Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightQatarchevron_rightഡോ. മോഹൻ തോമസിന്​...

ഡോ. മോഹൻ തോമസിന്​ പ്രവാസി ഭാരതീയ സമ്മാൻ

text_fields
bookmark_border
dr mohan thomas
cancel

ദോഹ: കേന്ദ്ര സർക്കാറിന്‍റെ പ്രവാസി ഭാരതീയ സമ്മാൻ അവാർഡിന്​ ഖത്തറിലെ പ്രമുഖ ഇ.എൻ.ടി വിദഗ്​ധനും സംരംഭകനും സാമൂഹിക സേവനരംഗത്തെ പ്രമുഖനുമായ ഡോ. മോഹൻ തോമസ്​ അർഹനായി. ദോഹ ഇന്ത്യൻ എംബസിയുടെ അനുബന്ധസംഘടനയായ ഇന്ത്യൻ സ്​പോർട്​സ്​ സെൻറർ (ഐ.എസ്​.സി)യുടെ നിയുക്​ത പ്രസിഡൻറാണ്​. കൊച്ചി കൊച്ചുകടവന്ത്ര സ്വദേശിയായ ഇദ്ദേഹം 35വർഷത്തിലധികമായി ദോഹ പ്രവാസിയാണ്​.

ആൾ ഇന്ത്യ ഇൻസ്​റ്റിറ്റ്യൂട്ട്​ ഓഫ്​ മെഡിക്കൽ സയൻസസിൽ നിന്നാണ്​ ഡോ. മോഹൻ തോമസ്​ എം.എസ്​ പൂർത്തിയാക്കിയത്​. ഖത്തറിൽ സ്​ഥിരം താമസാനുമതി ലഭിച്ച ആദ്യകുടുംബം ഇദ്ദേഹത്തി​േൻറതാണ്​.

1980ൽ ഡോ.മോഹൻ തോമസിന്‍റെ നേതൃത്വത്തിലാണ്​ കൊച്ചിയിലെ മെഡിക്കൽ ട്രസ്​റ്റ്​ ആശുപത്രിയിൽ അർഹരായ രോഗികൾക്ക്​ ​സൗജന്യമായി ശ്വാസനാളത്തിലും ചെവിയിലും സൗജന്യ ശസ​​്ത്രക്രിയ നൽകുന്ന പദ്ധതി ആരംഭിച്ചത്​. അർഹർക്ക്​ വിദ്യാഭ്യാസം നൽകുന്നതിനും വീട്​ നിർമിച്ചുനൽകുന്നതടക്കമുള്ള സേവനപ്രവർത്തനങ്ങൾക്കായുള്ള സെർവ്​ പ്യൂപ്പിൾ ഫൗണ്ടേഷൻ ഇദ്ദേഹത്തിൻെറ കുടുംബമാണ്​ തുടങ്ങിയത്​.

മിഡിൽ ഈസ്​റ്റിൽ ആദ്യമായി സീറോ മലബാർ ചർച്ച്​ ഖത്തറിൽ സ്​ഥാപിച്ചത്​ ഇദ്ദേഹത്തിൻെറ നേതൃത്വത്തിലാണ്​.

ഗൾഫിലെ പ്രവാസികൾക്കുള്ള സർക്കാർ തലത്തിലും മറ്റുമുള്ള വിവിധ സേവനപ്രവർത്തനങ്ങളിലും മറ്റും വർഷങ്ങളായി മുൻനിരയിൽ പ്രവർത്തിക്കുന്നുണ്ട്​. വിവിധയിടങ്ങളിൽ പ്രതിസന്ധിയിലായ നിരവധി ഇന്ത്യക്കാരെ നാട്ടിലെത്തിക്കാനും അവർക്കായി പ്രത്യേക ചാർ​ട്ടേർഡ്​ വിമാനങ്ങൾ ഒരുക്കുന്നതിലും മുൻപന്തിയിലുണ്ടായിരുന്നു​. ഇത്തരം സേവനങ്ങൾക്ക്​ ഖത്തർ സർക്കാറിന്‍റെയും ഖത്തറിലെ ഇന്ത്യൻ എംബസിയുടെ അംഗീകാരം ലഭിച്ചിട്ടുണ്ട്​.

കോവിഡ്​ പ്രതിസന്ധി രൂക്ഷമായ സമയത്ത്​ ഇന്ത്യൻ എംബസിയുടെ കീഴിൽ രൂപവത്​കരിച്ച പ്ര​ത്യേക സഹായസമിതിയിൽ നേതൃപരമായ പങ്കുവഹിച്ചിട്ടുണ്ട്​.

പേൾ ട്രേഡിങ്​ സെൻറർ, അൽഫുർസ ഹോസ്​പിറ്റാലിറ്റി സർവീസ​സ്​, ബെസ്​റ്റ്​കോ ട്രേഡിങ്​ ആൻറ്​ കോൺട്രാക്​റ്റിങ്​, ഹ്യുമനിസ്​ ഗ്രൂപ്പ്, വിവൻറം ഗ്രൂപ്പ്​, ഡോർഗമറ്റ്​, കൊച്ചി മെഡിക്കൽ സിറ്റി ടൂറിസം പ്രൈവറ്റ്​ ലിമിറ്റഡ്​, പെൻറ ട്രേഡിങ്​ കാസിൽ ഗ്രൂപ്പ്​ തുടങ്ങിയസ്​ഥാപനങ്ങളു​െട ചെയർമാനാണ്​.

ദോഹയിലെ പ്രമുഖ ഇന്ത്യൻ സ്​കൂൾ ആയ ബിർള സ്​കൂളിൻെറ സ്​ഥാപക ചെയർമാനും ഡയറക്​ടറുമാണ്​. ദോഹയിലെ ഡോ. തോമസ്​ ഇ.എൻ.ടി ക്ലിനികിന്‍റെ ഉടമയും ഡയറക്​ടറുമാണ്​.

ഇന്ത്യൻ എംബസിയുടെ അപെക്​സ്​ സംഘടനകളായ ഇന്ത്യൻ കമ്മ്യൂണിറ്റി ബെനവലൻറ്​ ഫോറം (ഐ.സി.ബി.എഫ്​) പ്രസിഡൻറ്​, ഇന്ത്യൻ കൾച്ചറൽ സെൻറർ (ഐ.സി.സി) ഉപദേശകസമിതി അംഗം, ഖത്തറിലെ ഇന്ത്യൻ ഡോക്​ടർമാരുടെ സംഘടനയായ ഇന്ത്യൻ ഡോക്​ടേഴ്​സ്​ ക്ലബ്​ (ഐ.ഡി.സി) പ്രസിഡൻറ്​ തുടങ്ങിയ വിവിധ സ്​ഥാനങ്ങൾ വഹിച്ചിട്ടുണ്ട്​. ഭാര്യ: തങ്കം. ടോം, ജേക്​, മരിയ എന്നിവരാണ്​ മക്കൾ. അഞ്​ജു, ആരതി എന്നിവരാണ്​ മരുമക്കൾ.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:pravasi bharatiya sammandr. mohan thomas
News Summary - pravasi bharathiya samman award
Next Story