ഗൾഫ്മാധ്യമം ഓൺലൈൻ ചിത്രരചന മൽസരത്തിനുള്ള രജിസ്ട്രേഷൻ ഏഴിന് അവസാനിക്കും
text_fieldsദോഹ: കുട്ടികൾക്കായി 'ഗൾഫ്മാധ്യമം' നടത്തുന്ന ഓൺലൈൻ തൽസമയ ചിത്രരചന മൽസരത്തിന് ഗംഭീര പ്രതികരണം. ഇതിനകം എണ്ണൂറോളം പേരാണ് രജിസ്റ്റർ ചെയ്തത്. ഒക്ടോബർ ഒമ്പതിന് സൂം പ്ലാറ്റ്ഫോമിലൂടെയാണ് മൽസരം. ക്രയോൺസ് വിഭാഗത്തിൽ മൂന്ന് മുതൽ അഞ്ചുവയസുവരെയുള്ള കുട്ടികൾക്കായി രാവിലെ ഒമ്പതുമുൽ പത്തുവരെയാണ് മൽസരം. ആറുമുതൽ പത്ത് വയസുവരെയുള്ള കുട്ടികൾക്കായി രാവിലെ 10.15 മുതൽ 11.15 വരെ സ്കെച്ച് പെൻ വിഭാഗത്തിലാണ് മൽസരം. വാട്ടർ കളർ വിഭാഗത്തിൽ 11 മുതൽ 15 വയസുവരെയുള്ളവർക്കായി ഉച്ചക്ക് 12 മുതൽ 1.30 വരെ.
www.madhyamam.com/drawingcompetitionqatar
എന്ന ലിങ്ക് വഴിയാണ് രജിസ്റ്റർ ചെയ്യേണ്ടത്. രജിസ്റ്റർ ചെയ്തവർ ദോഹ ഗൾഫ്സിനിമ സിഗ്നലിലുള്ള ഗൾഫ്മാധ്യമം ഓഫിസിൽ നേരിട്ടെത്തി സ്റ്റാമ്പ് ചെയ്ത ഡ്രോയിങ് പേപ്പറുകളും ചെസ്റ്റ് നമ്പറും ൈകപ്പറ്റണം. ഈ പേപ്പറിലാണ് ചിത്രങ്ങൾ വരക്കേണ്ടത്.
രജിസ്ട്രേഷൻ പൂർത്തിയാക്കിയവർക്ക് മൽസരത്തിന് മുമ്പ് തന്നെ സൂം ലിങ്ക് വാട്സ്ആപ്പിൽ അയച്ചുകൊടുക്കും. ഇതുവഴി സൂമിലൂടെ മൽസരാർഥികൾ ചിത്രം വരക്കുന്നത് മുടങ്ങാതെ തൽസമയം മാതാപിതാക്കളോ മറ്റോ കാണിക്കണം. ഒരുകാരണവശാലും മൽസരത്തിനിടെ സൂം ഓഫ് ചെയ്യുകയോ മുടക്കുകയോ ചെയ്യരുത്. മൽസരം തുടങ്ങുന്നതിന് മുമ്പ് തന്നെ സൂമിലൂടെ അവതാരകൻ നിർദേശങ്ങൾ നൽകും. വരക്കേണ്ട വിഷയങ്ങളും മൽസരത്തിന് തൊട്ടുമുമ്പ് നൽകും. ബാക്കിയുള്ള വിവരങ്ങൾ അവതാരകൻ അപ്പപ്പോൾ നൽകും. അതിനനുസരിച്ചാണ് കാര്യങ്ങൾ ചെയ്യേണ്ടത്. ഒക്ടോബർ ഏഴ് വരെ രജിസ്ട്രേഷൻ സ്വീകരിക്കും. വിവരങ്ങൾക്ക് 55373946, 55091170 എന്നീ നമ്പറുകളിൽ ബന്ധപ്പെടാം. വിജയികളെയും തെരഞ്ഞെടുക്കപ്പെടുന്നവരെയും ഗംഭീരസമ്മാനങ്ങളാണ് കാത്തിരിക്കുന്നത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.