ഖത്തറിൽ ഒരാൾകൂടി മരിച്ചു; 75 പേർക്ക്​ രോഗമുക്​തി

ദോഹ: ഖത്തറിൽ കോവിഡ്​ ബാധിച്ച്​ ചികിൽസയിലായിരുന്ന ഒരാൾ കൂടി മരിച്ചു. 55 വയസ്സുള്ള പ്രവാസിയാണ്​ മരിച്ചതെന്ന്​ ബുധനാഴ്​ച പൊതുജനാരോഗ്യമന്ത്രാലയം അറിയിച്ചു. മാർച്ച്​ 23നാണ്​ ഇദ്ദേഹത്തെ​ ആശുപത്രിയിൽ പ്രവേശിപ്പിച്ചത്​. ഇതോടെ ആകെ മരണം പത്തായി. ബുധനാഴ്​ച 608 പേർക്കുകൂടി പുതുതായി രോഗം സ്​ഥിരീകരിച്ചു​. 75 പേരുടെ രോഗം ഭേദമായി.

നിലവിൽ ചികിത്സയിലുള്ളവർ 6442 ആണ്​. ആകെ 70,012 പേരിൽ പരിശോധന നടത്തിയപ്പോൾ ആകെ 71,41പേർക്കാണ്​ രോഗം സ്​ഥിരീകരിച്ചത്​. മരിച്ചവരും രോഗം ഭേദമായവരും ഉൾപ്പെടെയാണിത്​.