ഫിലിപ്പീൻ പ്രസിഡൻറ്​ അമീറുമായി കൂടിക്കാഴ്ച നടത്തി

ദോഹ: ഔദ്യോഗിക സന്ദർശനത്തിനായി ഖത്തറിലെത്തിയ ഫിലിപ്പീൻ പ്രസിഡൻറ് റോഡിേഗ്രാ റോ ഡ്യൂട്ടെർട്ടുമായി അമീർ ശൈഖ് തമീം ബിൻ ഹമദ് ആൽഥാനി കൂടിക്കാഴ്ച നടത്തി. 
അമീരി ദിവാനിൽ നടന്ന കൂടിക്കാഴ്ചയിൽ  ഇരുരാജ്യങ്ങളും തമ്മിലുള്ള നയതന്ത്രബന്ധത്തെ സംബന്ധിച്ചും അടിസ്ഥാന സൗകര്യവികസനം, കാർഷികം, ആരോഗ്യം, 
വിദ്യാഭ്യാസം, നിക്ഷേപം തുടങ്ങി വിവിധ മേഖലകളിൽ സഹകരണം വർധിപ്പിക്കുന്നതുമായി ബന്ധപ്പെട്ടും അമീർ–ഫിലിപ്പൈൻ പ്രസിഡൻറ് കൂടിക്കാഴ്ചയിൽ ചർച്ച ചെയ്തു. കൂടാതെ 
വിദേശ തൊഴിലാളികളുമായി ബന്ധപ്പെട്ട് സഹകരണം ശക്തമാക്കാനും കൂടിക്കാഴ്ചയിൽ ചർച്ച ചെയ്തു. പ്രാദേശികവും അന്തർദേശീയവുമായതും പൊതു പ്രാധാന്യമുള്ളതുമായ വിവിധ വിഷയങ്ങളും കൂടിക്കാഴ്ചയിൽ വിശകലനം ചെയ്തു. അമീർ–റോഡിേഗ്രാ ഡ്യൂട്ടെർട്ട് കൂടിക്കാഴ്ചക്ക് ശേഷം ഇരുരാജ്യങ്ങളും തമ്മിൽ നടന്ന കരാർ, ധാരണാപത്രം ഒപ്പിടുന്നതിനും ഇരുരാഷ്ട്ര നേതാക്കളും സാക്ഷിയായി. സാംസ്കാരിക രംഗത്ത് സഹകരണം മെച്ചപ്പെടുത്താനും പരിചയസമ്പത്ത് പരസ്പരം കൈമാറുന്നതിനുമായുള്ള ധാരണാപത്രത്തിൽ ഖത്തർ സാംസ്കാരിക മന്ത്രാലയവും ഫിലിപ്പൈൻസ് കലാ സാംസ്കാരിക ദേശീയ കമ്മീഷനും തമ്മിൽ ഒപ്പുവെച്ചു.
 നിക്ഷേപകരംഗം േപ്രാത്സാഹിപ്പിക്കുന്നതിനും വളർത്തുന്നതിനുമുള്ള പൊതുധാരണാ പത്രത്തിലും ഇരു സർക്കാറുകളും തമ്മിൽ ഒപ്പുുവെച്ചു. സാങ്കേതികവും തൊഴിലധിഷ്ടിതവുമായ പരിശീലനം നൽകുന്നത് സംബന്ധിച്ച ധാരണാപത്രത്തിൽ ഖത്തർ –ഫിലിപ്പൈൻസ് സർക്കാറുകൾ തമ്മിൽ ഒപ്പുവെച്ചു. ആരോഗ്യമേഖലയിലെ സഹകരണം വിശാലമാക്കുന്നതുമായി ബന്ധപ്പെട്ട ധാരണാപത്രത്തിലും ഇരുരാജ്യങ്ങളും ഒപ്പുവെച്ചു. 
അമീർ, ഫിലിപ്പീൻ പ്രസിഡൻറ്  എന്നിവരെ കൂടാതെ ഡെപ്യൂട്ടി അമീർ ശൈഖ് അബ്ദുല്ല ബിൻ ഹമദ് ആൽഥാനി, മറ്റു മന്ത്രിമാർ, മുതിർന്ന ഉദ്യോഗസ്ഥരും ഫിലിപ്പീൻ പ്രതിനിധി സംഘാംഗങ്ങളും ചടങ്ങിൽ പങ്കെടുത്തു. നേരത്തെ അമീരി ദീവാനിലെത്തിയ ഫിലിപ്പീൻ പ്രസിഡൻറിന് ഉൗഷ്മളമായ സ്വീകരണമാണ് ലഭിച്ചത്. ആദരസൂചകമായി ഫിലിപ്പൈൻ പ്രസിഡൻറിന് അമീർ ശൈഖ് തമീം ബിൻ ഹമദ് ആൽഥാനി വിരുന്നും സംഘടിപ്പിച്ചിരുന്നു. രണ്ട് ദിവസത്തെ ഔദ്യോഗിക സന്ദർശനത്തിന് ശേഷം റോഡിേഗ്രാ ഡ്യൂട്ടർട്ട് ഫിലിപ്പീനിലേക്ക് മടങ്ങി.