പങ്കാളികളാവൂ; ഫിറ്റ്​നസ്​ നിലനിർത്തൂ –ഒളിമ്പ്യൻ ഗോപി

ദോഹ: 'ഗൾഫ്​ മാധ്യമം' സംഘടിപ്പിക്കുന്ന ഖത്തർ റണ്ണിനൊരുങ്ങുന്ന ഓട്ടക്കാർക്ക്​ ഫിറ്റ്​നസ്​ ടിപ്​സും വിജയാശംസയും നേർന്ന്​ ഇന്ത്യയുടെ മുൻനിര മാരത്തൺ ഓട്ടക്കാരൻ ഒളിമ്പ്യൻ ടി. ഗോപി. 'കോവിഡ്​ മഹാമാരിയിൽനിന്ന്​ ലോകം മുക്​തരായി സാധാരണനിലയിലേക്ക്​ തിരികെയെത്തു​േമ്പാൾ പുത്തനുണർവാകുന്നതാണ്​ ഇത്തരം കായിക മത്സരങ്ങൾ. ലോകകപ്പിന്​ വേദിയാവുന്ന ഖത്തർ നേരത്തെതന്നെ സാധാരണനിലയിലെത്തുന്നത്​ ആശ്വാസകരമാണ്​. ഒക്​ടോബർ 15ന്​ രാവിലെ 6.30ന്​ ആസ്​പയർ പാർക്കിൽ ആരംഭിക്കുന്ന ഖത്തർ റണ്ണിനും മത്സരാർഥികൾക്കും വിജയാശംസകൾ നേരുന്നു' -ഒളിമ്പ്യൻ ടി. ഗോപി പറഞ്ഞു.'കോവിഡ്​ മഹാമാരി കാരണം കാര്യമായ വ്യായാമങ്ങളും പരിശീലനങ്ങളുമില്ലാതെയാവും പലരും ഓട്ടത്തിനിറങ്ങുന്നത്​. ഫിറ്റ്​നസ്​ ലെവൽ ഒരുപാട്​ മോശമായ സമയം കൂടിയാണിത്​. എല്ലാവരും ഏറെ ശ്രദ്ധയോടെ വേണം ദീർഘദൂര ഓട്ടത്തിൽ പ​ങ്കെടുക്കേണ്ടത്​. ശരീരത്തിൽ നിർജലീകരണം ഇല്ലാതിരിക്കാൻ സൂക്ഷിക്കണം. പോഷകഗുണമുള്ള ഭക്ഷണങ്ങൾ കഴിച്ചും നന്നായി വെള്ളം കുടിച്ചും നേരത്തെതന്നെ ഓട്ടത്തിനായി ഒരുങ്ങുക' -ഗോപി പറഞ്ഞു.

2016 റിയോ ഒളിമ്പിക്​സിലും 2017 ​ലണ്ടൻ ലോക ചാമ്പ്യൻഷിപ്പിലും പ​ങ്കെടുത്ത ടി. ഗോപി ഇന്ത്യയുടെ മുൻനിര മാരത്തൺ ഓട്ടക്കാരനാണ്​. 2016 മുംബൈ മാരത്തണിൽ രണ്ടാം സ്​ഥാനത്തെത്തിയിരുന്നു. സൗത്ത്​ ഏഷ്യൻ ഗെയിംസിൽ 10,000 മീറ്ററിൽ സ്വർണവും 2017 ഏഷ്യൻ അത്​ലറ്റിക്​സ്​ ചാമ്പ്യൻഷിപ്പിൽ വെള്ളിയും നേടി. ഇന്ത്യൻ ആർമിയിൽ ഉദ്യോഗസ്​ഥനായ ടി. ഗോപി വയനാട്​ സ്വദേശിയാണ്​.