13 എയർബസ്​ വിമാനങ്ങളുടെ സർവിസ്​ നിർത്തി ഖത്തർ എയർവേസ്​

ദോഹ: വിമാനത്തി​െൻറ ബാഹ്യാവരണത്തിൽ തകരാർ കണ്ടെത്തിയതിനെ തുടർന്ന്​ ഖത്തർ എയർവേസിെൻറ 13 എയർ ബസ്​ വിമാനങ്ങൾ സർവിസ്​ നിർത്തി. ​എയർബസ്​ എ 350 വിമാനത്തിെൻറ പുറംചട്ടയുടെ താഴെ നിർമാണത്തിൽ പാളിച്ച കണ്ടെത്തിയതിനെ തുടർന്നാണ്​ നടപടി.

ഇതുസംബന്ധിച്ച്​ ഖത്തർ എയർവേസ്​ അധികൃതർ നേര​േത്തതന്നെ വിമാന നിർമാണ കമ്പനിയായ എയർബസിനെ അറിയിച്ചിരുന്നെങ്കിലും നടപടിയുണ്ടായില്ല. ഇതിനെ തുടർന്നാണ്​ സർവിസ്​ നിർത്തിവെക്കാൻ തീരുമാനിച്ചത്​. വിമാനം പറക്കു​േമ്പാൾ ഇന്ധന ലാഭത്തിനുവേണ്ടി ഭാരം കുറ​ക്കാനായി പുറംചട്ടയുടെ കാര്യക്ഷമതയിൽ കമ്പനി വിട്ടുവീഴ്ച ചെയ്തതായാണ് ആരോപണം. കാരണങ്ങൾ കണ്ടെത്തി, പരിഹാര നടപടി സ്വീകരിക്കുംവരെ 13 വിമാനങ്ങളുടെയും സർവിസ്​ നടത്തില്ല.

യാത്രക്കാരുടെ സുരക്ഷയുടെ കാര്യത്തിൽ ഒരു വീട്ടുവീഴ്​ചയുമില്ലെന്നും താൽക്കാലിക പ്രശ്​നങ്ങൾക്ക്​ പരിഹാരമുണ്ടാക്കിയതായും​ അധികൃതർ വ്യക്തമാക്കി.നിലവിൽ 53 എയർബസ്​ വിമാനങ്ങളാണ്​ ഖത്തർ എയർവേസ്​ ഉപയോഗിക്കുന്നത്​. എന്നാൽ, ​പുതിയ പ്രശ്​നങ്ങൾക്ക്​ പരിഹാരം കാണുംവരെ എയർബസ്​ വാങ്ങില്ലെന്ന്​ കഴിഞ്ഞ ജൂണിൽ എയർവേസ്​ അധികൃതർ അറിയിച്ചിരുന്നു.

അതിനിടെ, 76 പുതിയ വിമാനങ്ങൾക്ക്​ ഫ്രഞ്ച്​ കമ്പനിക്ക്​ ഓർഡർ നൽകിയിട്ടുണ്ട്​.