ഖത്തർ: സാ​ങ്കേതികപ്രശ്​നങ്ങൾ പൂർണമായും പരിഹരിച്ചെന്ന്​ ഉരീദു

ദോഹ: കഴിഞ്ഞ കുറച്ചുദിവസങ്ങളായി ഇൻറർനെറ്റുമായി ബന്ധപ്പെട്ടുണ്ടായ തങ്ങളു​െട സാ​ങ്കേതിക പ്രശ്​നങ്ങളെല്ലാം പരിഹരിച്ചതായി ഉരീദു അറിയിച്ചു. തങ്ങളുടെ എഞ്ചിനീയർമാരും സാ​​ങ്കേതിക വിദഗ്​ധരും മുഴുസമയവും പ്രശ്​നം കണ്ടെത്താനുള്ള പ്രയത്​നത്തിലായിരുന്നു. നിലവിൽ എല്ലാതരം പ്രശ്​നങ്ങളും പരിഹരിച്ചതായും ഉപഭോക്​താക്കൾക്ക്​ പൂർണരൂപത്തിൽ സേവനം ആസ്വദിക്കാമെന്നും കമ്പനി വാർത്താകുറിപ്പിൽ അറിയിച്ചു.

ഇനിയും ആർക്കെങ്കിലും സേവനം തടസപ്പെടുന്നുണ്ടെങ്കിൽ അവർ തങ്ങളുടെ ​മൊബൈൽ അല്ലെങ്കിൽ മറ്റ്​ ഡിവൈസുകൾ റീസെറ്റ്​ ​െചയ്യണം. സാ​​ ങ്കേതികകാര്യങ്ങൾ എ​പ്പോഴും നിരീക്ഷിച്ചുവരികയാണെന്നും സേവനം മുടങ്ങിയതുമൂലം ഉപഭോക്​താക്കൾക്കുണ്ടായ പ്രയാസങ്ങളിൽ ക്ഷമ ചോദിക്കുന്നുവെന്നും ഉരീദു അറിയിച്ചു. നവംബർ ഏഴ്​ മുതലാണ്​ ഉരീദു ​നെറ്റ്​വർക്കിൽ ഡാറ്റാ ഉപയോഗിക്കു​േമ്പാഴും വോയിസ്​ കോളുകൾക്കും തടസം നേരിട്ടത്​.