അമീർ പുസ്തക മേള സന്ദർശിച്ചു
text_fieldsദോഹ: അമീർ ശൈഖ് തമീം ബിൻ ഹമദ് ആൽഥാനി 29ാമത് പുസ്തക മേള സന്ദർശിച്ചു. ‘ദോഹ അറിവും ബോധ്യവും’ എന്ന മുദ്രാവാക്യമാണ് ഇത്തവണ പുസ്തക മേളക്ക് നൽകിയിരിക്കുന്നത്. പുസ്തക മേളക്കെത്തിയ അമീർ വിവിധ സ്റ്റാളുകൾ സന്ദർശിച്ചു. ഈ വർഷം മുൻ വർഷങ്ങളേക്കാൾ വിപുലമായ സൗകര്യങ്ങ ളാണ് മേളയിൽ ഒരുകിയിരിക്കുന്നത്.
ഉപരോധ രാജ്യങ്ങൾ മേളയിൽ നിന്ന് വിട്ടുനിൽക്കുന്നുണ്ടെങ്കിലും മുപ്പ തോളം രാജ്യങ്ങൾ പങ്കെടുക്കുന്നുണ്ട്. പുസ്തക മേളയുടെ ഭാഗമായി സംസ്കാരിക സദസും എല്ലാ ദിവസവും സംഘടിപ്പിക്കുന്നു. ആദ്യമായി മേളയിൽ മലയാളത്തിലെ പ്രമുഖർ സംബന്ധിക്കുന്ന സാംസ്ക്കാരിക സദസ്സ് സംഘടിപ്പിച്ചിട്ടുണ്ടെന്ന് അധികൃതർ അറിയിച്ചു.
നാളെ വൈകുന്നേരം ആറ് മണിക്ക് നടക്കുന്ന സാംസ്ക്കാരിക സദസ്സിൽ പി. സുരേന്ദ്രൻ, കെ.ഇ.എൻ കുഞ്ഞഹമ്മദ്, ശൈഖ് മുഹമ്മദ് കാരക്കുന്ന് എന്നിവർ സംബന്ധിക്കും. മേളയിലെ ഐ.പി.എച്ച് സ്റ്റാളിനടുത്ത് (2– 59) ഒരുക്കിയ വേദിയിലായിരിക്കും പരിപാടി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.