പ്രവാസി ദോഹ ബഷീർ പുരസ്കാരം ഒ.എൽ. തോമസിന് സമ്മാനിച്ചു
text_fields
പ്രവാസി ദോഹ 29 ാമത് ബഷീർ പുരസ്കാരം ഒ.എൽ. തോമസിന് കൈമാറിയപ്പോൾ
ദോഹ: പ്രവാസി ദോഹയുടെ 29 ാമത് ബഷീർ പുരസ്കാരം കായിക പ്രതിഭയും രാജ്യാന്തര അറ്റ്ലറ്റുമായ ഒ.എൽ. തോമസിന്. മെമന്റോയും പ്രശസ്‌തി പത്രവും കാഷ് അവാർഡും ഉൾപ്പെടുന്നതാണ് പുരസ്കാരം.
തൃശ്ശൂർ ജില്ലയിലെ പാവറട്ടി സ്വദേശിയായ അദ്ദേഹം അന്താരാഷ്ട്ര തലത്തിലും ദേശീയ തലത്തിലും മികച്ച നേട്ടങ്ങൾ കൈവരിച്ചിട്ടുണ്ട്. തൃശ്ശൂർ സാഹിത്യ അക്കാദമി എം.ടി. ഹാളിൽ നടന്ന പരിപാടിയിൽ വൈശാഖൻ മാഷ് ബഷീർ പുരസ്കാരം കൈമാറി. കാഷ് അവാർഡ് അനീസ് ബഷീറും പ്രശസ്തിപത്രം വിക്ടർ മഞ്ഞിലയും കൈമാറി. ചടങ്ങിൽ പ്രവാസി ദോഹ /പ്രവാസി ട്രസ്റ്റ് ഏർപ്പെടുത്തിയ പ്രൊഫ. എം.എൻ. വിജയൻ സ്മാരക എൻഡോവ്‌മെന്റ് സ്കോളർഷിപ്പ് അവാർഡ് പി.എച്ച്. അൽനക്ക് സാറ ജോസഫ് കൈമാറി.