ജി.സി.സി നീതിന്യായ മന്ത്രിമാരുടെ യോഗത്തിൽ ഖത്തർ

ദോഹ: ജി.സി.സി രാജ്യങ്ങളിൽനിന്നുള്ള നീതിന്യായ മന്ത്രിമാരുടെ ഓൺലൈൻ യോഗത്തിൽ ഖത്തർ പ​ങ്കെടുത്തു. മന്ത്രാലയത്തിലെ നിയമകാര്യവിഭാഗം അസി.അണ്ടർ സെക്രട്ടറി സാലിം റാഷിദ്​ അൽ മുറൈഖിയാണ്​ രാജ്യത്തെ പ്രതിനിധാനംചെയ്​തത്​. നീതിന്യായമേഖലയുമായി ബന്ധപ്പെട്ട വിവിധ മേഖലകളിൽ പരസ്​പരം സഹകരിക്കാനും ഒരുമിച്ചുനീങ്ങാനും ചർച്ചയിൽ ധാരണയായി. വിധികൾ നടപ്പാക്കൽ, നീതിന്യായ അറിയിപ്പുകൾ തുടങ്ങിയവയുമായി ബന്ധപ്പെട്ട്​ കരാർ ഉണ്ടാക്കുന്ന കാര്യവും ചർച്ചയായി.