33,000 പേർക്ക്​ ബലിമാംസമെത്തിച്ച്​ ഖത്തർ ചാരിറ്റി

ദോ​ഹ: ബ​ലി​പെ​രു​ന്നാ​ളി​ന്‍റെ ഭാ​ഗ​മാ​യി ഖ​ത്ത​റി​ൽ 4100 ഉ​ദു​ഹി​യ​ത്​ (ബ​ലി​ക​ർ​മം) ന​ട​ത്തി​യ​താ​യി ഖ​ത്ത​ർ ചാ​രി​റ്റി അ​റി​യി​ച്ചു.

ഇ​തു​വ​ഴി അ​ർ​ഹ​രാ​യ 33,330 പേ​ർ​ക്ക്​ ബ​ലി​മാം​സം വി​ത​ര​ണം ചെ​യ്യാ​ൻ ക​ഴി​ഞ്ഞു. കു​റ​ഞ്ഞ വ​രു​മാ​ന​ക്കാ​ർ, വി​ധ​വ​ക​ൾ, അ​നാ​ഥ​ക​ൾ, ഏ​ഷ്യ​ൻ-​അ​റ​ബ്​ വം​ശ​ജ​രാ​യ തൊ​ഴി​ലാ​ളി​ക​ൾ ഉ​ൾ​പ്പെ​ടെ​യു​ള്ള വി​ഭാ​ഗ​ങ്ങ​ൾ​ക്കാ​ണ്​ ഖ​ത്ത​ർ ചാ​രി​റ്റി ബ​ലി​മാം​സം വി​ത​ര​ണം ചെ​യ്ത​ത്.

34 ല​ക്ഷം റി​യാ​ൽ ചെ​ല​വി​ലാ​ണ്​ രാ​ജ്യ​ത്ത്​ പെ​രു​ന്നാ​ളി​നോ​ട​നു​ബ​ന്ധി​ച്ച്​ ബ​ലി​മാം​സം വി​ത​ര​ണം ന​ട​ത്തി​യ​ത്. പെ​രു​ന്നാ​ളി​ന്‍റെ മൂ​ന്നും നാ​ലും ദി​ന​ങ്ങ​ളി​ലാ​യി രാ​ജ്യ​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ ബ​ലി​മാം​സം എ​ത്തി​ക്കു​ക​യാ​യി​രു​ന്നു.

അ​ൽ​വ​ക്​​റ, അ​ൽ സൈ​ലി​യ ബീ​ച്ച്, അ​ൽ ഷെ​ഹാ​നി​യ, ഉം​സ​ലാ​ൽ എ​ന്നി​വ​ട​ങ്ങ​ളി​ൽ വി​ദാം ഫു​ഡ്​ ക​മ്പ​നി​യു​മാ​യി സ​ഹ​ക​രി​ച്ചാ​ണ്​ മാം​സ​വി​ത​ര​ണം ന​ട​ത്തി​യ​ത്. ഇ​ന്ത്യ, പാ​കി​സ്താ​ൻ, ശ്രീ​ല​ങ്ക, ഫി​ലി​പ്പി​നോ, ആ​ഫ്രി​ക്ക​ൻ രാ​ജ്യ​ങ്ങ​ൾ ഉ​​ൾ​പ്പെ​ടെ വി​വി​ധ ക​മ്യൂ​ണി​റ്റി പ്ര​വ​ർ​ത്ത​ക​രു​ടെ സേ​വ​ന​വും ഉ​പ​യോ​ഗ​പ്പെ​ടു​ത്തി. ഇ​ൻ​ഡ​സ്​​ട്രി​യ​ൽ ഏ​രി​യ​യി​ലെ തൊ​ഴി​ലാ​ളി​ക​ൾ​ക്ക്​ താ​മ​സ​സ്ഥ​ല​ത്ത്​ എ​ത്തി​ച്ചാ​യി​രു​ന്നു മാം​സ​വി​ത​ര​ണം. ഇ​തി​നു​പു​റ​മെ, ഖ​ത്ത​ർ ചാ​രി​റ്റി നേ​തൃ​ത്വ​ത്തി​ൽ 1500 അ​നാ​ഥ വി​ദ്യാ​ർ​ഥി​ക​ൾ​ക്ക്​ പെ​രു​ന്നാ​ൾ ആ​ഘോ​ഷ​ത്തി​ന്​ സ​ഹാ​യ​വും എ​ത്തി​ച്ചു.