ​ടി​ക​ൾ പൂ​ർ​ത്തി​യാ​ക്കാ​മെ​ന്ന് ആ​ഭ്യ​ന്ത​ര മ​ന്ത്രാ​ല​യം ക​ഴി​ഞ്ഞ ദി​വ​സം പ​ങ്കു​വെ​ച്ച് വി​ഡി​യോ​യി​ലൂ​ടെ വി​ശ​ദീ​ക​രി​ച്ചു. ആ​പ്പ് സ്റ്റോ​റി​ൽ​നി​ന്നും ഖ​ത്ത​ർ ഡി​ജി​റ്റ​ൽ ഐ​ഡ​ന്റി​റ്റി ആ​പ്ലി​ക്കേ​ഷ​ൻ ഡൗ​ൺ​ലോ​ഡ് ​ചെ​യ്ത് ലോ​ഗി​ൻ ചെ​യ്യു​ക.

ശേ​ഷം, ട്രാ​വ​ൽ ഡോ​ക്യു​മെ​ന്റ് തെ​ര​ഞ്ഞെ​ടു​ത്ത് കാ​ർ​ഡി​ന് മു​ക​ളി​ലെ ഐ​ക​ൺ സ്പ​ർ​ശി​ച്ച് മു​ഖം തി​രി​ച്ച​റി​യ​ൽ ന​ട​പ​ടി പൂ​ർ​ത്തി​യാ​ക്കു​ക. തു​ട​ർ​ന്ന് ഫോ​ൺ ഇ ​ഗേ​റ്റ് സ്കാ​നി​റി​നോ​ട് ചേ​ർ​ത്തു​പി​ടി​ച്ച് യാ​ത്ര​ക്കാ​ര​ന്റെ ഐ​ഡ​ന്റി​റ്റി ഉ​റ​പ്പാ​ക്കു​ന്ന​തോ​ടെ ഗേ​റ്റ് തു​റ​ന്ന് പ്ര​വേ​ശ​നം സാ​ധ്യ​മാ​കും. ഖ​ത്ത​റി​ലേ​ക്ക് പ്ര​വേ​ശി​ക്കു​മ്പോ​ഴും വി​ദേ​ശ​ങ്ങ​ളി​ലേ​ക്ക് പോ​കു​മ്പോ​ഴും സ്വ​ദേ​ശി​ക​ൾ​ക്കും താ​മ​സ​ക്കാ​ർ​ക്കും ​രേ​ഖ​ക​ളു​ടെ ഒ​റി​ജി​ന​ൽ കാ​ണി​ക്കാ​തെ​ത​ന്നെ യാ​ത്രാ ന​ട​പ​ടി പൂ​ർ​ത്തി​യാ​ക്കാ​ൻ സ​ഹാ​യി​ക്കു​ന്ന​താ​ണി​ത്.

ബ​യോ​മെ​ട്രി​ക് ഡാ​റ്റ​യി​ലൂ​ടെ ലോ​ഗി​ൻ പൂ​ർ​ത്തി​യാ​ക്കാ​ൻ ക​ഴി​യു​ന്ന സു​ര​ക്ഷി​ത സം​വി​ധാ​ന​മാ​ണ് ക്യൂ.​ഡി.​ഐ പാ​സ്​​പോ​ർ​ട്ട്, ഐ.​ഡി , നാ​ഷ​ണ​ൽ അ​ഡ്ര​സ്, ഡ്രൈ​വി​ങ് ലൈ​സ​ൻ​സ്, സ്ഥാ​പ​ന ര​ജി​സ്ട്രേ​ഷ​ൻ കാ​ർ​ഡ്, ആ​യു​ധ പെ​ർ​മി​റ്റ് തു​ട​ങ്ങി​യ ഔ​ദ്യോ​ഗി​ക രേ​ഖ​ക​ളു​ടെ ഡി​ജി​റ്റ​ൽ പ​ക​ർ​പ്പ് വാ​ല​റ്റി​ൽ സൂ​ക്ഷി​ക്കാ​വു​ന്ന​താ​ണ്. മ​ന്ത്രാ​ല​യ​ത്തി​ന്റെ വി​വി​ധ സേ​വ​ന വെ​ബ്സൈ​റ്റു​ക​ളി​ൽ പ്ര​വേ​ശ​ന​ത്തോ​ടൊ​പ്പം, ഇ​ല​ക്ട്രോ​ണി​ക് ഒ​പ്പു​ക​ൾ, രേ​ഖാ പ​രി​ശോ​ധ​ന, ഡി​ജി​റ്റ​ൽ ഒ​പ്പി​ട്ട സ​ർ​ട്ടി​ഫി​ക്ക​റ്റു​ക​ൾ, തി​രി​ച്ച​റി​യ​ൽ പ​രി​ശോ​ധ​ന തു​ട​ങ്ങി​യ​വ​യും സാ​ധ്യ​മാ​ണ്.