ഖത്തർ എയർവേസ് ചിറകായി; ഏകാകിയായ റൂബൻ കാടിന്റെ കൂട്ടിലെത്തി

ദോ​ഹ: സ​ട കൊ​ഴി​ഞ്ഞ്, ശ​രീ​രം ക്ഷ​യി​ച്ച്, ഗ​ർ​ജ​നം നി​ല​ച്ച് ലോ​ക​ത്തി​ലെ ഏ​റ്റ​വും ഏ​കാ​കി​യാ​യ സിം​ഹ​മാ​യി മാ​റി​യ റൂ​ബ​ൻ ഒ​ടു​വി​ൽ കാ​ടി​ന്റെ വി​ഹാ​യ​സ്സി​ലേ​ക്ക് ‘പ​റ​ന്നെ’​ത്തി. അ​ഞ്ചു വ​ർ​ഷ​ത്തോ​ള​മാ​യി അ​ർ​മീ​നി​യ​യി​ലെ അ​ട​ച്ചു​പൂ​ട്ട​പ്പെ​ട്ട മൃ​ഗ​ശാ​ല​യു​ടെ കോ​ൺ​ക്രീ​റ്റ് സെ​ല്ലി​നു​ള്ളി​ൽ ഏ​കാ​ന്ത​നാ​യി ക​ഴി​ഞ്ഞ റൂ​ബ​ൻ ഖ​ത്ത​ർ എ​യ​ർ​വേ​സ് കാ​ർ​ഗോ വി​മാ​നം ക​യ​റി​യാ​ണ് ദ​ക്ഷി​ണാ​ഫ്രി​ക്ക​യി​ലെ എ.​ഡി.​ഐ വ​ന്യ​ജീ​വി സ​​ങ്കേ​ത​ത്തി​ലെ പു​തി​യ താ​വ​ള​ത്തി​ലെ​ത്തി​യ​ത്.

മൃ​ഗ​​സ്നേ​ഹി​ക​ളു​ടെ കൂ​ട്ടാ​യ്മ​യാ​യ ആ​നി​മ​ൽ ഡി​ഫ​ൻ​ഡേ​ഴ്സ് ഇ​ന്റ​ർ​നാ​ഷ​ന​ലി​ന്റെ നി​ര​ന്ത​ര ഇ​ട​പെ​ട​ലി​നൊ​ടു​വി​ൽ അ​ർ​മീ​നി​യ​യി​ലെ ഏ​കാ​ന്ത ത​ട​വി​ൽ​നി​ന്ന് മോ​ച​നം നേ​ടി​യ റൂ​ബ​ന്റെ ഗ​ർ​ജ​നം ഇ​നി ദ​ക്ഷി​ണാ​ഫ്രി​ക്ക​യി​ലെ കാ​ട്ടി​ൽ മു​ഴ​ങ്ങും.

ക​ഴി​ഞ്ഞ ഏ​താ​നും വ​ർ​ഷ​ങ്ങ​ളാ​യി നി​ര​ന്ത​രം ശ്ര​മി​ച്ചി​ട്ടും അ​സാ​ധ്യ​മെ​ന്ന് ക​രു​തി​യ ദൗ​ത്യ​മാ​ണ് ഖ​ത്ത​ർ എ​യ​ർ​വേ​സ് കാ​ർ​ഗോ​യു​ടെ ഇ​ട​പെ​ട​ലി​ൽ വി​ജ​യ​ക​ര​മാ​യി പൂ​ർ​ത്തി​യാ​യ​ത്. പ്ര​ത്യേ​ക കാ​ർ​ഗോ വി​മാ​ന​ത്തി​ലാ​യി​രു​ന്നു അ​ർ​മീ​നി​യ​യി​ൽ​നി​ന്ന് 5200 മൈ​ൽ ദൂ​രം പി​ന്നി​ട്ട് ദ​ക്ഷി​ണാ​ഫ്രി​ക്ക​യി​ലെ ല​ക്ഷ്യ​സ്ഥാ​ന​ത്ത് എ​ത്തി​യ​ത്.

സ്വ​കാ​ര്യ മൃ​ഗ​ശാ​ല​യു​ടെ പ്ര​വ​ർ​ത്ത​നം നി​ല​ച്ച​തോ​ടെ​യാ​ണ് 15 വ​യ​സ്സു​ള്ള റു​ബ​ന്റെ ജീ​വി​തം ദു​രി​ത​പൂ​ർ​ണ​മാ​വു​ന്ന​ത്. അ​ട​ച്ചു​പൂ​ട്ടി​യ മൃ​ഗ​ശാ​ല​യി​ൽ​നി​ന്ന് മ​റ്റു മൃ​ഗ​ങ്ങ​ളെ​ല്ലാം പു​തി​യ ഇ​ട​ങ്ങ​ളി​ലേ​ക്ക് ചേ​ക്കേ​റി​യെ​ങ്കി​ലും റൂ​ബ​നെ മാ​ത്രം ഏ​റ്റെ​ടു​ക്കാ​ൻ ​ആ​രു​മു​ണ്ടാ​യി​രു​ന്നി​ല്ല. പ​ത്ത് വ​യ​സ്സാ​യി​രു​ന്നു അ​ന്ന​വ​ന് പ്രാ​യം. ക​ഴി​ഞ്ഞ വ​ർ​ഷം അ​വ​സാ​ന​ത്തി​ലാ​ണ് മൃ​ഗ​ങ്ങ​ളു​ടെ ക്ഷേ​മ​ത്തി​നാ​യി പ്ര​വ​ർ​ത്തി​ക്കു​ന്ന ആ​നി​മ​ൽ ഡി​ഫ​ൻ​ഡേ​ഴ്സ് ഇ​ന്റ​ർ​നാ​ഷ​ന​ൽ സം​ര​ക്ഷ​ണ​ത്തി​നാ​യി എ​ത്തു​ന്ന​ത്.

ഏ​കാ​കി​യാ​യ​തോ​ടെ ഗ​ർ​ജ​നം മ​റ​ന്ന്, ആ​വ​ശ്യ​ത്തി​ന് ഭ​ക്ഷ​ണ​വും വ്യാ​യാ​മ​വും ഇ​ല്ലാ​തെ ആ​രോ​ഗ്യം ക്ഷ​യി​ച്ച റൂ​ബ​നെ കാ​ടി​ന്റെ പ​രി​ച​ര​ണ​ത്തി​ലെ​ത്തി​ക്കു​ന്ന​ത് വെ​ല്ലു​വി​ളി​യാ​യി. വി​വി​ധ മാ​ർ​ഗ​ങ്ങ​ൾ അ​ന്വേ​ഷി​ച്ചെ​ങ്കി​ലും ഒ​ന്നും ല​ക്ഷ്യ​ത്തി​ലെ​ത്തി​യി​ല്ല. ഒ​ടു​വി​ലാ​യി​രു​ന്നു ഖ​ത്ത​ർ എ​യ​ർ​വേ​സ് കാ​ർ​ഗോ​യു​ടെ ചാ​രി​റ്റി പ​ദ്ധ​തി​കൂ​ടി​യാ​യ ‘വി​ക്യു​വ​ർ’ ര​ക്ഷ​ക്കെ​ത്തു​ന്ന​ത്.

വ​ന്യ​ജീ​വി​ക​ളെ​യും വം​ശ​നാ​ശ​ഭീ​ഷ​ണി നേ​രി​ടു​ന്ന ജീ​വ​ജാ​ല​ങ്ങ​ളെ​യും സം​ര​ക്ഷി​ക്കാ​നു​ള്ള പ​ദ്ധ​തി​യു​ടെ ഭാ​ഗ​മാ​യി അ​വ​ത​രി​പ്പി​ച്ച ‘വി ​ക്യൂ​വ​ർ’ റൂ​ബ​ന്റെ പു​ന​ര​ധി​വാ​സ​വും ഏ​റ്റെ​ടു​ക്കു​ക​യാ​യി​രു​ന്നു​വെ​ന്ന് ഖ​ത്ത​ർ എ​യ​ർ​വേ​സ് കാ​ർ​ഗോ സെ​യി​ൽ​സ് ആ​ൻ​ഡ് നെ​റ്റ്‍വ​ർ​ക്ക് പ്ലാ​നി​ങ് സീ​നി​യ​ർ വൈ​സ് പ്ര​സി​ഡ​ന്റ് എ​ലി​സ​ബ​ത്ത് ഔ​ഡ്ക​ർ​ക് പ​റ​ഞ്ഞു.

വ​ന്യ​ജീ​വി​ക​ളെ​യും വം​ശ​നാ​ശ​ഭീ​ഷ​ണി നേ​രി​ടു​ന്ന ജീ​വ​ജാ​ല​ങ്ങ​ളെ​യും അ​വ​യു​ടെ സ്വാ​ഭാ​വി​ക ആ​വാ​സ​വ്യ​വ​സ്ഥ​യി​ലേ​ക്ക് തി​രി​കെ കൊ​ണ്ടു​വ​രാ​നു​ള്ള ദൗ​ത്യ​ങ്ങ​ളി​ൽ സ​ഹ​ക​രി​ക്കു​മെ​ന്നും അ​വ​ർ വ്യ​ക്ത​മാ​ക്കി.

എ.​ഡി.​ഐ പ്ര​തി​നി​ധി​ക​ൾ സ​മീ​പി​ച്ച​പ്പോ​ൾ, പൂ​ർ​ണ​മാ​യും സൗ​ജ​ന്യ​മാ​യി​ത്ത​ന്നെ ഈ ​ദൗ​ത്യം ഏ​റ്റെ​ടു​ക്കു​ക​യാ​യി​രു​ന്നു​വെ​ന്നും അ​വ​ർ പ​റ​ഞ്ഞു. പു​തി​യ ആ​വാ​സ​കേ​ന്ദ്ര​ത്തി​ൽ റൂ​ബ​ൻ മ​റ്റു സിം​ഹ​ങ്ങ​ൾ​ക്കൊ​പ്പം ക​ഴി​യു​ന്ന​തി​ന്റെ വി​ഡി​യോ ദൃ​ശ്യ​ങ്ങ​ളും ഖ​ത്ത​ർ എ​യ​ർ​വേ​സ് എ​ക്സി​ലൂ​ടെ പ​ങ്കു​വെ​ച്ചു.