Begin typing your search above and press return to search.
exit_to_app
exit_to_app
Homechevron_rightGulfchevron_rightQatarchevron_right12–15 പ്രായക്കാർക്കും...

12–15 പ്രായക്കാർക്കും ​ ഫൈസർ വാക്​സിൻ നൽകും

text_fields
bookmark_border
12–15 പ്രായക്കാർക്കും ​ ഫൈസർ വാക്​സിൻ നൽകും
cancel

ദോഹ: 12 നും 15 നും ഇടയിൽ പ്രായമുള്ളവർക്ക്​ ഫൈസർ വാക്​സിൻ സുരക്ഷിതവും ഫലപ്രദവുമാണെന്ന്​ തെളിയിക്കപ്പെട്ടതിനാൽ ഈ പ്രായക്കാർക്ക്​ ഖത്തറിലും ഉടൻ വാക്​സ​ിൻ നൽകും. കോവിഡ്​ 19 ദേശീയ പദ്ധതി അധ്യക്ഷനും ഹമദ്​ മെഡിക്കൽ കോർപറേഷൻ സാംക്രമികാരോഗ്യവിഭാഗം തലവനുമായ ഡോ. അബ്​ദുല്ലത്തീഫ്​ അൽ ഖാൽ അറിയിച്ചതാണ്​ ഇക്കാര്യം. നിലവിൽ രാജ്യത്ത്​ ഫൈസർ, മൊഡേണ വാക്​സ​ിനുകളാണ്​ എല്ലാവർക്കും സൗജന്യമായി നൽകുന്നത്​. ഫൈസർ 16നും അതിന്​ മുകളിലും പ്രായമുള്ളവർക്കും മൊഡേണ 18 നും അതിനുമുകളിലും പ്രായമുള്ളവർക്കുമാണ്​ നൽകുന്നത്​.

രാജ്യത്ത്​ വാക്​സിനുകൾ കോവിഡിനെതിരെ മികച്ച പ്രതിരോധം നൽകുന്നു​െണ്ടന്ന്​ കൃത്യമായ തെളിവുകൾ ലഭിച്ചിട്ടുണ്ട്​. കുട്ടികൾക്കുകൂടി വാക്​സിൻ ​നൽകുകയാണെങ്കിൽ രോഗത്തിൽനിന്ന്​ അവരെ സംരക്ഷിക്കുക മാത്രമല്ല വിദ്യാഭ്യാസരംഗത്തെ അന്തരീക്ഷം കൂടുതൽ എളുപ്പമാക്കുകയും​ ചെയ്യാം. സ്​കൂളുകളിൽ നിലവിലുള്ള നിയന്ത്രണങ്ങൾ കൂടുതൽ ഒഴിവാക്കപ്പെടുകയും പഴയ സാഹചര്യത്തിലേക്ക്​ കാര്യങ്ങൾ മാറുകയും ചെയ്യും. സാമൂഹികകാര്യങ്ങളിൽ കുട്ടികൾക്ക്​ കൂടുതൽ സ്വാതന്ത്ര്യവും കൂടുതൽ പ്രവർത്തനങ്ങളിൽ മറ്റുള്ളവരുമായി ഒരുമിക്കാൻ സാധ്യമാവുകയും ചെയ്യും. നിലവിൽ കുട്ടികൾക്ക്​ മാളുകളിലടക്കം പ്രവേശനമില്ല. ഈ സ്​ഥിതി അവർക്ക്​ വാക്​സ​ിൻ ലഭ്യമാകുന്നതോടെ മാറും.

കോവിഡ്​ വാക്​സി​െൻറ ഫലപ്രാപ്​തി ആറുമാസത്തിലധികം നീണ്ടുനിൽക്കുന്നതായി ആഗോളതലത്തിൽ ​െതളിവുകളുണ്ട്​. ഇത്​ ലോകത്തെ സംബന്ധിച്ചിട​േത്താളം കൂടുതൽ ​ൈധര്യം നൽകുന്നതും പ്രചോദനം നൽകുന്നതുമാണ്​. ഇതടക്കമുള്ള കാര്യങ്ങൾ മുൻനിർത്തിയാണ്​ ഖത്തറിൽ വാക്​സ​ിൻ എടുത്തവർക്ക്​ കൂടുതൽ ഇളവുകൾ നൽകുന്നതെന്നും അദ്ദേഹം പറഞ്ഞു.

12നും 15നും ഇടയിൽ പ്രയമുള്ളവരിൽ നടത്തിയ പരീക്ഷണങ്ങളിൽ ഫൈസർ വാക്​സിൻ ഈ പ്രായക്കാർക്ക്​ കോവിഡിൽനിന്ന്​ പ്രതിരോധം നൽകുന്നു​െണ്ടന്നും വാക്​സിൻ സുരക്ഷിതമാണെന്നും തെളിഞ്ഞിട്ടുണ്ട്​. അമേരിക്കയിൽ ഈ പ്രായക്കാർക്ക്​ വാക്​സിൻ നൽകാൻ യു.എസ്​ ഫുഡ്​ ആൻഡ്​​ ഡ്രഗ്​ അഡ്​മിനിസ്​ട്രേഷൻ അംഗീകാരം നൽകിയിട്ടുമുണ്ട്​.

ഖത്തറിൽ കോവിഡ്​ രോഗികൾ കുറഞ്ഞുവരുകയാണ്​. ഇതിനാൽ മേയ്​ 28 മുതൽ നിയന്ത്രണങ്ങളിൽ കൂടുതൽ ഇളവുകൾ നൽകും.കോവിഡ്​ സാഹചര്യം മോശമായതിനാൽ അടച്ചിട്ട സ്​കൂളുകൾ മേയ്​ 28 മുതൽ പുനരാരംഭിക്കുന്നുമുണ്ട്​. നേരിട്ടുള്ള ക്ലാസ്​ റൂം പഠനം, ഓൺലൈൻ പഠനം എന്നിവ സമന്വയിപ്പിച്ചുള്ള ​െബ്ലൻഡഡ്​ അധ്യയന രീതിയായിരിക്കും തുടരുക.

ആകെ ശേഷിയുടെ 30 ശതമാനത്തിൽ മാത്രമേ പ്രവർത്തിക്കാൻ പാടുള്ളൂ. രണ്ടാംഘട്ട നിയന്ത്രണം നീക്കൽ ജൂലൈ ഒമ്പതുമുതലാണ്​ തുടങ്ങുക.ഈ ഘട്ടത്തിൽ സ്​കൂളുകൾക്ക്​ 50 ശതമാനം ശേഷിയിൽ പ്രവർത്തിക്കാം. അധ്യാപകർക്കും ജീവനക്കാർക്കും നേരത്തേ തന്നെ വാക്​സിൻ നിർബന്ധമാക്കിയതാണ്​.നഴ്​സറികൾ, ചൈൽഡ്​കെയർ കേന്ദ്രങ്ങൾ എന്നിവക്കും മേയ്​ 28 മുതൽ 30 ശതമാനം ശേഷിയിൽ പ്രവർത്തിക്കാം. എന്നാൽ, എല്ലാ ജീവനക്കാരും വാക്​സിൻ സ്വീകരിച്ചവരാകണം. രണ്ടംഘട്ടത്തിൽ ഇവക്ക്​ 30 ശതമാനം ശേഷിയിലും മൂന്നാംഘട്ടത്തിൽ 50 ശതമാനം ശേഷിയിലും പ്രവർത്തിക്കാം.

ഭിന്നശേഷിക്കാരായവർക്കുള്ള വിദ്യാഭ്യാസ സ്​ഥാപനങ്ങൾക്ക്​ 1:5 അനുപാദത്തിൽ ആണ്​ ക്ലാസുകൾ വേണ്ടത്​. അധ്യാപകരടക്കമുള്ള എല്ലാ ജീവനക്കാരും വാക്​സിൻ സ്വീകരിച്ചവരാകണം. ട്യൂഷൻ സെൻററുകൾ, കമ്പ്യൂട്ടർ പരിശീലനകേന്ദ്രങ്ങൾ തുടങ്ങിയവക്ക്​ ആദ്യഘട്ടത്തിലും രണ്ടാംഘട്ടത്തിലും 30 ശതമാനം ശേഷിയിൽ പ്രവർത്തിക്കാം. മൂന്നാംഘട്ടത്തിൽ 50 ശതമാനം ശേഷിയിലും പ്രവർത്തിക്കാം. എന്നാൽ, എല്ലാ പരിശീലകരും ജീവനക്കാരും വാക്​സിൻ രണ്ട്​ ഡോസും സ്വീകരിച്ചവർ ആയിരിക്കണം.

ഖത്തറിൽ കോവിഡ്​ രോഗികൾ കുറഞ്ഞുവരാനുള്ള പ്രധാനകാരണം വാക്​സി​േനഷൻ നടപടികളാണ്​. 12നും 15നും ഇടയിൽ പ്രയമുള്ളവർക്ക്​ കൂടി വാക്​സിൻ നൽകുന്നതോടെ ഇക്കാര്യത്തിൽ കൂടുതൽ നേട്ടമുണ്ടാക്കാൻ സാധിക്കും.

Show Full Article
TAGS:Pfizer vaccine 
News Summary - Pfizer vaccine is also given to 12–15 year olds
Next Story