ഖത്തറിൽ മാളുകളിലും കടകളിലും ​കയറണോ, ഇഹ്തിറാസ്​ ആപ്പ് വേണം

ദോഹ: ഖത്തറിൽ പുറത്തിറങ്ങുന്നവർക്ക് ഇഹ്തിറാസ്​ ആപ്പ് നിർബന്ധമാക്കിയതിന് പിന്നാലെ ഷോപ്പിംഗ് മാളുകളും  കോംപ്ലക്സുകളും തങ്ങളുടെ ഉപഭോക്​താക്കൾക്ക്​ ഇഹ്തിറാസ്​ ആപ്പ് നിർബന്ധമാക്കുന്നു. മാനേജ്മ​െൻറുകൾ ഇത്​  സംബന്ധിച്ച അറിയിപ്പ്​ നൽകിക്കഴിഞ്ഞു. മാളുകളിലേക്കും ഷോപ്പിംഗ് സമുച്ചയങ്ങളിലേക്കുമുള്ള പ്രവേശന കവാടങ്ങളിൽ  മൊബൈൽ ഫോൺകാണിക്കണം. ആപ്പിൻെറ ബാർകോഡിൽ പച്ചനിറം ഉള്ളവർക്ക് മാത്രം പ്രവേശനം അനുവദിക്കാനും തുടങ്ങിയിട്ടുണ്ട്.

അൽ മീറ, മോണോപ്രിക്സ്​, കാരിഫോർ, ലുലു, സഫാരി തുടങ്ങിയ ഷോപ്പിംഗ് മാളുകളിലും സ​െൻററുകളിലുമാണ് പ്രവേശനത്തിനായി ഇഹ്തിറാസ്​ ആപ്പ് നിർബന്ധമാക്കിയിരിക്കുന്നത്. ഇത് സംബന്ധിച്ച് ഷോപ്പിംഗ് സ​െൻററുകളുടെ  ഔദ്യോഗിക സാമൂഹിക മാധ്യമങ്ങളുടെ അക്കൗണ്ടുകളിൽ ഉപഭോക്താക്കൾക്കായി സന്ദേശം അയച്ചിട്ടുണ്ട്.

ലുലു ഹൈപ്പർമാർക്കറ്റ് ഖത്തർ തങ്ങളുടെ എല്ലാ ഷോപ്പിംഗ് സ​െൻററുകൾക്ക് മുമ്പിലും ഇഹ്തിറാസ്​ ആപ്പില്ലാതെ പ്രവേശനം നിഷേധിച്ചതായി മുന്നറിയിപ്പ് ബോർഡ് സ്​ഥാപിച്ചിട്ടുണ്ട്. ഇഹ്തിറാസ്​ ആപ്പിൽ പച്ച നിറം തെളിയുന്നവർക്ക് മാത്രമാണ്  പ്രവേശനം അനുവദിക്കുന്നുള്ളൂ.

സർക്കാർ നിർദേശങ്ങൾക്കനുസൃതമായി സ്​റ്റോറുകളിൽ പ്രവേശിക്കുന്നവർ ഇഹ്തിറാസ്​ ആപ്പ് നിർബന്ധമായും ഇൻസ്​റ്റാൾ  ചെയ്തിരിക്കണമെന്ന് കാരിഫോർ ഖത്തറും മോണോപ്രിക്സ്​ ഖത്തറും ഫേസ്​ബുക്കിൽ പോസ്​റ്റ് ചെയ്തു.

ഇഹ്തിറാസ്​ ആപ്പിൽ പച്ച തെളിയുന്നവർക്ക് മാത്രമേ പ്രവേശനം അനുവദിക്കുകയുള്ളൂവെന്ന് അൽമീറയും  വ്യക്തമാക്കിക്കഴിഞ്ഞു.
ഫാമിലി ഫുഡ്സ​െൻറർ, അൽ റവാബി, സൗദിയ ഹൈപ്പർ, റവാബി, ഗ്രാൻഡ് മാൾ തുടങ്ങിയവരും പ്രവേശനത്തിന്  ഇഹ്തിറാസ്​ ആപ്പ് നിർബന്ധമാക്കാനൊരുങ്ങുകയാണ്.

മാളുകളുടെയും ഷോപ്പിംഗ് കോംപ്ലക്സുകളുടെയും നീക്കത്തെ രാജ്യത്തെ ജനങ്ങൾ സ്വാഗതം ചെയ്തു തുടങ്ങിയിട്ടുണ്ട്.  ആശങ്കകളൊഴിവാക്കി ഷോപ്പിംഗ് നടത്താമെന്നതാണ് അധികപേരിലും ഇത് സ്വാഗതാർഹമായ തീരുമാനമായി മാറിയത്. നേ​രത്തേ സിദ്​റ മെഡിസിൻ ആശുപത്രിയിലും ​പ്രവേശനത്തിന്​ ആപ്പ്​ നിർബന്ധമാക്കിയിരുന്നു.

അതേസമയം ആപ്പ്​ ഇൻസ്​റ്റാൾ ചെയ്​ത്​ ഉപയോഗിക്കാൻ കഴിയുന്നവരിൽ ബിസിനസ്​, ഫാമിലി, ടൂറിസ്​റ്റ്  വിസയിലുള്ളവരെയും ഉൾപ്പെടുത്താൻ സാധ്യത ഉണ്ടെന്ന്​ അറിയുന്നു. നിലവിൽ ഖത്തർ ഐ.ഡി ഉള്ളവർക്ക്​ മാത്രമേ ഇത്​ പറ്റുന്നുള്ളൂ. ഇതിനാൽ ഇത്തരം വിസക്കാർക്ക്​ ആപ്പ് ഇൻസ്​റ്റാൾ ചെയ്യാൻ സാധിക്കാത്തതിനാൽ മാളുകളിൽ പ്രവേശനം  നിഷേധിക്കപ്പെടാൻ സാധ്യതയുണ്ട്​. ആപ്പ് ഇൻസ്​റ്റാൾ ചെയ്ത് പ്രവർത്തിപ്പിക്കണമെങ്കിൽ വ്യക്തിയുടെ ഖത്തർ ഐഡി നമ്പർ  നിർബന്ധമാണ്. ആപ്പ്​ എല്ലാവർക്കും നിർബന്ധമാക്കിയതിന്​ ശേഷം പൊതുജനങ്ങളിൽ നിന്നുള്ള പ്രതികരണം മന്ത്രാലയം  ശേഖരിച്ചുവരുന്നുണ്ട്​. ഇതിൻെറ കൂടി അടിസ്​ഥാനത്തിൽ​ ഇത്തരം വിസക്കാരെയും ഉൾപ്പെടുത്താൻ സാധ്യതയുണ്ടെന്നാണ്​ അറിയുന്നത്​.