പത്ത്​ വർഷം: 20 ലക്ഷം ഗസ്സക്കാർക്ക്​ ആരോഗ്യ സേവനമേകി ഖത്തർ ചാരിറ്റി

​േദാഹ: ഇസ്രായേലി​​​െൻറ ഉപരോധം മൂലം പ്രയാസം അനുഭവിക്കുന്ന ഗസ്സയിലെ ജനങ്ങൾക്കായി പത്ത്​ വർഷത്തിനിടെ ഖത്തർ ചാരിറ്റി നൽകിയത്​ 66 ദശലക്ഷം റിയാലി​​​െൻറ സഹായം. 2008^2018 കാലയളവിൽ നടപ്പാക്കിയ 15 ആരോഗ്യ പദ്ധതികളിലൂടെയാണ്​ ഇത്രയും തുകയുടെ സഹായം ചെയ്​തത്​. ഇതിലൂടെ 20 ലക്ഷം ഗസ്സ നിവാസികൾക്കാണ്​ പ്രയോജനം ലഭിച്ചത്​. ഖത്തറിലെ ജനങ്ങളുടെയും ഖത്തർ ചാരിറ്റിയുടെ വിവിധ പങ്കാളികളുടെയും പിന്തുണയോടെയാണ്​ ഇൗ പ്രവർത്തനങ്ങൾ നിർവഹിച്ചത്​.
പാവ​പ്പെട്ട രോഗി പദ്ധതിയിലൂടെ 1155 പേർക്ക്​ അടിയന്തര ശസ്​ത്രക്രിയ നടത്താനുള്ള സഹായം നൽകി. മരുന്നുകളും പരിശോധനകൾക്കുള്ള സഹായവും ലഭ്യമാക്കിയിരുന്നു. യുനൈറ്റഡ്​ നാഷൻസ്​ റിലീഫ്​ ആൻറ്​ വർക്ക്​സ്​ ഏജൻസി ഫോർ ഫലസ്​തീനി​​​െൻറ ആശുപത്രികളിലും ക്ലിനിക്കുകളിലും ലഭ്യമല്ലാത്ത പരിശോധനകളും മരുന്നുകളുമാണ്​ ഖത്തർ ചാരിറ്റി ലഭ്യമാക്കിയത്​. ഇൗ പദ്ധതിക്ക്​ 3.5 ലക്ഷം റിയാലാണ്​ മൊത്തം ചെലവായത്​. ഗസ്സ മുനമ്പിലെ ആക്രമണങ്ങളിൽ പരിക്കേറ്റ സിവിലിയൻമാരെ സഹായിക്കാൻ 70 ലക്ഷം റിയാലി​​​െൻറ പദ്ധതിയും നടപ്പാക്കി.
വിവിധ ആശുപത്രികളിലും ക്ലിനിക്കുകളിലും ശസ്​ത്രക്രിയക്കുള്ള ഉപകരണങ്ങൾ, മരുന്നുകൾ തുടങ്ങിയവയെല്ലാം ഖത്തർ ചാരിറ്റി നേതൃത്വത്തിൽ ലഭ്യമാക്കിയിരുന്നു. 120 ലക്ഷം റിയാൽ ചെലവിൽ ശാരീരിക വെല്ലുവിളികൾ നേരിടുന്നവരും പ്രത്യേക പരിഗണന അർഹിക്കുന്നവരുമായവർക്കായി ഇലക്​​ട്രിക്​ ചെയറുകളും മറ്റും ലഭ്യമാക്കി. വൃക്ക രോഗികളുടെ യാത്രക്കായി 1.31 ലക്ഷം റിയാലും ചെലവഴിച്ചു.
അന്താരാഷ്​ട്ര കണക്കുകൾ പ്രകാരം ഗസ്സയിൽ ഇനിയും ആരോഗ്യ സേവനങ്ങൾ ലഭ്യമാക്കേണ്ടതുണ്ട്​. മരുന്നുകളുടെ ലഭ്യതയിൽ 45 ശതമാനം കുറവുണ്ട്​. ലാബ്​ സേവനങ്ങളിൽ 58 ശതമാനത്തി​​​െൻറ കുറവുമുണ്ട്​. ഗസ്സയിലെ 4800 രോഗികൾക്ക്​ ജീവൻ നിലനിർത്തുന്നതിന്​ ദിനേന ആരോഗ്യ സേവനം ലഭിക്കേണ്ടതുമുണ്ട്​.