കോവിഡ്​ നടപടികൾ ഖത്തർ അമീർ വിലയിരുത്തി

ദോഹ: കോവിഡുമായി ബന്ധപ്പെട്ട്​ രാജ്യം സ്വീകരിച്ച വിവിധ നടപടികൾ അമീർ ശൈഖ് തമീം ബിൻ ഹമദ് ആൽഥാനി വിലയിരുത്തി. 2020 ലെ രണ്ടാമത് ഖത്തർ സാമ്പത്തിക നിക്ഷേപ ഉന്നതാധികാര സമിതി യോഗത്തിലാണിത്​. സമിതിയുടെ ചെയർമാൻ കൂടിയായ അമീർ അധ്യക ്ഷത വഹിച്ചു.

വിഡിയോ കോൺഫെറൻസ്​ വഴി നടന്ന യോഗത്തിൽ സമിതി ഡെപ്യൂട്ടി ചെയർമാനും ഡെപ്യൂട്ടി അമീറുമായ ശൈഖ് അ ബ്​ദുല്ല ബിൻ ഹമദ് ആൽഥാനി, സമിതി എക്സിക്യൂട്ടിവ് അംഗവും പ്രധാനമന്ത്രിയും ആഭ്യന്തരമന്ത്രിയുമായ ശൈഖ് ഖാലിദ് ബിൻ ഖലീഫ ബിൻ അബ്​ദുൽ അസീസ്​ ആൽഥാനി തുടങ്ങിയവരും മറ്റ് അംഗങ്ങളും പങ്കെടുത്തു.

കോവിഡ്–19 പശ്ചാത്തലത്തിൽ സാമ്പത്തിക, ധനകാര്യ മേഖലയിലുണ്ടായ വെല്ലുവിളികളും ആഘാതങ്ങളും ചർച്ച ചെയ്തു. പ്രതിസന്ധികൾ മറികടക്കാനുള്ള മാർഗങ്ങളും ഭാവി പരിപാടികളും വിശകലനം ചെയ്തു.

ഖത്തർ ദേശീയ വിഷൻ 2030​െൻറ ഭാഗമായി നടപ്പാക്കുന്ന രണ്ടാമത് ദേശീയ വികസന പദ്ധതി 2018–2022 പുരോഗതികൾ വിലയിരുത്തി. ഊർജ മേഖലയിലെയും നിക്ഷേപ മേഖലയിലെയും ഏറ്റവും പുതിയ സാഹചര്യങ്ങളും ഊർജമേഖലയിലെ ഖത്തർവത്​കരണ പരിപാടിയും പ്രാദേശിക വിതരണക്കാർ, പ്രാദേശിക സാങ്കേതികജ്ഞാനം എന്നിവയും വിശകലനം ചെയ്തു.

സ്വദേശികൾക്കും നിക്ഷേപകർക്കും വ്യാപാര സംസ്​ഥാപനത്തിന്​ ഇലക്േട്രാണിക് ജാലകം വഴിയുള്ള ഏകജാലക സംവിധാനത്തി​െൻറ പുരോഗതിയും ചർച്ച ചെയ്തു.