ദോ​ഹ വ​ഴി​യെ​ത്തു​ന്ന​വ​ർ​ക്ക്​ ബ്രി​ട്ട​നി​ൽ ക്വാ​റ​ൻ​റീ​ൻ ആ​വ​ശ്യ​മി​ല്ല

ദോ​ഹ: ഹ​മ​ദ് രാ​ജ്യാ​ന്ത​ര വി​മാ​ന​ത്താ​വ​ളം വ​ഴി ബ്രി​ട്ട​നി​ലെ​ത്തു​ന്ന യാ​ത്ര​ക്കാ​ർ​ക്ക് ഇ​നി 14 ദി​വ​സ​ത്തെ നി​ർ​ബ​ന്ധി​ത ക്വാ​റ​ൻ​റീ​ൻ ആ​വ​ശ്യ​മി​ല്ലെ​ന്ന് ബ്രി​ട്ടീ​ഷ് സ​ർ​ക്കാ​ർ വ്യ​ക്ത​മാ​ക്കി.ബ്രി​ട്ടീ​ഷ് സ​ർ​ക്കാ​ർ പു​റ​ത്തി​റ​ക്കി​യ സു​ര​ക്ഷി​ത യാ​ത്രാ ഇ​ട​നാ​ഴി​ക​ളു​ടെ പ​ട്ടി​ക​യി​ൽ ഖ​ത്ത​റും ഇ​ടം പി​ടി​ച്ച​തോ​ടെ​യാ​ണി​ത്. ഖ​ത്ത​റു​ൾ​പ്പെ​ടെ​യു​ള്ള രാ​ജ്യ​ങ്ങ​ളി​ലോ പ​ട്ടി​ക​യി​ലു​ള്ള മ​റ്റ് സ്​​ഥ​ല​ങ്ങ​ളി​ലോ ബ്രി​ട്ട​നി​ൽ ത​ന്നെ​യു​ള്ള മ​റ്റി​ട​ങ്ങ​ളി​ലോ 14 ദി​വ​സം താ​മ​സി​ച്ച​വ​ർ​ക്ക് ഇ​നി 14 ദി​വ​സ​ത്തെ ക്വാ​റ​ൻ​റീ​ൻ ആ​വ​ശ്യ​മി​ല്ലെ​ന്നും സ​ർ​ക്കാ​ർ അ​റി​യി​ച്ചു.

അ​തേ​സ​മ​യം, പ​ട്ടി​ക​യി​ലി​ടം പി​ടി​ക്കാ​ത്ത സ്​​ഥ​ല​ങ്ങ​ളി​ൽ നി​ന്നും രാ​ജ്യ​ങ്ങ​ളി​ൽ നി​ന്നും ബ്രി​ട്ട​നി​ലേ​ക്കു​ള്ള​വ​ർ നി​ർ​ബ​ന്ധ​മാ​യും 14 ദി​വ​സം ക്വാ​റ​ൻ​റീ​നി​ൽ പോ​ക​ണ​മെ​ന്നും അ​ധി​കൃ​ത​ർ വ്യ​ക്ത​മാ​ക്കി.ഇ​ക്ക​ഴി​ഞ്ഞ ന​വം​ബ​ർ 14 മു​ത​ലാ​ണ് സു​ര​ക്ഷി​ത യാ​ത്രാ ഇ​ട​നാ​ഴി​ക​ളു​ടെ പ​ട്ടി​ക​യി​ൽ ഖ​ത്ത​റും ഇ​ടം നേ​ടി​യ​ത്.

ആ​സ്ട്രേ​ലി​യ, ജ​പ്പാ​ൻ, മാ​ല​ദ്വീ​പ്, ന്യൂ​സി​ല​ൻ​ഡ്, സിം​ഗ​പ്പൂ​ർ, താ​യ്​​ല​ൻ​ഡ് എ​ന്നി​വി​ട​ങ്ങ​ളി​ൽ നി​ന്നും ബ്രി​ട്ട​നി​ലേ​ക്കു​ള്ള യാ​ത്ര​ക്കാ​ർ​ക്ക് ഖ​ത്ത​ർ വ​ഴി യാ​ത്ര എ​ളു​പ്പ​മാ​കു​മെ​ന്ന് ഖ​ത്ത​ർ എ​യ​ർ​വേ​സ്​​ വ്യ​ക്ത​മാ​ക്കി.രാ​ജ്യ​ങ്ങ​ളും പ്ര​വി​ശ്യ​ക​ളും മേ​ഖ​ല​ക​ളു​മു​ൾ​പ്പെ​ടെ 68 കേ​ന്ദ്ര​ങ്ങ​ളാ​ണ് ബ്രി​ട്ട​െൻറ ട്രാ​വ​ൽ കോ​റി​ഡോ​ർ പ​ട്ടി​ക​യി​ലി​ടം പി​ടി​ച്ച​ത്.