ടെൻഷൻ വേണ്ട; ഇനി 'നീറ്റാ'യി എഴുതാം

ദോ​ഹ: നീ​ണ്ട സ​മ്മ​ർ​ദ​ങ്ങ​ൾ​ക്കും മു​റ​വി​ളി​ക്കു​മൊ​ടു​വി​ൽ ഖ​ത്ത​റി​ലെ ഇ​ന്ത്യ​ൻ വി​ദ്യാ​ർ​ഥി​ക​ൾ​ക്ക്​ ആ​ശ്വാ​സ​മാ​യി നീ​റ്റ്​ ​പ​രീ​ക്ഷ​കേ​ന്ദ്ര​ങ്ങ​ളു​ടെ പ​ട്ടി​ക​യി​ൽ ദോ​ഹ​യും ഇ​ടം​പി​ടി​ച്ചു. ക​ഴി​ഞ്ഞ ര​ണ്ടു വ​ർ​ഷ​മാ​യി കോ​വി​ഡ്​ കാ​ര​ണം പ​രീ​ക്ഷ​യെ​ഴു​താ​ൻ പ്ര​യാ​സ​പ്പെ​ട്ട വി​ദ്യാ​ർ​ഥി​ക​ൾ​ക്ക്, ഏ​റെ ആ​ശ്വാ​സം പ​ക​രു​ന്ന​താ​ണ്​ നാ​ഷ​ന​ൽ ടെ​സ്റ്റി​ങ്​ ഏ​ജ​ൻ​സി​യു​ടെ തീ​രു​മാ​നം. ക​ഴി​ഞ്ഞ വ​ർ​ഷം ​കു​വൈ​ത്തി​നും പി​ന്നാ​ലെ ദു​ബൈ​യി​ലും പ​രീ​ക്ഷ​കേ​ന്ദ്രം അ​നു​വ​ദി​ച്ച​പ്പോ​ൾ ത​ന്നെ ഇ​ന്ത്യ​ൻ എം​ബ​സി വ​ഴി​യും വി​വി​ധ സം​ഘ​ട​ന​ക​ൾ വ​ഴി​യും ഖ​ത്ത​റി​ലെ ഇ​ന്ത്യ​ൻ വി​ദ്യാ​ർ​ഥി​ക​ളും കേ​ന്ദ്ര സ​ർ​ക്കാ​റി​നെ​യും മ​ന്ത്രി​മാ​രെ​യും സ​മീ​പി​ച്ച്​ പ​രീ​ക്ഷ​​കേ​ന്ദ്ര​ത്തി​നാ​യി ശ്ര​മി​ച്ചി​രു​ന്നു. അ​വ​സാ​ന നി​മി​ഷം വ​രെ പ്ര​തീ​ക്ഷ ഉ​യ​ർ​ന്നെ​ങ്കി​ലും കു​വൈ​ത്ത്​-​ദു​ബൈ കേ​ന്ദ്ര​ങ്ങ​ൾ​ക്കു​പു​റ​മെ പു​തി​യ സെ​ന്‍റ​ർ അ​നു​വ​ദി​ക്കാ​ൻ ​നാ​ഷ​ന​ൽ ടെ​സ്റ്റി​ങ്​ ഏ​ജ​ൻ​സി ത​യാ​റാ​യി​ല്ല. എ​ങ്കി​ലും, അ​ടു​ത്ത​വ​ർ​ഷ​മെ​ങ്കി​ലും കേ​ന്ദ്രം ല​ഭി​ക്ക​ണ​മെ​ന്ന നി​ല​യി​ൽ ഇ​ന്ത്യ​ൻ അം​ബാ​സ​ഡ​ർ ഡോ. ​ദീ​പ​ക്​ മി​ത്ത​ൽ മു​ൻ​കൈ​യെ​ടു​ത്ത്​ ന​ട​ത്തി​യ ശ്ര​മ​ഫ​ല​മാ​യാ​ണ്​ ദേ​ശീ​യ മെ​ഡി​ക്ക​ൽ പ്ര​വേ​ശ​ന പ​രീ​ക്ഷ​യാ​യ 'നീ​റ്റി'​ന്‍റെ പ​രീ​ക്ഷ​കേ​ന്ദ്ര​ങ്ങ​ളി​ൽ ഒ​ന്നാ​യി ദോ​ഹ​യെ​യും തി​ര​ഞ്ഞെ​ടു​ത്ത​ത്. വി​ദ്യാ​ർ​ഥി​ക​ൾ, ര​ക്ഷി​താ​ക്ക​ൾ, സ്കൂ​ൾ അ​ധി​കൃ​ത​ർ തു​ട​ങ്ങി സ​മൂ​ഹ​ത്തി​ന്‍റെ വി​വി​ധ മേ​ഖ​ല​ക​ളി​ലു​ള്ള​വ​രും കേ​ന്ദ്ര സ​ർ​ക്കാ​ർ തീ​രു​മാ​ന​ത്തെ സ്വാ​ഗ​തം ചെ​യ്തു.

നിയമപോരാട്ടം നയിച്ചത് ഖത്തർ

കോവിഡ് വ്യാപനം രൂക്ഷമായ 2020ൽ നീറ്റ് പരീക്ഷകേന്ദ്രങ്ങൾ ഗൾഫ് രാജ്യങ്ങളിലും അനുവദിക്കണമെന്നാവശ്യപ്പെട്ട് സുപ്രീംകോടതി വരെ കേസിന് പോയത് ഖത്തറിലെ രക്ഷിതാക്കളും സംഘടനകളുമായിരുന്നു. പ്രവാസി രക്ഷിതാക്കളുടെ അപേക്ഷ, കേന്ദ്ര സർക്കാർ പരിഗണിച്ചില്ലെങ്കിലും കോടതിയിൽ ചോദ്യം ചെയ്തത് എല്ലാവരുടെയും കണ്ണുതുറപ്പിക്കാൻ കാരണമായി. പക്ഷേ, സെൻററുകളൊന്നും അന്ന് അനുവദിച്ചില്ല.

കോവിഡ് കാരണം ഇന്ത്യയിലേക്കും തിരിച്ചുമുള്ള യാത്ര മുടങ്ങിയതോടെ ജി.സി.സിയിലെ ആയിരക്കണക്കിന് വിദ്യാർഥികൾക്കാണ് 'നീറ്റ്' മുടങ്ങിയത്. കഴിഞ്ഞ വർഷം എംബസിയും കെ.എം.സി.സി ഉൾപ്പെടെ വിവിധ സംഘടനകളും ശ്രമിച്ചെങ്കിലും ഫലമുണ്ടായില്ല. മുൻ അനുഭവപശ്ചാത്തലത്തിൽ പരീക്ഷ മുടങ്ങാതിരിക്കാൻ നേരത്തെ തന്നെ വിദ്യാർഥികളും നാട്ടിലേക്ക് മടങ്ങിയാണ് പരീക്ഷയെഴുതിയത്.

ഖത്തറിൽ തന്നെ കേന്ദ്രം അനുവദിച്ചതിനാൽ സാമ്പത്തിക ചെലവ് കുറക്കാനും വിദ്യാർഥികളുടെ സമ്മർദം ഒഴിവാക്കാനുമാകും. ഖത്തറിലെ 18ഓളം ഇന്ത്യൻ സ്കൂളുകളിൽ പഠിക്കുന്ന 300 മുതൽ 400 വരെ വിദ്യാർഥികൾ ഓരോ വർഷവും മെഡിക്കൽ പ്രവേശന പരീക്ഷ എഴുതുന്നുണ്ട്.

ജാ​ഗ്ര​ത​യോ​ടെ അ​പേ​ക്ഷ സ​മ​ർ​പ്പി​ക്കാം

ദോ​ഹ: ഗ​ൾ​ഫ് നാ​ടു​ക​ളി​ലി​രു​ന്ന് സ്‌​കൂ​ൾ ബോ​ർ​ഡ് പ​രീ​ക്ഷ​ക​ൾ എ​ഴു​തി​യ​തി​നു​ശേ​ഷം 'നീ​റ്റ്' പ്ര​വേ​ശ​ന പ​രീ​ക്ഷ​ക്കു​വേ​ണ്ടി മാ​ത്രം നാ​ട്ടി​ലേ​ക്ക് പോ​കേ​ണ്ടി​വ​രു​ന്ന നൂ​റു​ക​ണ​ക്കി​ന് വി​ദ്യാ​ർ​ഥി​ക​ൾ​ക്കാ​ണ് പു​തി​യ, പ​രീ​ക്ഷ​കേ​ന്ദ്രം അ​നു​വ​ദി​ച്ച തീ​രു​മാ​നം പ്ര​യോ​ജ​ന​ക​ര​മാ​വു​ന്ന​ത്. ജോ​ലി സം​ബ​ന്ധ​മാ​യും യാ​ത്ര​സം​ബ​ന്ധ​മാ​യും ഉ​ണ്ടാ​കാ​നി​ട​യു​ള്ള അ​സൗ​ക​ര്യ​ങ്ങ​ളി​ൽ നി​ന്ന് മോ​ച​ന​മു​ണ്ടാ​വു​മെ​ന്ന വ​ലി​യ ആ​ശ്വാ​സ​ത്തോ​ടെ​യാ​ണ് പ്ര​വാ​സി​ക​ൾ ഈ ​വാ​ർ​ത്ത​യെ എ​തി​രേ​ൽ​ക്കു​ന്ന​ത്. 'നീ​റ്റ്' പ​രീ​ക്ഷ​ക്ക് മേ​യ് ഏ​ഴു​വ​രെ​യാ​ണ് ഓ​ൺ​ലൈ​നാ​യി അ​പേ​ക്ഷി​ക്കാ​നു​ള്ള അ​വ​സ​രം. ദോ​ഹ അ​ട​ക്ക​മു​ള്ള കേ​ന്ദ്ര​ങ്ങ​ളി​ൽ പ​രീ​ക്ഷ​യെ​ഴു​താ​ൻ ആ​ഗ്ര​ഹി​ക്കു​ന്ന​വ​ർ ഓ​ൺ​ലൈ​ൻ അ​പേ​ക്ഷ സ​മ​ർ​പ്പി​ക്കു​മ്പോ​ൾ ജാ​ഗ്ര​ത​യോ​ടെ പ​രീ​ക്ഷ​കേ​ന്ദ്രം തി​ര​ഞ്ഞെ​ടു​ക്ക​ണം. ഒ​രി​ക്ക​ൽ അ​നു​വ​ദി​ക്ക​പ്പെ​ട്ട പ​രീ​ക്ഷ​കേ​ന്ദ്രം മാ​റ്റാ​ൻ പി​ന്നീ​ട് അ​വ​സ​ര​മു​ണ്ടാ​വി​ല്ല എ​ന്ന കാ​ര്യം പ്ര​ത്യേ​കം ഓ​ർ​ക്ക​ണം. അ​പേ​ക്ഷ സ​മ​ർ​പ്പി​ക്കു​മ്പോ​ൾ ന​ൽ​കു​ന്ന ഇ-​മെ​യി​ൽ വി​ലാ​സ​വും വി​ദ്യാ​ർ​ഥി​ക​ളു​ടെ​യോ ര​ക്ഷി​താ​ക്ക​ളു​ടെ​യോ ആ​ണെ​ന്ന് ഉ​റ​പ്പു​വ​രു​ത്ത​ണം.

ഇ​ന്ത്യ​യി​ലെ​വി​ടെ​യും മെ​ഡി​ക്ക​ൽ, ഡെ​ന്‍റ​ൽ കോ​ഴ്‌​സു​ക​ളി​ലെ പ്ര​വേ​ശ​നം നീ​റ്റ്‌ പ്ര​വേ​ശ​ന പ​രീ​ക്ഷ വ​ഴി​യാ​യി​രി​ക്കും. ഇ​ന്ത്യ​ക്ക് പു​റ​ത്തു​ള്ള രാ​ജ്യ​ങ്ങ​ളി​ൽ മെ​ഡി​ക്ക​ൽ പ​ഠ​നം ന​ട​ത്താ​ൻ ആ​ഗ്ര​ഹി​ക്കു​ന്ന​വ​രും 'നീ​റ്റ്' യോ​ഗ്യ​ത നേ​ടേ​ണ്ട​തു​ണ്ട്. കൂ​ടാ​തെ കേ​ര​ള​ത്തി​ലെ സ്ഥാ​പ​ന​ങ്ങ​ളി​ലേ​ക്ക് അ​ഡ്മി​ഷ​ൻ ആ​ഗ്ര​ഹി​ക്കു​ന്ന​വ​ർ കേ​ര​ള എ​ൻ​ട്ര​ൻ​സ് ക​മീ​ഷ​ണ​റു​ടെ വെ​ബ്‌​സൈ​റ്റി​ലൂ​ടെ ഏ​പ്രി​ൽ 30ന​കം പ്ര​ത്യേ​കം അ​പേ​ക്ഷ സ​മ​ർ​പ്പി​ക്കേ​ണ്ട​തു​ണ്ട്. ഇ​ങ്ങ​നെ അ​പേ​ക്ഷ സ​മ​ർ​പ്പി​ക്കാ​ത്ത​പ​ക്ഷം നീ​റ്റ് പ​രീ​ക്ഷ​യി​ൽ മി​ക​ച്ച സ്‌​കോ​ർ നേ​ടി​യാ​ലും കേ​ര​ള​ത്തി​ലെ പ്ര​വേ​ശ​ന ന​ട​പ​ടി​ക​ളി​ൽ ഉ​ൾ​പ്പെ​ടാ​നാ​വി​ല്ല.

അ​തു​പോ​ലെ എ​ൻ.​ഐ.​ടി​ക​ളും ഐ.​ഐ.​ടി​ക​ളും ഒ​ഴി​കെ​യു​ള്ള സ്ഥാ​പ​ന​ങ്ങ​ളി​ലെ ആ​ർ​ക്കി​ടെ​ക്ച​ർ ബി​രു​ദ കോ​ഴ്‌​സി​ന്‍റെ (ബി.​ആ​ർ​ക്ക്) പ്ര​വേ​ശ​നം കൗ​ൺ​സി​ൽ ഓ​ഫ് ആ​ർ​ക്കി​ടെ​ക്ച​ർ ന​ട​ത്തു​ന്ന ദേ​ശീ​യ​ത​ല അ​ഭി​രു​ചി പ​രീ​ക്ഷ​യാ​യ 'നാ​റ്റ' വ​ഴി​യാ​ണെ​ങ്കി​ലും കേ​ര​ള​ത്തി​ൽ അ​ഡ്മി​ഷ​ൻ ആ​ഗ്ര​ഹി​ക്കു​ന്ന​വ​ർ എ​ൻ​ട്ര​ൻ​സ് ക​മീ​ഷ​ണ​റു​ടെ വെ​ബ്സൈ​റ്റി​ലൂ​ടെ ഏ​പ്രി​ൽ 30ന​കം അ​പേ​ക്ഷി​ക്ക​ണം.

മെ​ഡി​ക്ക​ൽ, ഡെ​ന്‍റ​ൽ, മെ​ഡി​ക്ക​ൽ അ​നു​ബ​ന്ധ കോ​ഴ്‌​സു​ക​ൾ, ആ​ർ​ക്കി​ടെ​ക്ച​ർ എ​ന്നി​വ​യി​ലെ പ്ര​വേ​ശ​ന​ത്തി​നാ​യി കേ​ര​ള​ത്തി​ൽ പ്ര​ത്യേ​കം എ​ൻ​ട്ര​ൻ​സ് ന​ട​ത്തു​ന്നി​ല്ല.

എ​ൻ.​ഐ.​ടി​ക​ൾ ഉ​ൾ​പ്പെ​ടെ മു​ൻ​നി​ര സ്ഥാ​പ​ന​ങ്ങ​ളി​ലെ പ്ര​വേ​ശ​ന​ത്തി​ന് മാ​ന​ദ​ണ്ഡ​മാ​യി​ട്ടു​ള്ള ജെ.​ഇ.​ഇ മെ​യി​ൻ പ​രീ​ക്ഷ​ക്ക് ദോ​ഹ​യി​ൽ ആ​ദ്യ​മേ ത​ന്നെ കേ​ന്ദ്ര​മു​ള്ള​ത് വി​ദ്യാ​ർ​ഥി​ക​ൾ​ക്ക് സൗ​ക​ര്യ​പ്ര​ദ​മാ​ണ്. എ​ന്നാ​ൽ കേ​ര​ള​ത്തി​ലെ എ​ൻ​ജി​നീ​യ​റി​ങ്, ഫാ​ർ​മ​സി പ്ര​വേ​ശ​ന​ത്തി​നാ​യി കേ​ര​ള എ​ൻ​ട്ര​ൻ​സ് പ​രീ​ക്ഷ ക​മീ​ഷ​ണ​ർ ന​ട​ത്തു​ന്ന പ്ര​വേ​ശ​ന പ​രീ​ക്ഷ​ക്ക് ദു​ബൈ ഒ​ഴി​കെ​യു​ള്ള മ​റ്റു ഗ​ൾ​ഫ് നാ​ടു​ക​ളി​ൽ പ​രീ​ക്ഷ​കേ​ന്ദ്രം അ​നു​വ​ദി​ക്കാ​ത്ത​ത് ഏ​റെ പ്ര​യാ​സ​ക​ര​മാ​ണ്.

ഗ​ൾ​ഫ് നാ​ടു​ക​ളി​ൽ നി​ന്ന് വി​ദ്യാ​ർ​ഥി​ക​ൾ വ്യാ​പ​ക​മാ​യി അ​പേ​ക്ഷ സ​മ​ർ​പ്പി​ക്കു​ന്ന കേ​ര​ള എ​ൻ​ട്ര​ൻ​സ് പ​രീ​ക്ഷ​ക്കും ഈ ​വ​ർ​ഷം മു​ത​ൽ​ത​ന്നെ ദോ​ഹ​യ​ട​ക്ക​മു​ള്ള ഗ​ൾ​ഫ് നാ​ടു​ക​ളി​ൽ പ​രീ​ക്ഷ​കേ​ന്ദ്രം അ​നു​വ​ദി​ക്കാ​ൻ കേ​ര​ള സ​ർ​ക്കാ​റും പ​രീ​ക്ഷ ക​മീ​ഷ​ണ​റും അ​ടി​യ​ന്ത​ര​മാ​യി ഇ​ട​പെ​ട​ണ​മെ​ന്നാ​ണ് വി​ദ്യാ​ർ​ഥി​ക​ളു​ടെ​യും ര​ക്ഷി​താ​ക്ക​ളു​ടെ​യും ആ​വ​ശ്യം.

പി.​ടി. ഫി​റോ​സ്

കുട്ടികളുടെ ആശങ്ക ഒഴിഞ്ഞു

'ബോർഡ്​ എക്സാം കഴിഞ്ഞ്​ നീറ്റ്​ പരീക്ഷക്ക്​ ഒരുമാസം മാത്രമാണ്​ കുട്ടികൾക്ക്​ ഒരുങ്ങാൻ സാവകാശമുള്ളത്​. വിദ്യാർഥികൾ മത്സര പരീക്ഷക്ക്​ സജീവമായി ഒരുങ്ങേണ്ട ഈ സമയത്ത്​ നാട്ടിലേക്ക്​ പോകുന്നതിനെക്കുറിച്ചുള്ള ആശങ്കകൾ ഒഴിവാകുന്നുവെന്നതാണ്​ വലിയ ആശ്വാസം. ഇത്തവണ ജി.സി.സി രാജ്യങ്ങളിലെ രക്ഷിതാക്കൾക്കും വിദ്യാർഥികൾക്കും പരീക്ഷക്കുള്ള യാത്രക്കും മറ്റുമായി ആലോചിച്ച്​ ടെൻഷനടിക്കാതെ, ആ സമയം കൂടി പരീക്ഷക്കായി ഒരുങ്ങാം. ഇത്​ മാനസികമായി പരീക്ഷക്ക്​ ഒരുങ്ങാനും സഹായിക്കും' -

എ.എം. മുഹമ്മദ്​ അഷ്​റഫ്​

​(ബ്രില്യന്‍റ്​ ഗ്രൂപ്​ ഓഫ്​ ഇൻസ്റ്റിറ്റ്യൂഷൻസ്​ -ദോഹ)