‘പി.ബി. അബ്​ദുൽ റസാഖ്​ എം.എൽ.എ സാധാരണക്കാരുടെ കൂടെ ജീവിച്ച നേതാവ്​’

ദോഹ: നിയോജക മണ്ഡലത്തിലെ ജനങ്ങളുടെ വിഷയങ്ങളിൽ നേരിട്ട്​ ഇടപെടുകയും വിഷയങ്ങൾ പഠിച്ച് പരിഹാരശ്രമങ്ങൾ നടത്തി സാധാരണക്കാരുടെ കൂടെ ജീവിച്ച നേതാവായിരുന്നു പി.ബി. അബ്​ദുൽ റസാഖ്​ എം.എൽ.​എയെന്ന്​ കെ.എം.സി.സി സംസ്ഥാന പ്രസിഡൻറ്​ എസ്.എ.എം ബഷീർ പറഞ്ഞു.
വർഗീയത ഇന്ത്യൻ സാമൂഹിക സാഹചര്യത്തെ ആശങ്കയിലാഴ്ത്തുന്ന സമയത്ത് മതനിരപേക്ഷത ഉയർത്തിപ്പിടിച്ച് കേരളത്തി​​​െൻറ മത സൗഹാർദത്തിന് അഭിമാന വിജയം സമ്മാനിക്കുന്നതിൽ പി.ബി. അബ്​ദുൽ റസാഖ്​ നിർണായക പങ്ക്​ വഹിച്ചു.
മുസ്​ലിം ലീഗ്​ നേതാവും മഞ്ചേശ്വരം എം.എൽ.എയുമായിരുന്ന പി.ബി.അബ്​ദുൽറസാഖി​​​െൻറ നിര്യാണത്തിൽ അനുശോചിച്ച്​ തുമാമയിലെ ഖത്തർ കെ.എം.സി.സി ഹാളിൽ സംഘടിപ്പിച്ച യോഗത്തിൽ സംസാരിക്കുകയായിരുന്നു അദ്ദേഹം.പാർട്ടിയുടെ സാധാരണ പ്രവർത്തകനായി പഞ്ചായത്ത് തെരഞ്ഞെടുപ്പിൽ വാർഡ് സ്ഥാനാർത്ഥിയായി തുടങ്ങി നിയമസഭാംഗത്വം വരെയെത്തിയ വ്യക്​തിയായ പി.ബി. അബ്​ദുൽ റസാഖ്​, നാട്ടിലെ പാവപ്പെട്ടവ​​​െൻറ ആശ്വാസമായിരുന്നു. എം.എൽ.എ ശമ്പളത്തിൽ നിന്ന് ഒരു രൂപ മാത്രം എടുത്ത് ബാക്കി നാട്ടുകാരുടെ ആവശ്യങ്ങൾക്ക് നൽകുകയായിരുന്നു ചെയ്​തത്​.
കെ.എം.സി.സി സംസ്ഥാന ജനറൽ സെക്രട്ടറി അസീസ് നരിക്കുനി, കാസർക്കോട് ജില്ല പ്രസിഡൻറ്​ ലുഖ്മാൻ , ട്രഷറർ നാസർ കൈതക്കാട്, സലീം നാലകത്ത്, സൈതലവി ദാരിമി പാലക്കാട്, മുട്ടം മഹമൂദ്, കെ.എസ്.അബ്​ദുല്ല, കെ.ബി.മുഹമ്മദ് മഞ്ചേശ്വരം എന്നിവർ സംസാരിച്ചു. കാസർകോട് ജില്ല ജനറൽ സെക്രട്ടറി സാദിഖ് പാക്യാര സ്വാഗതവും സംസ്ഥാന ട്രഷറർ കെ.പി മുഹമ്മദലി പട്ടാമ്പി നന്ദിയും പറഞ്ഞു.