കോവിഡ്​: ഖത്തറിൽ പുതിയ രോഗികൾ 271, രോഗമുക്​തർ 289

ദോഹ: ഖത്തറിൽ ഞായറാഴ്​ച 271 പേർക്കുകൂടി പുതുതായി കോവിഡ്​ രോഗം സ്​ഥിരീകരിച്ചു. 289 പേർക്ക്​ രോഗമുക്​തി ഉണ്ടായി. ഒരാൾ കൂടി മരണപ്പെട്ടതോടെ ആകെ മരണം 193 ആയി.

നിലവിലുള്ള ആകെ രോഗികൾ 3093 ആണ്​. ഇതുവരെ 551273 പേർക്കാണ്​ പരിശോധന നടത്തിയത്​. ഞായറാഴ്​ച 4988 പേരെ പരിശോധിച്ചു. ആകെ 111794 പേരാണ്​ രോഗമുക്​തി ​േനടിയിരിക്കുന്നത്​.

477 പേരാണ്​ വിവിധ ആശുപത്രികളിൽ ചികിൽസയിലുള്ളത്​. ഇതിൽ 41 പേരെ 24മണിക്കൂറിനുള്ളിൽ പ്രവേശിപ്പിച്ചതാണ്​. 74 പേർ ആകെ തീവ്രപരിചരണവിഭാഗത്തിലുണ്ട്​. ഇതിൽ അഞ്ചുപേരെ ഞായറാഴ്​ച പ്രവേശിപ്പിച്ചതാണ്​.