Top
Begin typing your search above and press return to search.
exit_to_app
exit_to_app
Homechevron_rightGulfchevron_rightQatarchevron_rightവിദേശ യാത്ര:...

വിദേശ യാത്ര: സ്വദേശികൾക്ക് നിർദേശങ്ങളുമായി വിദേശകാര്യ മന്ത്രാലയം

text_fields
bookmark_border
വിദേശ യാത്ര: സ്വദേശികൾക്ക് നിർദേശങ്ങളുമായി വിദേശകാര്യ മന്ത്രാലയം
cancel

ദോഹ: വിദേശ രാജ്യങ്ങളിലേക്ക് യാത്ര ചെയ്യാനുദ്ദേശിക്കുന്ന സ്വദേശികൾക്ക്​വിദേശകാര്യ മന്ത്രാലയത്തിലെ കോൺസുലാർ വകുപ്പ് വിവിധ നിർദേശങ്ങൾ പുറത്തിറക്കി. സ്വദേശികളുടെ യാത്രയും താമസവും കൂടുതൽ സൗകര്യപ്പെടുത്തുക, പ്രശ്നങ്ങളിൽനിന്ന് അവരെ സംരക്ഷിക്കുക തുടങ്ങിയ ഉദ്ദേശ്യങ്ങളുടെ ഭാഗമായാണിത്​. കോൺസുലാർ വകുപ്പിെൻറ നിർദേശങ്ങൾ താഴെ:

പാസ്​പോർട്ട്, ഐ.ഡി എന്നിവക്ക്​ ചുരുങ്ങിയത് ആറ് മാസത്തെ കാലാവധിയുണ്ടെന്ന് ഉറപ്പുവരുത്തുക.വിസ ആവശ്യമെങ്കിൽ യാത്രക്ക് മുമ്പായി സംഘടിപ്പിക്കുക.കോവിഡുമായി ബന്ധപ്പെട്ട്​, യാത്ര ചെയ്യാനുദ്ദേശിക്കുന്ന രാജ്യങ്ങളിലെ കോവിഡ് നിയന്ത്രണങ്ങളും േപ്രാട്ടോകോളും അറിഞ്ഞിരിക്കുക.

എൻട്രി വിസക്ക് ആവശ്യമായ എല്ലാ രേഖകളും (കോവിഡ് പി.സി.ആർ ടെസ്​റ്റ് സർട്ടിഫിക്കറ്റ്, ഹോട്ടൽ ക്വാറൻറീൻ) സംബന്ധിച്ച് എയർലൈനുമായി ബന്ധപ്പെട്ട് കൃത്യമായി അറിഞ്ഞിരിക്കുക.യാത്ര ചെയ്യാനുദ്ദേശിക്കുന്ന രാജ്യത്തെ നിയമ നിർദേശങ്ങൾ പാലിക്കുക, യാത്രാനിയമങ്ങൾ ലംഘിക്കാതിരിക്കുക.

പാസ്​പോർട്ട് അടക്കമുള്ള രേഖകൾ സുരക്ഷിതമായി സൂക്ഷിക്കുക. ഔദ്യോഗിക രേഖകൾ സൂക്ഷിക്കാനായി മറ്റൊരാൾക്ക് നൽകാതിരിക്കുക.ഖത്തരികളല്ലാത്ത എസ്​കോർട്ട്, സേവകർ കൂടെയുണ്ടെങ്കിൽ അവരുടെ വിസ നടപടികൾ സംബന്ധിച്ച് സ്​പോൺസർ അറിഞ്ഞിരിക്കണം.

സ്വർണമടക്കമുള്ള വിലകൂടിയ വസ്​തുക്കൾ യാത്രയിൽ കൂടെ കരുതുന്നത് ഒഴിവാക്കുക.ആൾക്കൂട്ടങ്ങളിലും ചന്തകളിലും കുട്ടികളെ കൂടുതൽ ശ്രദ്ധിക്കുക.ബന്ധപ്പെട്ട അതോറിറ്റിയിൽനിന്നുള്ള സെർച്ച് വാറൻറ് ഇല്ലാതെ സുരക്ഷാ ഉദ്യോഗസ്​ഥരെ പരിശോധനക്കായി ഒരിക്കലും അനുവദിക്കരുത്.

നഷ്​ടപ്പെടാൻ സാധ്യതയുള്ളതിനാൽ ഐ.ഡി നമ്പർ, പാസ്​പോർട്ട് നമ്പർ, ഇവയുടെ കോപ്പികൾ എന്നിവ കരുതുക.സംഘമായി പോവുകയാണെങ്കിൽ മുഴുവൻ പണവും ഒരാളിൽ സൂക്ഷിക്കാനേൽപിക്കാതിരിക്കുക. അംഗങ്ങൾക്കിടയിൽ വീതിച്ച് നൽകുകയും എക്സ്​ചേഞ്ച് രസീത് സൂക്ഷിക്കുകയും ചെയ്യുക.

അതത് രാജ്യങ്ങളിലെത്തുമ്പോൾ കൂടെ 10,000 ഡോളറിൽ കൂടുതൽ പണം ഉണ്ടെങ്കിൽ കസ്​റ്റംസ്​ ഉദ്യോഗസ്​ഥരെ നേരിട്ട് അറിയിക്കുക. പിന്നീടുള്ള ബുദ്ധിമുട്ടുകൾ ഒഴിവാക്കാൻ വേണ്ടിയാണിത്.സംശയകരമായ സാഹചര്യങ്ങളിൽനിന്നും സ്​ഥലങ്ങളിൽനിന്നും അകന്നുനിൽക്കുക. സംശയകരമായ വസ്​തുക്കൾ കൈകാര്യം ചെയ്യാതിരിക്കുക.

യാത്ര ചെയ്യുന്ന രാജ്യങ്ങളിലെ മുഖം മറയ്​ക്കുന്ന വസ്​ത്രങ്ങളുമായി ബന്ധപ്പെട്ടതടക്കമുള്ള നിയമങ്ങൾ പാലിക്കുക.പ്രശ്നങ്ങളുണ്ടാവുകയാണെങ്കിൽ തൊട്ടടുത്ത എംബസിയിലോ കോൺസുലേറ്റിലോ അറിയിക്കുക. യാത്ര ചെയ്യുന്നതിന് മുമ്പായി വിദേശകാര്യ മന്ത്രാലയത്തിൽ രജിസ്​റ്റർ ചെയ്യുക.യൂറോപ്യൻ രാജ്യങ്ങളിലേക്ക് പോകുമ്പോൾ മാംസ, പാലുൽപന്നങ്ങൾ കൂടെ കരുതാതിരിക്കുക. ഭക്ഷ്യവസ്​തുക്കൾ കൂടെയുണ്ടെങ്കിൽ അവ രണ്ട് കിലോഗ്രാമിൽ കൂടരുത്.

Show Full Article
TAGS:Travel 
News Summary - Overseas Travel: Ministry of External Affairs with instructions to the natives
Next Story