പ്ര​വാ​സ​മ​ണ്ണി​ന്റെ സ്നേ​ഹ​ത്തി​ൽ അ​വ​ർ വീ​ണ്ടും ഒ​ന്നാ​യി

ദോ​ഹ: ജീ​വി​ത​ത്തി​ന്റെ ര​ണ്ട​റ്റം കൂ​ട്ടി​മു​ട്ടി​ക്കാ​നു​ള്ള ഓ​ട്ട​ത്തി​നി​ട​യി​ൽ ജീ​വി​ത​പ​ങ്കാ​ളി​ക​ളെ പ്ര​വാ​സ​ഭൂ​മി​യി​ലെ​ത്തി​ക്കാ​നോ ​അ​ന്നം​ത​രു​ന്ന നാ​ട് കാ​ണി​ക്കാ​നോ ഭാ​ഗ്യ​മി​ല്ലാ​തെ​പോ​യ പ്ര​വാ​സി​ക​ൾ​ക്ക് സ്വ​പ്ന സാ​ക്ഷാ​ത്കാ​ര​മാ​യി പ്രി​യ​പ്പെ​ട്ട​വ​രെ അ​രി​കി​ലെ​ത്തി​ച്ച് ഖ​ത്ത​റി​ലെ പ്ര​മു​ഖ​രാ​യ റേ​ഡി​യോ മ​ല​യാ​ളം 98.6 എ​ഫ്.​എം. ന​സീം ഹെ​ൽ​ത്ത് കെ​യ​റു​മാ​യി ചേ​ർ​ന്നാ​ണ് ഖ​ത്ത​റി​ൽ പ​തി​റ്റാ​ണ്ടു​ക​ളാ​യി പ്ര​വാ​സ​ജീ​വി​തം ന​യി​ക്കു​ന്ന 12 പേ​ർ​ക്ക് ജീ​വി​ത​പ​ങ്കാ​ളി​ക​ളെ ത​ങ്ങ​ൾ​ക്ക​രി​കി​ലെ​ത്തി​ക്കാ​ൻ അ​വ​സ​രം ന​ൽ​കി​യ​ത്. കേ​ര​ള​ത്തി​ലെ വി​വി​ധ ജി​ല്ല​ക​ളി​ൽ​നി​ന്നാ​യാ​ണ് 12 പേ​രെ തി​ര​ഞ്ഞെ​ടു​ത്ത​ത്.

ചു​രു​ങ്ങി​യ​ത് 15 വ​ർ​ഷ​മെ​ങ്കി​ലു​മാ​യി ഖ​ത്ത​റി​ൽ തൊ​ഴി​ലെ​ടു​ക്കു​ന്ന കു​റ​ഞ്ഞ വ​രു​മാ​ന​ക്കാ​രാ​യ പ്ര​വാ​സി​ക​ളി​ൽ​നി​ന്ന് തി​ര​ഞ്ഞെ​ടു​ത്ത​വ​ർ​ക്കാ​യി​രു​ന്നു അ​വ​സ​രം. നൂ​റു​ക​ണ​ക്കി​ന് അ​പേ​ക്ഷ​ക​ളി​ൽ​നി​ന്നും റേ​ഡി​യോ ശ്രോ​താ​ക്ക​ൾ നാ​മ​നി​ർ​ദേ​ശം​ചെ​യ്ത 12 പേ​രു​ടെ ഭാ​ര്യ​മാ​രാ​ണ് ഖ​ത്ത​റി​ലെ​ത്തി​യ​ത്. കാ​സ​ർ​കോ​ട് മു​ത​ൽ തി​രു​വ​ന​ന്ത​പു​രം വ​രെ ജി​ല്ല​ക​ളി​ൽ​നി​ന്നു​ള്ള​വ​ർ സം​ഘ​ത്തി​ലു​ണ്ട്. തി​ര​ഞ്ഞെ​ടു​ക്ക​പ്പെ​ട്ട​വ​ർ മാ​ർ​ച്ച് മൂ​ന്നി​ന് തി​രു​വ​ന​ന്ത​പു​ര​ത്ത് എ​ത്തി​യാ​യി​രു​ന്നു ദോ​ഹ​യി​ലേ​ക്ക് പ​റ​ന്ന​ത്. അ​വ​രി​ൽ പ​ല​രു​ടെ​യും ആ​ദ്യ വി​മാ​ന​യാ​ത്ര കൂ​ടി​യാ​യി​രു​ന്നു ഇ​തെ​ന്ന് യാ​ത്രാ​സം​ഘ​ത്തെ ന​യി​ച്ച ആ​ർ.​ജെ ര​തീ​ഷ് പ​റ​ഞ്ഞു.

ഹ​മ​ദ് വി​മാ​ന​ത്താ​വ​ള​ത്തി​ൽ പ്രി​യ​പ്പെ​ട്ട​വ​ർ പ​റ​ന്നി​റ​ങ്ങു​മ്പോ​ൾ പൂ​ക്ക​ളു​മാ​യി അ​വ​രെ സ്വീ​ക​രി​ക്കാ​ൻ ഭ​ർ​ത്താ​ക്ക​ന്മാ​രും എ​ത്തി​യി​രു​ന്നു. സ്വ​ദേ​ശി വീ​ടു​ക​ളി​ൽ ഡ്രൈ​വ​റും പാ​ച​ക​ക്കാ​ര​നും മ​റ്റു​മാ​യി കു​റ​ഞ്ഞ വേ​ത​ന​ത്തി​ലെ ജോ​ലി​ക്കി​ട​യി​ൽ മാ​റ്റി​വെ​ച്ച ആ​ശ പൂ​വ​ണി​ഞ്ഞ​പ്പോ​ൾ പ​ല​രും ക​ണ്ണീ​ര​ണി​ഞ്ഞു​പോ​യി. പി​ന്നീ​ടു​ള്ള ദി​ന​ങ്ങ​ളി​ൽ സ്നേ​ഹ​വും ക​രു​ത​ലു​മാ​യാ​ണ് ഖ​ത്ത​റി​ലെ പ്ര​വാ​സി​ക​ൾ ഇ​വ​രെ വ​ര​വേ​റ്റ​ത്.

ക​ഴി​ഞ്ഞ ദി​വ​സം ദോ​ഹ ഹോ​ളി​ഡേ ഇ​ൻ ഹോ​ട്ട​ലി​ൽ ന​ട​ന്ന സ്വീ​ക​ര​ണ​പ​രി​പാ​ടി​യി​ൽ 12 ദ​മ്പ​തി​മാ​രെ​യും ആ​ദ​രി​ച്ചു. ക​ഹ്റ​മാ ക​മ്യൂ​ണി​ക്കേ​ഷ​ൻ​സ് വി​ഭാ​ഗം മേ​ധാ​വി ന​ദ അ​ൽ അം​രി, റാ​ഷി​ദ് ദി​വാ​ൻ, ആ​ദി​ൽ ബ​ത്‌​റാ​വി, ഐ.​സി.​സി പ്ര​സി​ഡ​ന്റ് പി.​എ​ൻ. ബാ​ബു​രാ​ജ​ൻ, ഐ.​സി.​ബി.​എ​ഫ് പ്ര​സി​ഡ​ന്റ് വി​നോ​ദ് നാ​യ​ർ, ഐ.​ബി.​പി.​സി വൈ​സ് പ്ര​സി​ഡ​ന്റ് അ​ഷ്റ​ഫ്, എം​ബ​സി അ​പെ​ക്സ് ബോ​ഡി നി​യു​ക്ത പ്ര​സി​ഡ​ന്റു​മാ​രാ​യ മ​ണി​ക​ണ്ഠ​ൻ (ഐ.​സി.​സി), ഷാ​ന​വാ​സ് ബാ​വ (ഐ.​സി.​ബി.​എ​ഫ്), ഇ.​പി. അ​ബ്ദു​റ​ഹ്മാ​ൻ (ഐ.​എ​സ്.​സി), വാ​ണി​ജ്യ വ്യ​വ​സാ​യ പ്ര​മു​ഖ​ർ, സം​ഘ​ട​ന ഭാ​ര​വാ​ഹി​ക​ൾ, സാം​സ്കാ​രി​ക പ്ര​വ​ർ​ത്ത​ക​ർ, പ​ഴ​യ​കാ​ല പ്ര​വാ​സി​ക​ൾ, റേ​ഡി​യോ മ​ല​യാ​ളം ആ​ൻ​ഡ് ക്യു.​എ​ഫ്.​എം വൈ​സ് ചെ​യ​ർ​മാ​ൻ കെ.​സി. അ​ബ്ദു​ൽ ല​ത്തീ​ഫ്, സി.​ഇ.​ഒ അ​ൻ​വ​ർ ഹു​സൈ​ൻ തു​ട​ങ്ങി​യ​വ​ർ സം​സാ​രി​ച്ചു.

മാ​ർ​ക്ക​റ്റി​ങ് മാ​നേ​ജ​ർ നൗ​ഫ​ൽ അ​ബ്ദു​റ​ഹ്മാ​ൻ ന​ന്ദി പ​റ​ഞ്ഞു. റേ​ഡി​യോ പ്ര​വ​ർ​ത്ത​ക​ർ അ​വ​ത​രി​പ്പി​ച്ച സം​ഗീ​ത പ​രി​പാ​ടി​യും അ​ര​ങ്ങേ​റി. മാ​ർ​ച്ച് നാ​ലു മു​ത​ൽ 10 വ​രെ നീ​ണ്ടു​നി​ൽ​ക്കു​ന്ന പ​രി​പാ​ടി​യു​ടെ ഭാ​ഗ​മാ​യി ദ​മ്പ​തി​ക​ൾ​ക്ക് ആ​ദ​രി​ക്ക​ൽ ച​ട​ങ്ങി​നു പു​റ​മെ, ഖ​ത്ത​റി​ലെ വി​വി​ധ കൂ​ട്ടാ​യ്മ​ക​ളും സ്ഥാ​പ​ന​ങ്ങ​ളും ന​ൽ​കു​ന്ന സ്വീ​ക​ര​ണ​ങ്ങ​ൾ, രാ​ജ്യ​ത്തെ പ്ര​ധാ​ന ആ​ക​ർ​ഷ​ണ​കേ​ന്ദ്ര​ങ്ങ​ളി​ലേ​ക്കു​ള്ള സ​ന്ദ​ർ​ശ​നം, നി​ര​വ​ധി സ​മ്മാ​ന​ങ്ങ​ൾ തു​ട​ങ്ങി​യ​വ​യും ഒ​രു​ക്കി​യി​ട്ടു​ണ്ട്. 2018ലും 2019​ലും റേ​ഡി​യോ മ​ല​യാ​ളം നേ​തൃ​ത്വ​ത്തി​ൽ ഇ​തേ മാ​തൃ​ക​യി​ൽ ജീ​വി​ത​പ​ങ്കാ​ളി​ക​ളെ ഖ​ത്ത​റി​ലെ​ത്തി​ച്ചി​രു​ന്നു.