പെരുമ്പാവൂർ സ്വദേശി ഖത്തറിൽ നിര്യാതനായി

ദോഹ: എറണാകുളം പെരുമ്പാവൂർ സ്വദേശി ഖത്തറിൽ നിര്യാതനായി. പെരമ്പാവൂർ പോഞ്ഞാശ്ശേരി നിയാസ് മണേലി ബഷീറാണ് (44) മരിച്ചത്.

ഒരാഴ്ച മുമ്പാണ് ഹൃദയാഘാതത്തെ തുടർന്ന് ഇദ്ദേഹത്തെ ഹമദ് ആശുപതിയിൽ പ്രവേശിപ്പിച്ചത്. ചികിത്സയിൽ കഴിയവേ ശനിയാഴ്ച രാവിലെയായിരുന്നു മരണം. മണേലി കൊച്ചുണ്ണി ബഷീറാണ് പിതാവ്. മാതാവ്: സുലൈഖ. ഭാര്യ: ആരിഫ. മക്കൾ: നജ്മുന്നിസ, മുഹമ്മദ് യാസീൻ. മരുമകൻ: മുഹമ്മദ് ഷിജാസ്.

ഇൻഡസ്ട്രിയൽ ഏരിയയിൽ പ്രവർത്തിക്കുന്ന സ്വകാര്യ കമ്പനിയിൽ ഡ്രൈവറായി ജോലി ചെയ്യുകയായിരുന്നു നിയാസ്. കൾച്ചറൽ ഫോറം കമ്യൂണിറ്റി സർവിസസിനു കീഴിലുള്ള കൾച്ചറൽ ഫോറം റീപാട്രിയേറ്റ് ടീമിന്റെ നേതൃത്വത്തിൽ നടപടികൾ പൂർത്തിയാക്കിയ ശേഷം മൃതദേഹം നാട്ടിലെത്തിക്കും.