തെക്കൻ പ്രദേശങ്ങളിലേക്കായി പാക്കേജ് 9 പദ്ധതി

വിവിധയിടങ്ങളിൽ വൻ അടിസ്​ഥാന സൗകര്യവികസന പദ്ധതികളാണ്​ അശ്​ഗാലിെൻറ നേതൃത്വത്തിൽ നടക്കുന്നത്​. തെക്കന്‍ പ്രദേശങ്ങളിലേക്കായുള്ള പാക്കേജ് 9 പദ്ധതിയാണ്​ ഇതിൽ പ്രധാന​െപ്പട്ടത്​. സൗത്ത് അല്‍ മെഷാഫിലെ റോഡുകളും അടിസ്ഥാന സൗകര്യ വികസനവുമാണ് ഇതില്‍ ഉള്‍പ്പെടുന്നത്. പദ്ധതിയിലെ എട്ടാമത്തെ പാക്കേജ് ജനുവരിയില്‍ നടപ്പാക്കുമെന്ന പ്രഖ്യാപനം ഈയിടെ വന്നിരുന്നു. ഇതിനു പിന്നാലെയാണ് ഒമ്പതും പ്രഖ്യാപിച്ചത്. ഗതാഗത പ്രശ്നങ്ങള്‍ നിയന്ത്രിക്കുന്നതിനായി 23 കിലോമീറ്റര്‍ നീളമുള്ള അകത്തേ തെരുവുകളുടെ ശൃംഖലയും ഒമ്പതര കിലോമീറ്റര്‍ കാല്‍നടപ്പാതയും സൈക്കിള്‍ ട്രാക്കും റോഡ് സുരക്ഷാ അടയാളങ്ങളും തെരുവു വിളക്കുകളും ഉള്‍ക്കൊള്ളുന്നതാണ് പദ്ധതി. ഭാവിയില്‍ താമസക്കാരുടെ ആവശ്യങ്ങള്‍ക്കും നഗരവികസനത്തിനും കൂടി ലക്ഷ്യമിട്ടുള്ള തരത്തിലാണ് പദ്ധതി ആവിഷ്​കരിക്കുന്നത്.

ദോഹയുടെ തെക്ക് ഭാഗത്തായും തെക്കു-പടിഞ്ഞാറന്‍ അല്‍ വക്റയിലുമായാണ് പദ്ധതിയുമായി ബന്ധപ്പെട്ട പ്രവൃത്തികൾ നടക്കുക. തെക്ക് റികയസ്ട്രീറ്റ് വരെയും വടക്ക് അല്‍ വുഖൈര്‍ റോഡും ദോഹ എക്സ്പ്രസ് വേയുടെ തെക്കന്‍ ഭാഗങ്ങളും ഉള്‍പ്പെടുന്നതാണ് പദ്ധതിയുടെ അതിര്‍ത്തി. മൂന്ന് മേഖലകളിലായി നടപ്പാക്കുന്ന നവീകരണ പ്രവര്‍ത്തനങ്ങള്‍ 2023 നാലാം പാദത്തോടെ പൂര്‍ത്തിയാകുന്ന വിധത്തിലാണ് തയാറാക്കിയിരിക്കുന്നത്.

23.5 കിലോമീറ്റര്‍ നീളത്തില്‍ മലിനജല ശൃംഖല, 56 കിലോമീറ്റര്‍ ഉപരിതല ഭൂഗര്‍ഭ ജല ഡ്രെയിനേജ് ശൃംഖല, ഒമ്പതര കിലോമീറ്റര്‍ സംസ്​കരിച്ച മലിനജല ശൃംഖല, ഒമ്പത് കിലോമീറ്റര്‍ നീളമുള്ള കുടിവെള്ള ശൃംഖല തുടങ്ങിയവ പദ്ധതിയില്‍ ഉള്‍പ്പെടും. അൽ വുകൈർ സൗത്തിലെ ന്യൂ സിറ്റിസൺസ്​ സബ് ഡിവിഷനുകളിലെ അടിസ്​ഥാന സൗകര്യ വികസന പദ്ധതികളുടെ ഭാഗമായി 3000 സബ് ഡിവിഷനുകളിലേക്കുള്ള സേവനങ്ങൾ അടുത്തിടെ അശ്ഗാൽ പൂർത്തിയാക്കിയിരുന്നു. മുഐദർ അൽ വുകൈർ എന്നറിയപ്പെടുന്ന വുകൈർ സൗത്ത് സബ് ഡിവിഷനുകളിലേക്കുള്ള റോഡ്, അടിസ്​ഥാന സൗകര്യവികസന പദ്ധതി വക്റ മുനിസിപ്പാലിറ്റിക്ക് കീഴിലെ അശ്ഗാലിെൻറ പ്രധാന പദ്ധതിയാണ്​. മേഖലയിലെ വർധിച്ചുവരുന്ന ജനസംഖ്യ കണക്കിലെടുത്താണ് പുതിയ പദ്ധതികൾ നടപ്പാക്കിയത്​.