കോവിഡ്​: ഖത്തറിൽ ഒരു മരണം കൂടി; ആകെ മരണം ഒമ്പതായി

ദോഹ: ഖത്തറിൽ കോവിഡ്​ രോഗം സ്​ഥിരീകരിച്ച്​ ചികിൽസയിലായിരുന്ന ഒരാൾ കൂടി മരിച്ചു. ഇതോടെ ആകെ മരണം ഒമ്പതായി. 56 വയസുള്ള പ്രവാസിയാണ്​ തിങ്കളാഴ്​ച മരിച്ചതെന്ന്​ പൊതുജനാരോഗ്യമന്ത്രാലയം അറിയിച്ചു. ഇദ്ദേഹത്തിന്​ ദീർഘകാലമ ായി മറ്റ്​ രോഗങ്ങളുമുണ്ടായിരുന്നു.

567 പേർക്കുകൂടി പുതുതായി ​േരാഗം സ്​ഥിരീകരിച്ചിട്ടുണ്ട്​. ആകെ ചികിൽസയിലുള്ള രോഗികൾ 5451 ആയിട്ടുണ്ട്​. 37 പേർ കൂടി രോഗമുക്​തി നേടി​. ഇതോടെ ആകെ രോഗം ഭേദമായവർ 555 ആയിട്ടുണ്ട്​. പുതുതായി രോഗം സ്​ഥിരീകരിക്ക​െപ്പടുന്നതിൽ ഭൂരിഭാഗവും പ്രവാസി തൊഴിലാളികളാണ്. മുമ്പ്​ രോഗം സ്​ഥിരീകരിക്ക​െപ്പട്ടവരുമായി സമ്പർക്കം പുലർത്തിയവരാണിവർ. ചില സ്വദേശികളുമുണ്ട്​. ഇവർക്ക്​ കുടുംബാംഗങ്ങളിൽ നിന്നാണ്​ വൈറസ്​ ബാധയേറ്റത്​.

ഒരു സ്വദേശിയും ഏഴ്​​ പ്രവാസികളും നേരത്തേ മരിച്ചിരുന്നു. മാർച്ച്​ 28ന്​ ബംഗ്ലാദേശ്​ പൗരനാണ്​ ആദ്യമായി കോവിഡ്​ ബാധിച്ച്​ രാജ്യത്ത്​ മരിക്കുന്നത്​. പിന്നീട്​ മാർച്ച്​ 31നും ഒരു പ്രവാസി മരിച്ചു. 85വയസുകാരനായ മറ്റൊരു പ്രവാസി ഏപ്രിൽ രണ്ടിനും മരിച്ചു. 88കാരനായ സ്വദേശി പൗരൻ ഏപ്രിൽ അഞ്ചിനാണ്​ മരിച്ചത്​. ഏപ്രിൽ ഏഴിന്​ 74ഉം 59ഉം പ്രായമുള്ള പ്രവാസികളും​ മരണപ്പെട്ടു. ഏപ്രിൽ 12ന്​ 42കാരനായ പ്രവാസിയും മരിച്ചു.

ഖത്തറിൽ ൈ​വറസ്​ ബാധ നിലവിൽ ഏറ്റവും ഉയർന്ന തലത്തിലാണെന്നും വരുംദിവസങ്ങൾ കൂടി ഇത്​ തുടരുമെന്നും ആരോഗ്യമന്ത്രാലയം അറിയിച്ചു. ഇതിനാൽ എല്ലാവരും വീടുകളിൽ തന്നെ കഴിയണം. അടിയന്തര ആവശ്യങ്ങൾക്കല്ലാതെ ആരും പുറത്തിറങ്ങരുതെന്നും മുന്നറിയിപ്പുണ്ട്​. പരിശോധനകൾ കൂടിയതും രോഗികളുടെ എണ്ണത്തിൽ വർധനവുണ്ടാകാൻ കാരണമാണ്​.