ദോ​ഹ-​അ​ബൂ​ദ​ബി റൂ​ട്ടി​ൽ പ്ര​തി​ദി​ന സ​ർ​വി​സ്​ വർധിപ്പിച്ച് ഖ​ത്ത​ർ എ​യ​ർ​വേ​സ്​

ദോ​ഹ: അ​ബൂ​ദ​ബി-​ദോ​ഹ റൂ​ട്ടി​ൽ പ്ര​തി​ദി​ന സ​ർ​വി​സു​ക​ളു​ടെ എ​ണ്ണം വ​ർ​ധി​പ്പി​ക്കാ​ൻ ഖ​ത്ത​ർ എ​യ​ർ​വേ​സ്​ തീ​രു​മാ​നം. ജൂ​ലൈ​ 10മു​ത​ൽ ​ഈ ​റൂ​ട്ടി​ലെ പ്ര​തി​ദി​ന സ​ർ​വി​സ്​ മൂ​ന്ന്​ സ​ർ​വി​സു​ക​ൾ ന​ട​ത്തു​മെ​ന്ന്​ ഖ​ത്ത​ർ എ​യ​ർ​വേ​സ്​ ഗ്രൂ​പ്​ സി.​ഇ.​ഒ അ​ക്​​ബ​ർ അ​ൽ ബാ​കി​ർ പ​റ​ഞ്ഞു. സ​ർ​വി​സ്​ വ​ർ​ധി​പ്പി​ക്കു​ന്ന​ത്​ മേ​ഖ​ല​യി​ലെ വി​മാ​ന യാ​ത്ര കൂ​ടു​ത​ൽ അ​നാ​യാ​സ​മാ​ക്കു​മെ​ന്നും രാ​ജ്യാ​ന്ത​ര ക​ണ​ക്​​ടി​വി​റ്റി വി​പു​ല​​പ്പെ​ടു​ത്തു​മെ​ന്നും അ​ദ്ദേ​ഹം​ വി​ശ​ദീ​ക​രി​ച്ചു. ഇ​തോ​ടെ, അ​ബൂ​ദ​ബി​യി​ൽ നി​ന്നും ദോ​ഹ​യി​ലേ​ക്ക്​ ആ​ഴ്​​ച​യി​ൽ 21 സ​ർ​വി​സു​ക​ളാ​യി മാ​റും. യു.​എ.​ഇ​യി​ലെ പ്ര​ധാ​ന ന​ഗ​ര​ങ്ങ​ളാ​യ ദു​ബൈ, ഷാ​ർ​ജ, അ​ബൂ​ദ​ബി എ​ന്നി​വി​ട​ങ്ങ​ളി​ൽ നി​ന്നും ആ​ഴ്​​ച​യി​ലെ സ​ർ​വി​സു​ക​ളു​ടെ എ​ണ്ണം 56 ആ​യി ഉ​യ​രും.

നി​ല​വി​ൽ അ​ബൂ​ദ​ബി-​ദോ​ഹ റൂ​ട്ടി​ൽ ആ​ഴ്​​ച​യി​ൽ 14 സ​ർ​വി​സു​ക​ളാ​ണ്​ ഖ​ത്ത​ർ എ​യ​ർ​വേ​സ്​ ന​ട​ത്തു​ന്ന​ത്. ഇ​ത്, 21 ആ​യി വ​ർ​ധി​ക്കു​ന്ന​തോ​ടെ ഇ​രു രാ​ജ്യ​ങ്ങ​ൾ​ക്കു​മി​ട​യി​ലെ യാ​ത്ര സൗ​ക​ര്യം കൂ​ടു​ത​ൽ മെ​ച്ച​പ്പെ​ടു​മെ​ന്ന്​ സി.​ഇ.​ഒ അ​ക്​​ബ​ർ അ​ൽ ബാ​കി​ർ പ​റ​ഞ്ഞു. ദോ​ഹ​യു​മാ​യു​ള്ള ക​ണ​ക്​​ടി​വി​റ്റി കൂ​ടു​ത​ൽ ശ​ക്ത​മാ​വു​ന്ന​തോ​ടെ യു.​എ​സ്, യൂ​റോ​പ്പ്, മ​റ്റ്​ ഏ​ഷ്യ​ൻ രാ​ജ്യ​ങ്ങ​ൾ, ആ​ഫ്രി​ക്ക എ​ന്നി​വി​ട​ങ്ങ​ളി​ലേ​ക്ക് അ​ബൂ​ദ​ബി​യി​ൽ നി​ന്നു​ള്ള യാ​ത്ര​ക്കാ​ർ​ക്ക്​ എ​ളു​പ്പ​ത്തി​ൽ ട്രാ​ൻ​സി​റ്റ്​ ചെ​യ്യാ​ൻ ക​ഴി​യും. മേ​ഖ​ല​യി​ലെ ഏ​റ്റ​വും വ​ലി​യ ട്രാ​ൻ​സി​റ്റ്​ ഹ​ബാ​യി മാ​റു​ന്ന ദോ​ഹ ഹ​മ​ദ്​ രാ​ജ്യാ​ന്ത​ര വി​മാ​ന​ത്താ​വ​ളം, ലോ​ക​ക​പ്പി​ന്റെ ഭാ​ഗ​മാ​യി കൂ​ടു​ത​ൽ വി​ശാ​ല​മാ​യി​രി​ക്കു​ക​യാ​ണ്. ലോ​ക​ക​പ്പ്​ കാ​ല​ത്ത്​ ഗ​ൾ​ഫ്​ രാ​ജ്യ​ങ്ങ​ളി​ലെ ആ​രാ​ധ​ക​ർ​ക്ക്​ ഖ​ത്ത​റി​ലെ​ത്തി ക​ളി​ക​ണ്ട്​ മ​ട​ങ്ങാ​നു​ള്ള മാ​ച്ച്​ ഡേ ​ഷ​ട്ടി​ൽ സ​ർ​വി​സ്​ സം​ബ​ന്ധി​ച്ച്​ നാ​ല്​ ഗ​ൾ​ഫ്​ വി​മാ​ന​ക്ക​മ്പ​നി​ക​ളു​മാ​യി ക​ഴി​ഞ്ഞ ദി​വ​സ​മാ​ണ്​ ക​രാ​റി​ൽ ഒ​പ്പു​വെ​ച്ച​ത്.