പൊതുപാർക്കുകൾ പുലർച്ചെ മൂന്ന് വരെ തുറന്നിടും
text_fields
ദോഹ: ദോഹ മുനിസിപ്പാലിറ്റിക്ക് കീഴിലെ പൊതു പാർക്കുകൾ വൈകിട്ട് മൂന്ന് മുതൽ പുലർച്ചെ മൂന്ന് വരെ പൊതുജനങ്ങൾക്കായി തുറന്നിടുമെന്ന് മുനിസിപ്പാലിറ്റി അധികൃതർ വ്യക്തമാക്കി. ഇത് സംബന്ധിച്ച് മുനിസി പ്പാലിറ്റി പുതിയ സമയക്രമം പുറത്തിറക്കി.
അതേസമയം, മുനിസിപ്പാലിറ്റിക്ക് കീഴിലെ ഭക്ഷ്യ ഒൗട്ട്ലെറ്റുകൾ, ബേക്കറികൾ, ബ്യൂട്ടി സലൂണുകൾ, ബാർബർ ഷോപ്പുകൾ, മത്സ്യ, മാംസ ഷോപ്പുകൾ തുടങ്ങിയവയുടെ മേലുള്ള നിരീക്ഷണം ശക്തമാക്കുമെന്നും ആരോഗ്യ മാനദണ്ഡങ്ങൾ പാലിച്ചാണ് കച്ചവടകേന്ദ്രങ്ങൾ പ്രവർത്തിക്കുന്നതെന്ന് വിലയിരുത്തുമെന്നും അധികൃതർ വ്യക്തമാക്കിയിട്ടുണ്ട്. ഇതിനായി ബൃഹദ് പദ്ധതി തന്നെ മുനിസിപ്പാലിറ്റി രൂപീകരിച്ചിട്ടുണ്ട്.
എല്ലാ മേഖലയിലും ആരോഗ്യസുരക്ഷ ഉറപ്പുവരുത്തുകയെന്ന ലക്ഷ്യത്തോടെ പദ്ധതി തയ്യാറാക്കിയിട്ടുള്ള മു നിസിപ്പാലിറ്റി, കച്ചവട കേന്ദ്രങ്ങൾക്ക് ഇത് സംബന്ധിച്ച് പ്രത്യേക മുന്നറിയിപ്പ് നൽകിയിട്ടുമുണ്ട്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
