Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightQatarchevron_rightവാക്​സിൻ...

വാക്​സിൻ സ്വീകരിച്ചവർക്ക്​ കോവിഡ്​ ബാധക്കുള്ള സാധ്യത ഏറെ കുറവ്​

text_fields
bookmark_border
വാക്​സിൻ സ്വീകരിച്ചവർക്ക്​ കോവിഡ്​ ബാധക്കുള്ള സാധ്യത ഏറെ കുറവ്​
cancel
camera_alt

ഹമദ്​ ജനറൽ ആശുപത്രി മെഡിക്കൽ ഡയറക്​ടർ ഡോ. യൂസഫ്​ അൽ മസ്​ലമാനി ഖത്തർ ടി.വി പരിപാടിയിൽ സംസാരിക്കുന്നു  

ദോഹ: കോവിഡ്​ വാക്​സിൻ സ്വീകരിച്ചവർക്ക്​ രോഗബാധ ഉണ്ടാകുന്നത്​ തീരെ കുറവാണെന്ന്​ ഹമദ്​ ജനറൽ ആശുപത്രി മെഡിക്കൽ ഡയറക്​ടർ ഡോ. യൂസഫ്​ അൽ മസ്​ലമാനി പറഞ്ഞു. ഖത്തർ ടി.വി പരിപാടിയിൽ സംസാരിക്കുകയായിരുന്നു അദ്ദേഹം.

വാക്​സിൻ സ്വീകരിക്കാത്തവരുമായി താരതമ്യം ചെയ്യു​േമ്പാൾ കുത്തിവെപ്പെടുത്തവർക്ക്​ കോവിഡ്​ രോഗം വരാനുള്ള സാധ്യത പൂജ്യം ശതമാനമാണ്​. വാക്​സിൻ എടുത്തവരിൽ നിന്ന്​ മറ്റുള്ളവർക്ക്​ രോഗബാധ ഉണ്ടാകാനുള്ള സാധ്യത ഏ​െറ കുറവാണ്​. എന്നിരുന്നാലും വാക്​സിൻ എടുത്തവർക്കും ഖത്തറിൽ എത്തിയാലുടൻ പി.സി.ആർ പരിശോധന നടത്തുന്നുണ്ട്​. പരിശോധനയിൽ അവർ പോസിറ്റിവ്​ ആയാൽ മറ്റുള്ളവർക്കുള്ള അതേ ക്വാറൻറീൻ ചട്ടങ്ങൾ തന്നെയാണ്​ വാക്​സ​ിൻ എടുത്തവരും പാലിക്കേണ്ടത്​. അത്​ മുൻകരുതൽ സ്വീകരിക്കുന്നതിലെ കണിശത മൂലമാണ്​. നിലവിൽ സാഹചര്യങ്ങൾ നിയന്ത്രണ വിധേയമാണെങ്കിലും ജനങ്ങൾ യാത്രകൾ ഒഴിവാക്കുന്നതാണ്​ നല്ലത്​.

മഹാമാരിയുടെ അവസ്​ഥ സ്​ഥിരത കൈവരിക്കുന്നതുവരെ യാത്ര ഒഴിവാക്കുന്നതാണ്​ ഏറ്റവും നല്ലത്​. രോഗകാര്യത്തിൽ സ്​ഥിരത കൈവരിക്കാത്ത രാജ്യങ്ങളിലേക്കുള്ള യാത്രയിൽ വൈറസ്​ ബാധയേൽക്കാനുള്ള സാധ്യത കൂടുതലാകും.

കോവിഡ്​ വാക്​സിനേഷ​‍െൻറ കാര്യത്തിൽ ഖത്തർ ഏ​െറ മുന്നിലാണ്​. മുൻഗണനാപട്ടികയിൽ ഉള്ള 55 ശതമാനം ആളുകളും രണ്ടുഡോസ്​ വാക്​സിനും എടുത്തുകഴിഞ്ഞു. അത്​ വലിയ നേട്ടമാണ്​. എന്നാൽ ചില ആളുകൾ വാക്​സിൻ എടുക്കുന്നില്ല. അത്​ അവരുടെ അവകാശമാണ്​. സമൂഹത്തി​‍െൻറ സുരക്ഷ ഉറപ്പുവരുത്തുന്നതിനായി ജനസംഖ്യയിലെ 70 ശതമാനം മുതൽ 80 ശതമാനം വരെ ആളുകളും വാക്​സ​ിൻ സ്വീകരിക്കേണ്ടതുണ്ട്​. നിലവിലെ സാഹചര്യത്തിൽ അടുത്ത ഒക്​ടോബറോടെ ഈ ലക്ഷ്യം കൈവരിക്കാൻ സാധിക്കുമെന്നും അദ്ദേഹം പറഞ്ഞു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:covid19covid vaccine
News Summary - People who have been vaccinated are less likely to be infected with covid
Next Story