‘സഹജീവി സ്നേഹത്തിന്​  പുതു തലമുറ സജ്ജരാകണം’

ദോഹ: സഹജീവിസ്നേഹം ജീവിത തപസ്യയാക്കി മാറ്റിയ മുൻഗാമികളുടെ മാതൃക പിൻപറ്റാൻ പുതു തലമുറയെ സജ്ജമാക്കണമെന്ന്​ ഇൻകാസ് പ്രസിഡൻറ്​ .കെ കെ ഉസ്മാൻ അഭിപ്രായപ്പെട്ടു.

ഖത്തർ ഇരിങ്ങൽ കോട്ടക്കൽ ഇസ്ലാമിക് സർവീസ് അസോസിയേഷൻ സംഘടിപ്പിച്ച എം .കെ ഉമ്മർകുട്ടി ഹാജി അനുസ്മരണ പരിപാടി ഉൽഘാടനം ചെയ്തു സംസാരിക്കുകയായിരുന്നു അദ്ദേഹം. പരിമിതികളിൽ വീർപ്പുമുട്ടിയ പ്രവാസത്തി​​​െൻറ മുൻകാലങ്ങളിൽ മുൻഗാമികൾ നടത്തിയ  കാരുണ്യപ്രവർത്തനങ്ങൾ മാതൃകാപരമായിരുന്നു എന്നും അദ്ദേഹം കൂട്ടിച്ചേർത്തു. 

സി .പി സദക്കത്തുള്ള അനുസ്മരണ പ്രഭാഷണം നിർവഹിച്ചു. മസ്കറ്റ് കെ.എം.സി.സി പ്രസിഡൻറ്​ സി.കെ.വി യൂസഫ് , സി .ടി കബീർ, പി.വി ഇബ്രാഹിം, പി.ടി റസാഖ്, പി.ടി സുബൈർ ,വി.ടി അബ്​ദുൽ ലത്തീഫ്, എം അഹമ്മദ് നിസാർ തൗഫീക് ,ടി.സി.എം അഷറഫ് എന്നിവർ പ്രസംഗിച്ചു .

എൻ വി എം അബ്​ദുൽ നാസർ അധ്യക്ഷത വഹിച്ചു .നവാസ് കോട്ടക്കൽ സ്വാഗതവും  സി. പി അബ്​ദുൽ  ഷുക്കൂർ നന്ദിയും പറഞ്ഞു. സലാം  കോട്ടക്കൽ ഖിറാഅത് നടത്തി