ദൈവത്തിനു നന്ദി, ഖത്തറിനും; ആശ്വാസത്തോടെ ദോഹയിലെ ഫലസ്തീനികൾ

ദോ​ഹ: മ​ര​ണം പെ​യ്തി​റ​ങ്ങി​യ 15 മാ​സ​ത്തി​നൊ​ടു​വി​ൽ വെ​ടി​യൊ​ച്ച​ക​ളും ബോം​ബു വ​ർ​ഷ​വു​മി​ല്ലാ​ത്ത നാ​ളു​ക​ളി​ലേ​ക്ക് ഗ​സ്സ നീ​ങ്ങു​മ്പോ​ൾ മു​റി​വു​ക​ളെ​യും വേ​ദ​ന​ക​ളെ​യും മ​റ​ന്ന് പു​ഞ്ചി​രി​ക്കു​ക​യാ​ണ് ഖ​ത്ത​റി​ൽ ഒ​രു കൂ​ട്ടം ഫ​ല​സ്തീ​നി​ക​ൾ. ഉ​റ്റ​വ​രെ​യും ഉ​ട​യ​വ​രെ​യും ന​ഷ്ട​മാ​യി കൈ​ക​ളും കാ​ലു​ക​ളും ത​ക​ർ​ന്ന്, പാ​തി​ന​ഷ്ട​മാ​യ ജീ​വ​നു​മാ​യി യു​ദ്ധ​നാ​ളു​ക​ളി​ൽ ഖ​ത്ത​റി​ന്റെ മ​ണ്ണി​ൽ അ​ഭ​യം തേ​ടി​യ​വ​ർ.

കു​ട്ടി​ക​ളും സ്ത്രീ​ക​ളും പ്രാ​യ​മാ​യ​വ​രു​മെ​ല്ലാ​മു​ണ്ട് അ​ക്കൂ​ട്ട​ത്തി​ൽ. ഖ​ത്ത​ർ അ​മീ​ർ ശൈ​ഖ് ത​മീം ബി​ൻ ഹ​മ​ദ് ആ​ൽ​ഥാ​നി​യു​ടെ നി​ർ​ദേ​ശ പ്ര​കാ​രം ഖ​ത്ത​ർ അ​മി​രി വ്യോ​മ​സേ​ന​യു​ടെ വി​മാ​ന​ത്തി​ൽ 2023 ന​വം​ബ​ർ മു​ത​ൽ ഈ​ജി​പ്തി​ലെ അ​ൽ അ​രി​ഷ് വി​മാ​ന​ത്താ​വ​ളം വ​ഴി ദോ​ഹ​യി​ലെ​ത്തി​യ​താ​ണ് അ​വ​ർ. ഗു​രു​ത​ര പ​രി​ക്കേ​റ്റ​വ​രും, ബോം​ബി​ങ്ങി​ലും വെ​ടി​യേ​റ്റും പൊ​ള്ള​ലേ​റ്റ​വ​രും അം​ഗ​ഭം​ഗം വ​ന്ന​വ​രും വി​ദ​ഗ്ധ ചി​കി​ത്സ ആ​വ​ശ്യ​മാ​യ​വ​രും ഉ​ൾ​പ്പെ​ടെ ആ​യി​ര​ങ്ങ​ൾ.

ഖ​ത്ത​റി​ലെ പ്ര​ത്യേ​ക ആ​ശു​പ​ത്രി സ​ജ്ജീ​ക​ര​ണ​ങ്ങ​ളി​ലും സി​ദ്റ ആ​ശു​പ​ത്രി​യി​ലു​മാ​യി ചി​കി​ത്സ പൂ​ർ​ത്തി​യാ​ക്കി ജീ​വി​ത​ത്തി​ലേ​ക്ക് തി​രി​കെ​യെ​ത്തി​യ​വ​ർ ത​ങ്ങ​ളു​ടെ ക​ണ്ണും കാ​തും ഗ​സ്സ​യി​ലെ വാ​ർ​ത്ത​ക​ളി​ലേ​ക്കു​ത​ന്നെ കൂ​ർ​പ്പി​ച്ച് നാ​ളു​ക​ൾ ക​ഴി​ച്ചു കൂ​ട്ടി. ഏ​റ്റ​വും ഒ​ടു​വി​ലാ​ണ് അ​വ​രു​ടെ ക്യാ​മ്പു​ക​ളി​ൽ സ​ന്തോ​ഷ ക​ണ്ണീ​രു​മാ​യി വെ​ടി​നി​ർ​ത്ത​ൽ വാ​ർ​ത്ത​ക​ളെ​ത്തു​ന്ന​ത്.

ഞാ​യ​റാ​ഴ്ച ​വെ​ടി​നി​ർ​ത്ത​ൽ ക​രാ​ർ പ്രാ​ബ​ല്യ​ത്തി​ൽ വ​രു​ക​യും, 467 ദി​വ​സ​ത്തി​നു ശേ​ഷം ഗ​സ്സ ശാ​ന്ത​മാ​വു​ക​യും ചെ​യ്ത ദി​വ​സ​ത്തി​ലെ സ​ന്തോ​ഷം ഖ​ത്ത​റി​ലെ ഫ​ല​സ്തീ​നി​ക​ളും പ​ങ്കു​വെ​ച്ചു. ഖ​ത്ത​ർ ന്യൂ​സ് ഏ​ജ​ൻ​സി പു​റ​ത്തു​വി​ട്ട വി​ഡി​യോ​യി​ലൂ​ടെ​യാ​ണ് അ​വ​ർ ത​ങ്ങ​ളു​ടെ സ​ന്തോ​ഷ​വും പ്ര​തീ​ക്ഷ​ക​ളും പ​ങ്കു​​വെ​ക്കു​ന്ന​ത്. ‘ദൈ​വ​ത്തി​ന് ന​ന്ദി. ഞ​ങ്ങ​ളെ സ​ഹാ​യി​ച്ച ഖ​ത്ത​ർ അ​മീ​ർ ശൈ​ഖ് ത​മീം ബി​ൻ ഹ​മ​ദ് ആ​ൽ​ഥാ​നി​ക്കും ന​ന്ദി’ -ഇ​സ്രാ​യേ​ൽ വ്യോ​മാ​ക്ര​മ​ണ​ത്തി​നി​ടെ പ​തി​ച്ച ബോം​ബി​ങ്ങി​ൽ ഒ​രു ക​ണ്ണ് ഉ​ൾ​പ്പെ​ടെ ന​ഷ്ട​മാ​യ പ​ത്തു10 വ​യ​സ്സു​കാ​ര​ൻ പ​റ​യു​ന്നു.

‘വെ​ടി​നി​ർ​ത്ത​ൽ ക​രാ​ർ പ്ര​ഖ്യാ​പി​ച്ചെ​ന്ന വാ​ർ​ത്ത ആ​ദ്യം കേ​ട്ട​പ്പോ​ൾ ഞ​ങ്ങ​ൾ കു​റെ ക​ര​ഞ്ഞു. ഈ ​തീ​രു​മാ​നം ഞ​ങ്ങ​ൾ​ക്ക് വ​ലി​യ സ​ന്തോ​ഷം ന​ൽ​കു​ന്ന​താ​ണ്. ദൈ​വ​ത്തി​ന് ന​ന്ദി. വെ​ടി​നി​ർ​ത്ത​ലി​ലൂ​ടെ ഞ​ങ്ങ​ളു​ടെ മ​ക്ക​ളും ഭ​ർ​ത്താ​ക്ക​ന്മാ​രും ഉ​ൾ​പ്പെ​ടെ ബാ​ക്കി​യാ​യ​വ​രെ​ങ്കി​ലും സു​ര​ക്ഷി​ത​രാ​വു​മ​ല്ലോ. ഞ​ങ്ങ​ളു​ടെ വേ​ദ​ന​ക​ൾ​ക്ക് ആ​രും ചെ​വി​കൊ​ടു​ക്കാ​ത്തി​രു​ന്ന​പ്പോ​ഴും ഞ​ങ്ങ​ൾ​ക്കു​വേ​ണ്ടി നി​ല​കൊ​ണ്ട ഖ​ത്ത​റി​നോ​ട് ഏ​റെ ന​ന്ദി​യു​ണ്ട്. ഗ​സ്സ​യി​ലേ​തു​ൾ​പ്പെ​ടെ അ​വ​ശ​രാ​യ മ​നു​ഷ്യ​ർ​ക്കൊ​പ്പം ഇ​നി​യും നി​ൽ​ക്കാ​നും സേ​വി​ക്കാ​നും ഖ​ത്ത​റി​ന് ക​ഴി​യ​ട്ടെ എ​ന്ന് ആ​ശം​സി​ക്കു​ന്നു’ -ഗ​സ്സ​യി​ൽ​നി​ന്ന് ഒ​രു വ​ർ​ഷം മു​മ്പ് ദോ​ഹ​യി​ലെ​ത്തി​യ ഫ​ല​സ്തീ​നി വീ​ട്ട​മ്മ പ​റ​യു​ന്നു.

‘യു​ദ്ധം തു​ട​ങ്ങി​യ ശേ​ഷം പി​താ​വി​നെ ഞാ​ൻ ക​ണ്ടി​ട്ടി​ല്ല. ഞ​ങ്ങ​ളി​ൽ മാ​ത്രം 380 ര​ക്ത​സാ​ക്ഷി​ക​ളു​ണ്ട്, യു​ദ്ധ​ത്തി​ലെ ഏ​റ്റ​വും വ​ലി​യ കൂ​ട്ട​ക്കൊ​ല​യു​ടെ മ​ക​ളാ​ണ് ഞാ​ൻ. ഈ ​മ​നു​ഷ്യ​ക്കു​രു​തി അ​വ​സാ​നി​പ്പി​ച്ച ഖ​ത്ത​റി​ന് ന​ന്ദി​യു​ണ്ട്’ -കൗ​മാ​ര​ക്കാ​രി​യാ​യ ഒ​രു ഫ​ല​സ്തീ​നി പെ​ൺ​കു​ട്ടി പ​റ​യു​ന്നു.

‘ഖാ​ൻ യൂ​നി​സി​ലെ ആ​ക്ര​മ​ണ​ത്തി​ൽ പ​രി​ക്കേ​റ്റ​താ​ണ് എ​നി​ക്ക്. കൈ​യും ക​ണ്ണും മു​ഖ​വും ത​ല​യു​മെ​ല്ലാം മു​റി​വേ​റ്റു. ഖ​ത്ത​റി​ലെ​ത്തി​ച്ചാ​ണ് എ​നി​ക്ക് ആ​വ​ശ്യ​മാ​യ ചി​കി​ത്സ ന​ൽ​കി​യ​ത്. ഏ​റ്റ​വും മി​ക​ച്ച ആ​ശു​പ​ത്രി​യും പ​രി​ച​ര​ണ​വും ഇ​വി​ടെ ന​ൽ​കി. ഏ​റ്റ​വും സ​ന്തോ​ഷം ന​ൽ​കു​ന്ന​താ​ണ് യു​ദ്ധ​വി​രാ​മ വാ​ർ​ത്ത’ -ഉ​ണ​ങ്ങി​യ മു​റി​വു​ക​ൾ ചൂ​ണ്ടി​ക്കാ​ട്ടി മ​റ്റൊ​രു ​കൗ​മാ​ര​ക്കാ​രി പ​റ​യു​ന്നു.

പ​രി​ക്കു​ക​ൾ മാ​റി, വീ​ൽ​ചെ​യ​റു​ക​ളി​ലും ഊ​ന്നു​വ​ടി​ക​ളി​ലു​മാ​യി ജീ​വി​ത​ത്തി​ലേ​ക്ക് തി​രി​കെ​യെ​ത്തു​ന്ന ദോ​ഹ​യി​ലെ ഫ​ല​സ്തീ​നി​ക​ൾ ദൂ​ര​ങ്ങ​ളി​ലി​രു​ന്നും ഗ​സ്സ​യു​ടെ സ​ന്തോ​ഷ​ത്തി​ന്റെ ഭാ​ഗ​മാ​വു​ക​യാ​ണ്. ത​ങ്ങ​ളു​ടെ വേ​ദ​ന​യൊ​പ്പി​യ മ​ണ്ണ്, ത​ങ്ങ​ളു​ടെ നാ​ടി​നെ​യും ചേ​ർ​ത്തു​പി​ടി​ക്കു​ന്ന​തി​ന് അ​വ​ർ ആ​യി​രം ത​വ​ണ പ്രാ​ർ​ഥ​ന​യോ​ടെ ന​ന്ദി ചൊ​ല്ലു​ന്നു.