ഖത്തറിലേക്ക്​ കൂടുതൽ വിമാനങ്ങൾ വേണം; മടങ്ങേണ്ട അടിയന്തര സാഹചര്യത്തിലുള്ളവർ പതിനായിരത്തിലധികം

ദോഹ: അടിയന്തരസാഹചര്യങ്ങളിൽ ദുരിതത്തിലായി ഖത്തറിൽ നിന്ന്​ മടങ്ങാനാഗ്രഹിക്കുന്നത്​ പതിനായിരത്തിലധികം മലയാളികൾ. ആഴ്​ചയിൽ കേരളത്തിലേക്ക്​ നിലവിൽ രണ്ട്​ വിമാനങ്ങൾ എന്ന തോതിൽ മാത്രമേ അനുവദിക്കുന്നുള്ളൂ. ഇതിനാൽ ഇത്രയധികം ആളുകളെ നിലവി​െല സാഹചര്യത്തിൽ നാട്ടി​െലത്തിക്കണമെങ്കിൽ ഏഴ്​ മാസമെങ്കിലും വേണ്ടിവരും. ഖത്തറിലെ ഇന്ത്യൻ എംബസിയിൽ മടങ്ങാനാഗ്രഹിച്ച്​ രജിസ്​റ്റർ ചെയ്​ത നാൽപതിനായിരത്തിലധികം പേരിൽ  28000ത്തിലധികം മലയാളികളാണ്​. ഖത്തറിൽ വ്യാഴാഴ്​ച മാത്രം 1733 പേർക്കുകൂടി കോവിഡ്​ രോഗം സ്​ഥിരീകരിച്ചിട്ടുണ്ട്​.  നിലവിൽ ചികിൽസയിലുള്ളവർ 24902 പേരാണ്​. ഇതിലധികവും ഇന്ത്യക്കാരും അതിൽ ന​െല്ലാരുശതമാനം മലയാളികളുമാ​ണ്​.

വളരെ ചെറിയ രാജ്യമെന്ന നിലയിൽ കോവിഡ് ബാധിതരുടെ എണ്ണം മേഖലയിൽ തന്നെ ഉയർന്ന നിലയിലാണ്  ഖത്തറിൽ. രോഗബാധ രാജ്യത്ത്​ ഏറ്റവും ഉയർന്നനിലയിലാണെന്നും അത്​ വരുംദിവസങ്ങളിൽ തുടരുമെന്നും പൊതുജനാരോഗ്യമന്ത്രാലയം പറയുന്നു. തൊഴിൽ നഷ്​ടപ്പെട്ടവരും കോവിഡ്​ പ്രതിസന്ധിയിൽ വരുമാനം നഷ്​ടപ്പെട്ട  ഡ്രൈവർമാരടക്കമുള്ള ദിവസക്കൂലിക്കാരുമാണ് മടങ്ങാന​ാഗ്രഹിക്കുന്നവരിൽ നല്ലൊരു ശതമാനവും. നിലവിൽ ഗർഭിണികൾ,  ഗുരുതര രോഗമുള്ളവർ, മാനസിക പ്രശ്നം അനുഭവിക്കുന്നവർ, ജോലി നഷ്​ടപ്പെട്ട്​ ദുരിതമനുഭവിക്കുന്നവർ എന്നിവരെയാണ്​ ഇന്ത്യൻ എംബസി പരിഗണിക്കുന്നത്​. ഇതിനാൽ തന്നെ അടിയന്തര ആവശ്യങ്ങൾ ഉള്ള മറ്റുള്ളവർക്ക്​ മടങ്ങാനാകില്ല. 181  യാത്രക്കാരെയാണ്​ നിലവിൽ ഒരു വിമാനത്തിൽ അനുവദിക്കുന്നത്​. പ്രത്യേക സാഹചര്യം കണക്കിലെടുത്ത് ആഴ്ചയിൽ നാല്  വിമാന സർവ്വീസുകൾ കേരളത്തിലേക്ക് അനുവദിച്ച് കിട്ടണമെന്ന്​ സാമൂഹിക പ്രവർത്തകർ പറയുന്നു.

കേരത്തിലേക്ക് എല്ലാ രാജ്യങ്ങളിൽ നിന്നുമായി ആഴ്ചയിൽ 45 സർവീസുകളിൽ കൂടരുതെന്ന്​ സംസ്ഥാന സർക്കാർ  കേന്ദ്രത്തിന്​ നിലപാട്​ അറിയിച്ചിട്ടുണ്ടെന്നാണ്​ കേന്ദ്ര വിദേശകാര്യ സഹമന്ത്രി വി.മുരളീധരൻ കഴിഞ്ഞ ദിവസം പറഞ്ഞത്​.  ഇതും മലയാളികളുടെ ആശങ്ക കൂട്ടുന്നുണ്ട്​.
ഖത്തറിൽ വ്യാഴാഴ്​ച 1733 പേർക്കുകൂടി കോവിഡ്​ രോഗം സ്​ഥിരീകരിച്ചിട്ടുണ്ട്​. നിലവിൽ ചികിൽസയിലുള്ളവർ 24902  പേരാണ്​. 213പേർക്കുകൂടി കോവിഡ്​ രോഗം ​സുഖപ്പെട്ടു. ആകെ രോഗം ഭേദമായവർ 3356 ആയി. ആകെ 143938 പേരെ  പരിശോധിച്ചപ്പോൾ 28272 പേർക്കാണ്​ രോഗം സ്​ഥിരീകരിച്ചത്​. മരിച്ചവരും രോഗം ഭേദമായവരും ഉൾശപ്പടെയാണിത്​. ആകെ  14 പേരാണ്​ മരിച്ചത്​.

സാമൂഹിക അകലം പാലിക്കാൻ പോലുമാകാതെ
ഖത്തറിൽ കോവിഡ് ബാധിതരിൽ ഗുരുതരാവസ്ഥയിൽ ഉള്ളവരെ മാത്രമേ ആശുപത്രികളിലും മറ്റും പ്രവേശിപ്പിക്കുന്നുള്ളൂ.  ബാക്കിയുള്ളവർ വീടുകളിൽ തന്നെ സമ്പർക്കവിലക്കിൽ കഴിയണമെന്നാണ്​ നിർദേശം. എന്നാൽ  അടിയന്തരസാഹചര്യത്തിൽ 16000 എന്ന കോവിഡ്​ ഹോട്ട്​ലൈൻ നമ്പറിൽ വിളിച്ചാൽ ആശുപത്രികളിലേക്ക്​ ഇവരെ  മാറ്റുന്നുമുണ്ട്​. ​െചറിയ റൂമുകളിൽ മൂന്നോ നാലോ ആളുകൾ കഴിയുന്ന റൂമുകളിൽ പോസിറ്റീവ്​ ആയവർ ഉണ്ട്​. ഇവർക്ക്​  സാമൂഹിക അകലം പാലിക്കാൻ കഴിയുന്നുമില്ല. ഇതിനാൽ തന്നെ മറ്റുള്ളവർക്കു കൂടി രോഗം വരുമോ എന്ന ആശങ്കയിലാണ്​  പലരും കഴിയുന്നത്​.

ഖത്തറിലേക്ക്​ കപ്പൽ സർവീസുകൾ അനുവദിക്കുന്ന കാര്യത്തിൽ പ്രായോഗികതടസങ്ങൾ ഉണ്ടെന്നാണ്​  ഇതുമായി ബന്ധ​െപ്പട്ടവർ പറയുന്നത്​. മടങ്ങിപ്പോകാൻ ആഗ്രഹിക്കുന്ന ഇന്ത്യൻ പ്രവാസികൾക്കായുള്ള കേന്ദ്രസർക്കാറിൻെറ  രണ്ടാംഘട്ട പദ്ധതിയിൽ ഖത്തറിൽ നിന്ന്​ കേരളത്തിലേക്ക്​ മൂന്ന്​​ വിമാനങ്ങളാണുള്ളത്​. മേയ്​ 18ന്​ കോഴിക്കോ​ട്ടേക്കും 21ന്​  കൊച്ചിയിലേക്കുമാണ്​ വിമാനങ്ങൾ. മേയ്​ 19നാണ്​ കണ്ണൂരിലേക്കുള്ള വിമാനം. എയർഇന്ത്യ വിമാനം ദോഹയില്‍ നിന്ന് അന്ന്​  വൈകീട്ട് 6.40 ന് പുറപ്പെട്ട്​ കണ്ണൂരിൽ പുലർച്ചെ 01.25 ന് എത്തും. കോഴിക്കോട്​ വിമാനം 18ന് ഖത്തർ സമയം 3.35ന്​  ദോഹയിൽ നിന്ന്​ പുറപ്പെട്ട്​ കോഴിക്കോട്​ രാത്രി 10.20ന്​ എത്തും. 21ന്​ ഉച്ചക്ക്​ 2.05ന്​ ​േദാഹയിൽ നിന്ന്​ പുറപ്പെടുന്ന വിമാനം​  8.45നാണ്​​ കൊച്ചിയിൽ എത്തുക. വിശാഖപട്ടണം, ഹൈദരാബാദ്​,ബംഗളൂരു, ഗയ എന്നിവിടങ്ങളിലേക്കും​ ഖത്തറിൽ നിന്ന്​  രണ്ടാം ഘട്ടത്തിൽ വിമാനമുണ്ട്​.

22ന്​ ഉച്ചക്ക്​ 1.30ന്​ പുറപ്പെടുന്ന വിമാനം 8.05ന്​ ബംഗളൂരുവിലെത്തും. എന്നാൽ 181 യാത്രക്കാരെ മാത്രമാണ്​ ഒരു  വിമാനത്തിൽ അനുവദിക്കുന്നത്​. കോവിഡിൻെറ സാഹചര്യത്തിൽ മടങ്ങാൻ ആഗ്രഹിക്കുന്ന  അടിയന്തരസഹാചര്യത്തിലുള്ളവരെയെങ്കിലും നാട്ടിലെത്തിക്കാൻ ആഴ്​ചയിൽ നാല്​ വിമാനങ്ങളെങ്കിലും ഖത്തറിലേക്ക്​  വേണമെന്നാണ്​ ആവശ്യമുയരുന്നത്​. ഇക്കാര്യത്തിൽ ഇന്ത്യൻ എംബസി കാര്യക്ഷമമായി ഇടപെടണമെന്നും  ആവശ്യമുയരുന്നു.

സർവീസ് നടത്താൻ സജ്ജമെന്ന് ഖത്തർ എയർവേയ്സ്
കോവിഡിൻെറ പശ്​ചാത്തലത്തിൽ നിർത്തിവെച്ച വിമാനസർവീസുകൾ മേയ്​ 17 മുതൽ ഭാഗികമായി പുനരാരംഭിക്കാൻ ഇന്ത്യ  തീരുമാനിച്ചതോടെ ഇന്ത്യയിലേക്കുള്ള സർവീസുകൾ തുടങ്ങാൻ​ ഖത്തർ എയർവേയ്​സ്​. ആദ്യഘട്ടത്തിൽ 25ശതമാനം  ആഭ്യന്തര വിമാനസർവീസുകളാണ്​ ഇന്ത്യ തുടങ്ങുന്നത്​.

ഇന്ത്യയിലേക്ക് നിര്‍ത്തിവെച്ച സര്‍വീസുകള്‍ മേയ്​ മാസത്തിൽ തന്നെ പുനരാംരംഭിക്കുമെന്ന്​ ഖത്തര്‍ എയര്‍വേയ്സ് ട്വിറ്ററിൽ  അറിയിച്ചു. സര്‍വീസുകള്‍ മെയ് 26 മുതല്‍ തുടങ്ങുമെന്നാണ് ലഭിക്കുന്ന വിവരം. കൊച്ചിയിലേക്ക് പുറപ്പെടുന്ന  വിമാനസര്‍വീസിൻെറ ബുക്കിങ് ആരംഭിച്ചിട്ടുണ്ട്. ജൂൺ അവസാനത്തോടെ അഹ്മദാബാദ്, അമൃത്​സർ, ബംഗളൂരു, മുംബൈ,  കൊൽക്കത്ത, ഡൽഹി, ഗോവ, ഹൈദരാബാദ്, ചെന്നൈ എന്നിവിടങ്ങളിലേക്കുള്ള സർവീസുകളും നടത്തുമെന്നും കമ്പനി  നേരത്തേ അറിയിച്ചിട്ടുണ്ട്​.

എന്നാൽ ഖത്തർ എയർവേയ്​സ്​ അടക്കമുള്ള വിമാനങ്ങൾക്ക്​ സർവീസ്​ നടത്താനുള്ള അനുമതി കേന്ദ്രസർക്കാർ നൽകണം.  നിലവിൽ ഖത്തറും ഇന്ത്യയും ഒരു വിമാനങ്ങൾക്കും അനുമതി നൽകുന്നില്ല. കോവിഡുമായി ബന്ധപ്പെട്ട എല്ലാ  പ്രതിരോധനടപടികളും സ്വീകരിച്ച്​ സർവീസ്​ നടത്താൻ വിമാനകമ്പനികളെ അനുവദിക്കണമെന്ന ആവശ്യം ശക്​ തമാകുന്നുണ്ട്​. നിലവിൽ ഖത്തർ എയർവേയ്​സ്​ ടിക്കറ്റിന്​ വൻതുകയാണ്​ ഇൗടാക്കുന്നത്​. ഇതിനാൽ എയർഇന്ത്യ,  ഇൻഡിഗോ തുടങ്ങിയവക്ക്​ സർവീസിന്​ അനുമതി നൽകണമെന്നും പ്രവാസികൾ ആവശ്യപ്പെടുന്നു.