ബ്രിട്ടീഷ്, ദക്ഷിണാഫ്രിക്കൻ വകഭേദങ്ങൾക്കെതിരെ ഫൈസർ ഫലപ്രദം

ദോഹ: ഖത്തറിൽ കോവിഡ്-19െൻറ അപകടകാരികളായ ബ്രിട്ടീഷ്, ദക്ഷിണാഫ്രിക്കൻ വകഭേദങ്ങൾക്കെതിരെ ഫൈസർ-ബയോൻടെക് വാക്സിൻ കാര്യക്ഷമമെന്ന് പഠനം.

ഫെബ്രുവരി ഒന്നു മുതൽ മാർച്ച് 31 വരെയുള്ള കാലയളവിൽ രണ്ടു ലക്ഷം പേരിൽനിന്നും ശേഖരിച്ച വിവരങ്ങളുടെ അടിസ്​ഥാനത്തിൽ കോവിഡിെൻറ ബ്രിട്ടീഷ് വകഭേദത്തിനെതിരെ 89.5 ശതമാനം ഫലപ്രദമാണെന്ന് ന്യൂ ഇംഗ്ലണ്ട് ജേണൽ ഓഫ് മെഡിസിൻ പറഞ്ഞു. കോവിഡിെൻറ ദക്ഷിണാഫ്രിക്കൻ വകഭേദത്തിനെതിരെ ഫൈസർ വാക്സിൻ 75 ശതമാനം ഫലപ്രദമാണെന്നും പഠനത്തിൽ വ്യക്തമാക്കുന്നു.കോവിഡ്-19നെ തുടർന്നുണ്ടാകുന്ന ഗുരുതര ആരോഗ്യ പ്രശ്നങ്ങളെ തടയുന്നതിൽ ഫൈസർ വാക്സിൻ 97.4 ശതമാനം ഫലപ്രദമാണെന്നും പഠനം പുറത്തുവിടുന്നു.

ഖത്തറിലെ കോവിഡ് കേസുകളിൽ 50 ശതമാനവും ദക്ഷിണാഫ്രിക്കൻ വകഭേദം കാരണമാണ്​. 44.5 ശതമാനം ബ്രിട്ടീഷ് വകഭേദം കാരണമാണ്​. മാർച്ച് ഏഴിന് ശേഷമുള്ള ഏകദേശം എല്ലാ കേസുകളും ദക്ഷിണാഫ്രിക്കൻ, ബ്രിട്ടീഷ് വകഭേദങ്ങളാണെന്നും മാഗസിൻ ചൂണ്ടിക്കാട്ടി.

2020 ഡിസംബർ 21 മുതലാണ് രാജ്യത്ത് കോവിഡ്-19നെതിരെ ഫൈസർ വാക്സിൻ വിതരണം ആരംഭിച്ചത്. ഈ വർഷം മാർച്ച് 31 വരെയായി ആകെ 3,85,853 പേർ ഒരു ഡോസ്​ വാക്സിനും 2,65,410 പേർ രണ്ട് ഡോസ്​ വാക്സിനും സ്വീകരിച്ചതായും അധികൃതർ വ്യക്തമാക്കുന്നു. ഫൈസർ ബയോൻടെക് വാക്സിെൻറ ഫലപ്രാപ്തി ആറുമാസത്തിലധികം നിലനിൽക്കുന്നുണ്ട്​. അമേരിക്കൻ കമ്പനിയായ ഫൈസറും ജർമൻ കമ്പനിയായ ബയോൻടെക്കും വികസിപ്പിച്ചെടുത്ത വാക്സിനാണിത്​. രണ്ടു ഡോസും സ്വീകരിച്ചവരിൽ നടത്തിയ പഠനത്തിലാണ് വാക്സിെൻറ ശേഷി ആറു മാസത്തിന് ശേഷവും 91.3 ശതമാനത്തോളം നിലനിൽക്കുന്നതായി കണ്ടെത്തിയത്.

വാക്സിെൻറ ഫലപ്രാപ്തി പരിശോധിക്കുന്നതിനായി അവസാനഘട്ട ട്രയലിൽ പങ്കെടുത്ത 46,307 പേരുടെ വിവരങ്ങൾ വിലയിരുത്തിയാണിത്​. രണ്ടാം ഡോസ്​ സ്വീകരിച്ച് ഒരാഴ്ചക്കുശേഷം മുതൽ ആറുമാസം വരെയുള്ള കാലയളവിൽ രോഗം തടയുന്നതിൽ വാക്സിൻ 91.3 ശതമാനം ഫലപ്രദമാണ്​. അമേരിക്കയിൽ മാത്രം പഠനത്തിൽ വാക്സിെൻറ ഫലപ്രാപ്തി 92.6 ശതമാനമാണ്​. കോവിഡ്-19 വാക്സിൻ രണ്ട് ഡോസും സ്വീകരിച്ചവരിൽ 98.4 ശതമാനം പേരും കോവിഡിൽനിന്ന് സുരക്ഷിതരെന്ന് ആരോഗ്യമന്ത്രാലയവും പറയുന്നുണ്ട്​. ഖത്തറിൽ കോവിഡ്​ വാക്​സിനേഷൻ കാമ്പയിൻ പുരോഗമിക്കുകയാണ്​. ഫൈസർ, മൊഡേണ വാക്​സിനുകളാണ്​ എല്ലാവർക്കും സൗജന്യമായി നൽകുന്നത്​. ഇതു​വരെ രാജ്യത്ത്​ ആകെ 17,32,471 ഡോസ്​ വാക്​ സിനാണ്​ നൽകിയിരിക്കുന്നത്​.