You are here

പൊതുഗതാഗത സ്​റ്റേഷനുകൾ ശീതീകരിക്കുന്നു ടോ​ള്‍ ഗേ​റ്റു​ക​ളുടെ പ്രവർത്തനം

  • 2021 അ​വ​സാ​നം മാത്രം

10:10 AM
23/04/2019
ഖ​ത്ത​ര്‍ ഓ​പ്പ​ണ്‍ ഡേ​റ്റ പോ​ര്‍ട്ട​ല്‍ ഉ​ദ്ഘാ​ട​ന ച​ട​ങ്ങി​ൽ ഗ​താ​ഗ​ത വാ​ര്‍ത്താ​വി​നി​മ​യ മ​ന്ത്രി ജാ​സിം ബി​ന്‍ സെയ്​ഫ് അ​ല്‍ സു​ലൈ​ത്തി സംസാരിക്കുന്നു

ദോ​ഹ: ഖ​ത്ത​റി​ലെ പൊ​തു​ഗ​താ​ഗ​ത സ്​റ്റേ​ഷ​നു​ക​ളെ​ല്ലാം ശീതീകരിക്കുമെന്നും ഇതിനുള്ള പ്ര​ത്യേ​ക പ​ദ്ധ​തി ത​യാ​റാ​ക്കു​മെ​ന്നും ഗ​താ​ഗ​ത വാ​ര്‍ത്താ​വി​നി​മ​യ മ​ന്ത്രി ജാ​സിം ബി​ന്‍ സെയ്​ഫ് അ​ല്‍ സു​ലൈ​ത്തി പറഞ്ഞു. ഖ​ത്ത​റി​ലെ പ്ര​ത്യേ​ക കാ​ലാ​വ​സ്ഥ പ​രി​ഗ​ണി​ച്ചാ​ണി​ത്. പ​ദ്ധ​തി​ക്ക്​ ടെ​ന്‍ഡ​ര്‍ ന​ല്‍കു​ന്ന​തി​ന്​ ന​ട​പ​ടി പു​രോ​ഗ​മി​ക്കു​ക​യാ​ണ്. ഫി​ഫ ലോ​ക​ക​പ്പ് ഫു​ട്ബോ​ള്‍ മ​ല്‍സ​ര​ങ്ങ​ള്‍ക്കു മു​മ്പാ​യി സ്​റ്റേ​ഷ​നു​ക​ളെ​ല്ലാം ശീതീകരിക്കുമെന്നും മന്ത്രി കൂട്ടിച്ചേർത്തു. ഖ​ത്ത​ര്‍ ഓ​പ്പ​ണ്‍ ഡേ​റ്റ പോ​ര്‍ട്ട​ല്‍ ഉ​ദ്ഘാ​ട​ന ച​ട​ങ്ങി​നി​ടെ​യാ​ണ് മ​ന്ത്രി ഇ​ക്കാ​ര്യം അ​റി​യി​ച്ച​ത്. രാജ്യത്തെ എ​ല്ലാ റോഡു​വി​ക​സ​ന പ​ദ്ധ​തി​ക​ളും പൂ​ര്‍ത്തി​യാ​യ ശേ​ഷ​മേ ഖ​ത്ത​റി​ല്‍ ക്യു​ ടോൾ ഗേ​റ്റു​ക​ളു​ടെ പ്ര​വ​ര്‍ത്ത​നം തു​ട​ങ്ങൂ എ​ന്നും മ​ന്ത്രി പറഞ്ഞു. 2021 അ​വ​സാ​ന​മോ 2022 ആ​ദ്യ​മോ മാ​ത്ര​മേ ക്യു​ഗേ​റ്റു​ക​ളി​ലൂ​ടെ ടോ​ള്‍ ഈ​ടാ​ക്കി​ത്തു​ട​ങ്ങൂ.


തി​ര​ഞ്ഞെ​ടു​ത്ത റോ​ഡു​ക​ളി​ല്‍ മാ​ത്ര​മാ​വും ക്യു​ഗേ​റ്റ് ഉ​ണ്ടാ​വു​ക. മു​ഖ്യ​മാ​യും ഹൈ​​േവ​ക​ളാ​ണ് ടോ​ളി​ല്‍ വ​രു​ക. ടോ​ള്‍ ന​ല്‍കാ​ന്‍ താ​ല്‍പ​ര്യ​മി​ല്ലാ​ത്ത​വ​ര്‍ക്ക് ക്യു​ഗേ​റ്റ് ഒ​ഴി​വാ​ക്കി സ​ഞ്ച​രി​ക്കാം. ഇ​തി​നു​ള്ള സ​മാ​ന്ത​ര റോ​ഡു​ക​ളു​ടെ അ​റി​യി​പ്പും യ​ഥാ​സ​മ​യം സ​ര്‍ക്കാ​ര്‍ ന​ല്‍കും. ക്യു​ഗേ​റ്റു​ക​ളു​ടെ പ്ര​വ​ര്‍ത്ത​നം പൂ​ര്‍ണ​മാ​യും സു​താ​ര്യ​മാ​യി​രി​ക്കു​മെ​ന്നും മ​ന്ത്രി പ​റ​ഞ്ഞു.
വാ​ഹ​ന​ങ്ങ​ള്‍ നി​ര്‍ത്തി ടോ​ള്‍ ന​ല്‍കു​ന്ന​തി​ന്​ പ​ക​രം വി​ന്‍ഡ് സ്ക്രീ​നി​ല്‍ പ്ര​ദ​ര്‍ശി​പ്പി​ക്കു​ന്ന ടോ​ള്‍കാ​ര്‍ഡ് സ്കാ​ന്‍ ചെ​യ്ത് തു​ക​യീ​ടാ​ക്കു​ന്ന ഇ​ല​ക്ട്രോ​ണി​ക് സം​വി​ധാ​ന​മാ​ണ് ക്യു​ഗേ​റ്റി​ല്‍  ഒ​രു​ങ്ങു​ന്ന​തെ​ന്ന് നേ​ര​ത്തേ പൊ​തു​ഗ​താ​ഗ​ത വ​കു​പ്പ് വ്യ​ക്ത​മാ​ക്കി​യി​രു​ന്നു.  വാ​ഹ​നം ടോ​ള്‍ഗേ​റ്റ് ക​ട​ക്കു​മ്പോ​ഴെ​ല്ലാം കാ​ര്‍ഡി​ല്‍ നി​ന്നു നി​ശ്ചി​ത തു​ക കു​റ​വു​ചെ​യ്യും. ടോ​ള്‍ കാ​ര്‍ഡു​ക​ള്‍  തു​ക തീ​രു​ന്ന​മു​റ​ക്ക്​ മൊ​ബൈ​ല്‍ പോ​ലെ റീ​ച്ചാ​ര്‍ജ് ചെ​യ്യാം.


2018 ഡി​സം​ബ​റി​ലാ​ണ് ക്യു​ഗേ​റ്റു​ക​ളു​ടെ നി​ര്‍മാ​ണം തു​ട​ങ്ങി​യ​ത്. ഫെ​ബ്രു​വ​രി 22 റോ​ഡി​ല്‍  ക്യു​ഗേ​റ്റ് നി​ര്‍മാ​ണം ഏ​താ​ണ്ട്​ പൂ​ര്‍ത്തി​യാ​യി​ട്ടു​ണ്ട്. ഗ​താ​ഗ​ത വാ​ര്‍ത്താ​വി​നി​മ​യ മ​ന്ത്രാ​ല​യ​ത്തി​നു കീ​ഴി​ലാ​ണ് ക്യു​ഗേ​റ്റ് എ​ന്ന ഇ​ല​ക്ട്രോ​ണി​ക് ടോ​ള്‍ ഗേ​റ്റു​ക​ള്‍ പ്ര​വ​ര്‍ത്തി​ക്കു​ക. റോ​ഡ് വി​ക​സ​ന പ​ദ്ധ​തി​ക​ള്‍ക്കൊ​പ്പം ഇ​ല​ക്ട്രോ​ണി​ക് ടോ​ള്‍ ഗേ​റ്റു​ക​ളു​ടെ നി​ര്‍മാ​ണ​വും പു​രോ​ഗ​മി​ക്കു​ക​യാ​ണ്. പ​ദ്ധ​തി ന​ട​പ്പാ​ക്കു​ന്ന​തി​ന് ഒ​രു വ​ര്‍ഷം മു​മ്പു​ത​ന്നെ ഏ​തൊ​ക്കെ റോ​ഡു​ക​ളി​ലാ​ണ് ക്യു​ഗേ​റ്റ് ഉ​ണ്ടാ​വു​ക, എ​ത്ര​യാ​വും ടോ​ള്‍ തു​ട​ങ്ങി​യ വി​ശ​ദാം​ശ​ങ്ങ​ള്‍  പൊ​തു​ജ​ന​ങ്ങ​ളെ  അ​റി​യി​ക്കു​ം. ഖ​ത്ത​റി​ലെ റോ​ഡ് വി​ക​സ​ന പ​ദ്ധ​തി​ക​ളെ​ല്ലാം പൂ​ര്‍ണ​മാ​യി​ക്ക​ഴി​ഞ്ഞാ​ലേ ക്യു​ഗേ​റ്റു​ക​ളു​ടെ പ്ര​വ​ര്‍ത്ത​നം തു​ട​ങ്ങാ​നാ​വൂ. ഇ​തി​ന് നി​യ​മ നി​ര്‍മാ​ണ​വും ആ​വ​ശ്യ​മു​ണ്ടെ​ന്ന് മ​ന്ത്രി ചൂ​ണ്ടി​ക്കാ​ട്ടി.

Loading...
COMMENTS