സ്വകാര്യ സുരക്ഷ ജീവനക്കാർക്ക്​ തിരിച്ചറിയൽ കാർഡ് വേണം; പരിശീലനവും

ദോഹ: കൃത്യമായ പരിശീലനവും ഐ.ഡി കാർഡുകളും നൽകിയതിന് ശേഷം മാത്രമേ സുരക്ഷ ജീവനക്കാരെ ജോലിയിൽ പ്രവേശിപ്പിക്കാൻ പാടുള്ളൂവെന്ന് സ്വകാര്യ സുരക്ഷ കമ്പനികൾക്ക് ആഭ്യന്തര മന്ത്രാലയത്തി​െൻറ നിർദേശം. സുരക്ഷ ജീവനക്കാർ നിർബന്ധമായും പരിശീലനം നേടിയിരിക്കണമെന്നും മന്ത്രാലയം നിർദേശിച്ചു.

സ്വകാര്യ സുരക്ഷ ഗാർഡുകളുടെ ഉത്തരവാദിത്തങ്ങളും മന്ത്രാലയത്തിലെ എസ്​റ്റാബ്ലിഷ്മെൻറ്സ്​ ആൻഡ് മിഷൻസ്​ സുരക്ഷ വകുപ്പി​െൻറ സേവനങ്ങളും സംബന്ധിച്ച് മന്ത്രാലയം നടത്തിയ വെബിനാറിലാണ് മന്ത്രാലയം സ്വകാര്യ കമ്പനികൾക്ക് നിർദേശം നൽകിയിരിക്കുന്നത്. ആഭ്യന്തര മന്ത്രാലയത്തി​െൻറ ൈപ്രവറ്റ് സെക്യൂരിറ്റി കമ്പനീസ്​ സെക്​ഷൻ മേധാവി മേജർ ഹമദ് ജാബിർ അൽ ഹെൻസാബ് പരിപാടിയിൽ അധ്യക്ഷത വഹിച്ചു. എസ്​റ്റാബ്ലിഷ്മെൻറ്സ്​ ആൻഡ് മിഷൻസ്​ സെക്യൂരിറ്റി വകുപ്പിൽനിന്നുള്ള ഉദ്യോഗസ്​ഥർ വിവിധ വിഷയങ്ങൾ അവതരിപ്പിച്ചു.

സാമൂഹിക സുരക്ഷയും സംരക്ഷണവും നിലനിർത്തുന്നതിൽ പൊതുസുരക്ഷക്ക് ശേഷമുള്ള രണ്ടാമത്തെ സുപ്രധാന ഘടകമായാണ് സ്വകാര്യ സുരക്ഷ കമ്പനികളെ പരിഗണിക്കുന്നതെന്ന് മേജർ അൽ ഹെൻസാബ് പറഞ്ഞു. സമൂഹത്തി​െൻറ സുരക്ഷ പൊതു, സ്വകാര്യ സുരക്ഷ വകുപ്പുകളുടെ സംയുക്​ത ഉത്തരവാദിത്തമായാണ് കാണുന്നത്​. ആശുപത്രികൾ, ബാങ്കുകൾ, സ്​കൂളുകൾ, സു​​പ്രധാന ഓഫിസുകൾ എന്നിവിടങ്ങളിലും വമ്പൻ മേളകളിലും കായിക ചാമ്പ്യൻഷിപ്പുകളിലും ടൂർണമെൻറുകളിലും സ്വകാര്യ സുരക്ഷ വകുപ്പ് നിർവഹിക്കുന്ന ഉത്തരവാദിത്തങ്ങൾ വലുതാണെന്നും അദ്ദേഹം ചൂണ്ടിക്കാട്ടി.