You are here

എണ്ണ വില കുറയുന്നു;  രൂപ തിരിച്ചുവരുന്നു

08:26 AM
03/11/2018

ദോഹ: ഏതാനും മാസങ്ങളായി തിരിച്ചടി നേരിട്ടുകൊണ്ടിരുന്ന രൂപ തിരിച്ചുവരുന്നു. ഡോളറുമായുള്ള വിനിമയത്തിൽ തുടർച്ചയായി താ​േഴക്കു പോയിരുന്ന രൂപ വെള്ളിയാഴ്​ച ഒരു മാസത്തിനിടയിലെ ഏറ്റവും മികച്ച തിരിച്ചുവരവ്​ നടത്തി. ഒരു മാസത്തിന്​ ഇടയിൽ ആദ്യമായി ഒരു ഡോളർ 73 രൂപക്ക്​ താ​െഴയെത്തി. ഇത്​ റിയാലുമായുള്ള വിനിമയത്തിലും രൂപക്ക്​ ഗുണമായിട്ടുണ്ട്​. വെള്ളിയാഴ്​ചത്തെ നിരക്ക്​ പ്രകാരം ഒരു റിയാലിന്​ 19.77 രൂപ എന്ന നിലയിലാണ്​ ഉള്ളത്​. ഒരു ഡോളറിന്​ 72.75 രൂപ എന്ന നിലയാണ്​ വെള്ളിയാഴ്​ച ഇടപാട്​ നടക്കുന്നത്​. 
എണ്ണവിലയിൽ കഴിഞ്ഞ ദിവസങ്ങളിൽ ഉണ്ടായ വിലയിടിവാണ്​ രൂപ തിരിച്ചുവരുന്നതിന്​ ​പ്രധാന കാരണമായി കണക്കാക്കുന്നത്​. ഇതോ​െടാപ്പം ഇറാനെതിരെ ​അമേരിക്കയുടെ നിരോധം നിലവിൽ വരു​േമ്പാഴും ഇന്ത്യക്ക്​ എണ്ണ വാങ്ങാൻ അനുമതി നൽകിയതും രൂപക്ക്​ കരുത്തായിട്ടുണ്ട്​. 
അമേരിക്ക^ ചൈന വ്യാപാര യുദ്ധം, തുർക്കി കറൻസി മൂല്യം ഇടിയൽ, ക്രൂഡോയിൽ വില വർധന തുടങ്ങിയ കാരണങ്ങളാൽ ഡോളർ ശക്​തമാകുകയും ഇതോടെ രൂപ ഇടിയുകയുമായിരുന്നു. എന്നാൽ, കഴിഞ്ഞ ദിവസങ്ങളിൽ ക്രൂഡോയിൽ വിലയിൽ ഗണ്യമായ കുറവുണ്ടായിട്ടുണ്ട്​. അഞ്ച്​ ദിവസത്തിനിടെ ഏഴ്​ ശതമാനമാണ്​ വിലയിൽ കുറവുണ്ടായത്​. എണ്ണ ഉൽപാദനം വർധിപ്പിച്ചതായുള്ള റിപ്പോർട്ടുകളും പുറത്തുവന്നിട്ടുണ്ട്​. ഇ​േതാടൊപ്പം റിസർവ്​ ബാങ്കി​​​െൻറ ഇടപെടലും രൂപ തിരിച്ചുവരുന്നതിന്​ സഹായമായി. 
 

Loading...
COMMENTS