ദോഹ-മദീന സർവിസുമായി ഖത്തർ എയർവേസ്​

ദോഹ: ആഴ്​ചയിൽ നാല്​ സർവിസുമായി വെള്ളിയാഴ്​ച മുതൽ ഖത്തർ എയർവേസി​െൻറ ദോഹ-മദീന​ വിമാനയാത്ര പുനരാരംഭിക്കുന്നു.

തിങ്കൾ, ബുധൻ, വെള്ളി, ഞായർ ദിവസങ്ങളിൽ രാത്രി ഒന്നിന്​ ദോഹയിൽനിന്ന്​ പുറപ്പെടുന്ന വിമാനം, 3.15ന്​ മദീനയിലെത്തും. പുലർച്ചെ 4.15ന്​ മദീനയിൽനിന്ന്​ പുറപ്പെട്ട്​ 6.25ന്​ ദോഹയിലുമെത്തും.

ഖത്തര്‍ എയര്‍വേസി​െൻറ എയര്‍ബസ് എ320 ആയിരിക്കും ഈ റൂട്ടില്‍ സര്‍വിസ് നടത്തുന്നത്. നവംബറിൽ നടക്കുന്ന അറബ്​ കപ്പ്​ ഫുട്​ബാളിനും അടുത്ത വർഷത്തെ ലോകകപ്പ്​ ഫുട്​ബാളിനും ഈ റൂട്ടിൽ യാത്രക്കാരുടെ വലിയ തിരക്കാണ്​ പ്രതീക്ഷിക്കുന്നത്​.