വി​ദേ​ശി​ക​ൾ​ക്ക് ഖ​ത്ത​റി​ൽ സ്വ​ന്തം ഭൂ​മി

ദോ​ഹ: ഖ​ത്ത​രി​ക​ള​ല്ലാ​ത്ത​വ​ർ​ക്ക് രാ​ജ്യ​ത്തെ തെ​രഞ്ഞെ​ടു​ക്ക​പ്പെ​ടു​ന്ന പ്ര​ദേ​ശ​ങ്ങ​ളി​ൽ ഭൂ​മി​യും കെ​ട്ടി​ട​ങ്ങ​ളും സ്വ​ന്ത​മാ​ക്കാ​ൻ അ​നു​വാ​ദം ന​ൽ​ക​ുന്ന ക​ര​ട് നി​യ​മ​ത്തി​ന് അംഗീകാരം ലഭിച്ചത്​ വിദേശികൾക്ക്​ പ്രതീക്ഷ നൽകുന്നു. ​ധ​ന​മ​ന്ത്രി ശൈ​ഖ് അ​ബ്ദു​ല്ല ബി​ൻ നാ​സ​ർ ബി​ൻ ഖ​ലീ​ഫ ആ​ൽ​ഥാ​നി​യു​ടെ അ​ധ്യ​ക്ഷ​ത​യി​ൽ ചേ​ർ​ന്ന മ​ന്ത്രി​സ​ഭായോ​ഗമാണ്​ അം​ഗീ​കാ​രം ന​ൽ​കിയത്​. 

ഭൂ​മി സ്വ​ന്ത​മാ​യി ഉ​ട​മ​പ്പെ​ടു​ത്താ​ൻ ക​ഴി​യു​ന്ന​തി​ന് പു​റ​മേ, സ്വ​ന്തം ഇ​ഷ്​​ടാ​നു​സ​ര​ണം കെ​ട്ടി​ട​ങ്ങ​ളും വാ​ണി​ജ്യ കെ​ട്ടി​ടങ്ങ​ളും നി​ർ​മ്മി​ക്കാനും  വാ​ട​ക​ക്ക് ന​ൽ​കാ​നും നി​യ​മം അ​നു​വാ​ദം ന​ൽ​കു​ന്നു​ണ്ട്. എ​ന്നാ​ൽ പ്ര​ത്യേ​ക നി​ബ​ന്ധ​ന​ക​ളോ​ടെ മാ​ത്ര​മേ ഭൂ​മി സ്വ​ന്ത​മാ​ക്കാ​ൻ സാ​ധി​ക്കു​ക​യു​ള്ളൂ. ഏ​തൊ​ക്ക പ്ര​ദേ​ശ​ങ്ങ​ളി​ലാ​ണ് ഭൂ​മി സ്വ​ന്ത​മാ​ക്കാ​ൻ സാ​ധി​ക്കു​ക​യെ​ന്ന കാ​ര്യ​ത്തി​ൽ ഇ​തു​വ​രെ വ്യ​ക്ത​ത വ​ന്നി​ട്ടി​ല്ല.

ഭൂ​മി സ്വ​ന്ത​മാ​ക്കാ​നു​ള്ള ക​ര​ട് നി​യ​മ​ത്തി​ന് മ​ന്ത്രി​സ​ഭ​യു​ടെ അം​ഗീ​കാ​രം ല​ഭി​ച്ച​തോ​ടെ ഇ​ത് ശൂ​റാ കൗ​ൺ​സി​ലി​ലേ​ക്ക് അ​യ​ച്ചി​ട്ടു​ണ്ട്. ശൂ​റാ കൗ​ൺ​സി​ലിെ​ൻ​റ ശു​പാ​ർ​ശ​ക്ക​നു​സ​രി​ച്ച് ആ​വ​ശ്യ​മെ​ങ്കി​ൽ ഭേ​ദ​ഗ​തി വ​രു​ത്തി ക​ര​ട് നി​യ​മം മ​ന്ത്രി​സ​ഭ പാ​സാ​ക്കു​ക​യും അ​വ​സാ​ന അം​ഗീ​കാ​ര​ത്തി​നാ​യി അ​മീ​റി​ന് വി​ടു​ക​യും ചെ​യ്യും. 
പ്ര​വാ​സി​ക​ൾ ഏ​റെ പ്ര​ധാ​ന്യ​ത്തോ​ടെ നോ​ക്കി​ക്കാ​ണു​ന്ന നി​യ​മ​ങ്ങ​ളി​ലൊ​ന്നാ​ണി​ത്. മാ​ന​ദ​ണ്ഡ​ങ്ങ​ൾ പാ​ലി​ച്ച് പ്ര​വാ​സി​ക​ൾ​ക്ക് സ്​​ഥി​രം താ​മ​സാ​നു​മ​തി ല​ഭി​ക്കു​ന്ന നി​യ​മം നേ​ര​ത്തെ ഖ​ത്ത​ർ പാ​സാ​ക്കി​യി​രു​ന്നു.