ഖത്തറിലേക്ക്​ ഓൺ അറൈവൽ യാത്ര പുനരാരംഭിക്കുന്നു

ദോഹ: തിങ്കളാഴ്​ച ഖത്തറിൽ പ്രാബല്ല്യത്തിൽ വന്ന പുതിയ യാത്രാ നയത്തിനു പിന്നാലെ ഇന്ത്യക്കാർക്കുള്ള ഓൺ അറൈവൽ യാത്രാ സൗകര്യം കൂടി അനുവദിക്കാൻ ധാരണ. ഇതു സംബന്ധിച്ച്​ സർക്കാർ കേന്ദ്രങ്ങളിൽ നിന്ന്​ അനുമതി ലഭിച്ചതായി ടൂറിസം മേഖലയില്‍ നിന്നുള്ളവര്‍ അറിയിച്ചു. എന്നാൽ, എന്നുമുതൽ അനുവദിച്ചു തുടങ്ങും എന്നതിൽ വ്യക്​തതയില്ല.

ഖത്തർ അംഗീകൃത വാക്‌സിനേഷൻ പൂർത്തിയാക്കിയവർക്ക് മാത്രമായിരിക്കും രാജ്യത്തേക്ക്​ പ്രവേശനം. ഇതോടെ ഇന്ത്യയിൽ നിന്നുൾപ്പെടെയുള്ള യാത്രക്കാർക്ക്​ കർശന വിലക്കുള്ള മറ്റു ഗള്‍ഫ് രാജ്യങ്ങളിലേക്ക് ഖത്തർ വഴി മടങ്ങാൻ കഴിയുമെന്ന പ്രതീക്ഷയിലാണ്​ പ്രവാസി മലയാളികൾ.

ആറുമാസത്തെയെങ്കിലും കാലാവധിയുള്ള പാസ്​പോർട്ട്​, റി​ട്ടേൺ വിമാന ടിക്കറ്റ്​, ഖത്തർ സന്ദർശിക്കുന്ന അത്രയും ദിവസത്തേക്കുള്ള അംഗീകൃത ഹോട്ടൽ ബുക്കിങ്​, ആരോഗ്യ മന്ത്രാലയം അംഗീകരിച്ച കോവിഡ്​ വാക്​സിൻെറ രണ്ട്​ ഡോസും സ്വീകരിച്ചതായുള്ള സർട്ടിഫിക്കറ്റ്​, കോവിഡ്​ ആർ.ടി.പി.സി.ആർ നെഗറ്റീവ്​ പരിശോധനാ ഫലം എന്നിവ നിർബന്ധമാണ്​. വാക്​സിൻ രണ്ടാം ഡോസ്​ സ്വീകരിച്ച്​ 14 ദിവസം പിന്നിട്ടവരുമായിരിക്കണം. യാത്രക്ക് 12 മണിക്കൂർ മുമ്പായി​ ഇഹ്​തിറാസ്​ വെബ്​സൈറ്റിൽ രജിസ്​റ്റർ ചെയ്​ത്​ യാ​​​ത്രാനുമതി ലഭിച്ചലേ വിമാനത്തിൽ കയറാൻ കഴിയൂ.

അതിനിടെ, ഖത്തർ പൗരന്മാർക്കും, റെസിഡൻറ്​ വിസയുള്ള വിദേശികൾക്കും രാജ്യത്ത്​ പ്രവേശിക്കു​േമ്പാൾ ഇഹ്​തിറാസ്​ പ്രീ രജിസ്​ട്രേഷൻ നിർബന്ധമില്ലെന്ന ആരോഗ്യ മന്ത്രാലയം അറിയിച്ചു. പുതിയയാത്രാ നയം പ്രകാരം തിങ്കളാഴ്​ച മുതൽ എല്ലാതരം യാത്രക്കാർക്കും പ്രീ രജിസ്​ട്രേഷൻ നിർബന്ധമായിരുന്നു. ഫാമിലി വിസിറ്റ്​ വിസക്കുള്ള അപേക്ഷകൾ ചൊവ്വാഴ്​ച മുതൽ മെട്രാഷ്​2 ആപ്പ്​ വഴി സ്വീകരിച്ചു തുടങ്ങി.