ഖത്തറിൽ കോവിഡ്​ മുക്​തരുടെ എണ്ണം അരലക്ഷം കടന്നു 

ദോഹ: രാജ്യത്തെ കോവിഡ്​ മുക്​തരുടെ എണ്ണം അമ്പതിനായിരം കടന്നു. ആദ്യഘട്ടത്തിൽ എല്ലാ ദിവസവും രോഗബാധിതർ  കൂടുകയും രോഗമുക്​തർ അതിനേക്കാൾ കുറയുകയും ചെയ്യുന്ന സ്​ഥിതി ആയിരുന്നു. എന്നാൽ​ ഈ അവസ്​ഥ നേരെ  തിരിച്ചാവുകയും ദിനേന രോഗമുക്​തർ കൂടുന്ന സ്​ഥിതിയുമാണ്​ കഴിഞ്ഞ ദിവസങ്ങളിൽ​. 

ഇതുവരെ ആകെ രോഗം  ഭേദമായവരുടെ എണ്ണം 53296 ആയിട്ടുണ്ട്​. വെള്ളിയാഴ്​ച 1965 പേർക്കുകൂടി രോഗം ഭേദമായിട്ടുണ്ട്​. 1517 പേർക്കാണ്​ ​ ഇന്നലെ പുതുതായി വൈറസ്​ ബാധ സ്​ഥിരീകരിച്ചിരിക്കുന്നത്​. ആകെ 2,80,665 പേർക്ക്​ പരിശോധന നടത്തിയപ്പോൾ 76588  പേർക്കാണ്​ ഇതുവരെ രോഗം ബാധിച്ചിരിക്കുന്നത്​. രോഗം മാറിയവരും മരിച്ചവരും ഉൾ​െപ്പടെയാണിത്​. 

വെള്ളിയാഴ്​ച ഒരാൾ  കൂടി മരിച്ചതോടെ ആകെ മരണം 70 ആയി. നിലവിലുള്ള ആകെ ​േരാഗികൾ 23222 ആണ്​. ആകെ 1281 പേരാണ്​ വിവിധ  ആശുപത്രികളിൽ ചികിൽസയിലുള്ളത്​. ഇതിൽ 156 പേർ കഴിഞ്ഞ 24 മണിക്കൂറിനിടെ എത്തിയവരാണ്​. ആകെ 229 പേർ  തീവ്രപരിചരണ വിഭാഗത്തിൽ ചികിൽസയിലാണ്​. ഇതിൽ 14 പേരെ 24 മണിക്കൂറിനിടെ പ്രവേശിപ്പിച്ചതാണ്​. നിലവിലുള്ള  ആകെ രോഗികളിൽ ബാക്കിയുള്ളവർ വിവിധ സമ്പർക്കവിലക്കുകേന്ദ്രങ്ങളിൽ ചികിൽസയിലാണ്​.