ഭീ​ക​ര​ത​യോ​ട് സ​ന്ധി​യി​ല്ല; നി​ല​പാ​ട് വി​ശ​ദീ​ക​രി​ച്ച് ഇ​ന്ത്യ

ദോ​ഹ: ര​ണ്ടു ദി​വ​സ​ങ്ങ​ളി​ലാ​യി തി​ര​ക്കി​ട്ട ച​ർ​ച്ച​ക​ളും, ഉ​ന്ന​ത​ത​ല കൂ​ടി​ക്കാ​ഴ്ച​ക​ളും പൂ​ർ​ത്തി​യാ​ക്കി ഇ​ന്ത്യ​യു​ടെ നി​ല​പാ​ട് ലോ​ക​ത്തി​ന് മു​മ്പാ​കെ ബോ​ധ്യ​പ്പെ​ടു​ത്തി സ​ർ​വ​ക​ക്ഷി സം​ഘ​ത്തി​ന്റെ ഖ​ത്ത​ർ സ​ന്ദ​ർ​ശ​നം. എ​ൻ.​സി.​പി നേ​താ​വും പാ​ർ​ല​മെ​ന്റ് അം​ഗ​വു​മാ​യ സു​പ്രി​യ സു​ലെ​യു​ടെ നേ​തൃ​ത്വ​ത്തി​ലു​ള്ള സം​ഘ​ത്തി​ന്റെ പ​ര്യ​ട​നം ഞാ​യ​ർ, തി​ങ്ക​ൾ ദി​വ​സ​ങ്ങ​ളി​ലാ​യി പൂ​ർ​ത്തി​യാ​ക്കി. ആ​ദ്യ ദി​ന​ത്തി​ൽ ​ഖ​ത്ത​റി​ലെ പാ​ർ​ല​മെ​ന്റ് സ​മി​തി​യാ​യ ശൂ​റാ കൗ​ൺ​സി​ൽ ഡെ​പ്യൂ​ട്ടി സ്പീ​ക്ക​ർ ഡോ. ​ഹം​ദ ബി​ൻ​ത് ഹ​സ​ൻ അ​ൽ സു​ലൈ​തി, ഖ​ത്ത​റി​ലെ പ്ര​മു​ഖ അ​റ​ബി, ഇം​ഗ്ലീ​ഷ് മാ​ധ്യ​മ ഗ്രൂ​പ്പാ​യ അ​ൽ ശ​ർ​ഖ്-​ദ പെ​നി​ൻ​സു​ല എ​ഡി​റ്റോ​റി​യ​ൽ പ്ര​തി​നി​ധി​ക​ൾ, അ​ന്താ​രാ​ഷ്ട്ര ന​യ​ത​ന്ത്ര, രാ​ഷ്ട്രീ​യ വി​ഷ​യ​ങ്ങ​ളി​ൽ ഗ​വേ​ഷ​ണം ന​ട​ത്തു​ന്ന മി​ഡി​ലീ​സ്റ്റ് കൗ​ൺ​സി​ൽ ഫോ​ർ ഗ്ലോ​ബ​ൽ അ​ഫ​യേ​ഴ്സ് അം​ഗ​ങ്ങ​ൾ എ​ന്നി​വ​രു​മാ​യും കൂ​ടി​ക്കാ​ഴ്ച ന​ട​ത്തി ഭീ​ക​ര​വാ​ദ വി​രു​ദ്ധ പോ​രാ​ട്ട​ത്തി​ൽ ഇ​ന്ത്യ​യു​ടെ ന​യ​വും, ഓ​പ​റേ​ഷ​ൻ സി​ന്ദൂ​റും, പാ​കി​സ്താ​ൻ ഉ​യ​ർ​ത്തു​ന്ന ഭീ​ക​ര​വാ​ദ ഭീ​ഷ​ണി​ക​ളും ശ്ര​ദ്ധ​യി​ലെ​ത്തി​ച്ചു.

ര​ണ്ടാം ദി​ന​മാ​യ തി​ങ്ക​ളാ​ഴ്ച രാ​വി​ലെ ഖ​ത്ത​ർ വി​ദേ​ശ​കാ​ര്യ സ​ഹ​മ​ന്ത്രി ഡോ. ​മു​ഹ​മ്മ​ദ് ബി​ൻ അ​ബ്ദു​ൽ അ​സീ​സ് ബി​ൻ സാ​ലി​ഹ് അ​ൽ ഖു​ലൈ​ഫി​യു​മാ​യും, ആ​ഭ്യ​ന്ത​ര സ​ഹ​മ​ന്ത്രി ശൈ​ഖ് അ​ബ്ദു​ൽ അ​സീ​സ് ബി​ൻ ഫൈ​സ​ൽ ബി​ൻ മു​ഹ​മ്മ​ദ് ആ​ൽ ഥാ​നി​യു​മാ​യും കൂ​ടി​ക്കാ​ഴ്ച ന​ട​ത്തി. മ​ന്ത്രി​മാ​രു​മാ​യു​ള്ള കൂ​ടി​ക്കാ​ഴ്ച​ക​ൾ ഫ​ല​പ്ര​ദ​മാ​യി​രു​ന്നു​വെ​ന്നും, ക​ഴി​ഞ്ഞ നാ​ലു പ​തി​റ്റാ​ണ്ടി​ലേ​റെ കാ​ലം രാ​ജ്യം നേ​രി​ടു​ന്ന അ​തി​ർ​ത്തി ക​ട​ന്നു​ള്ള ഭീ​ക​ര​വാ​ദ​ത്തി​ന്റെ ദു​ര​ന്ത​ഫ​ല​ങ്ങ​ൾ അ​ധി​കൃ​ത​ർ​ക്ക് മു​മ്പാ​കെ ബോ​ധ്യ​പ്പെ​ടു​ത്തി​യെ​ന്നും ഇ​ന്ത്യ​ൻ പ്ര​തി​നി​ധി​സം​ഘം വ്യ​ക്ത​മാ​ക്കി. പ്ര​തി​നി​ധി​സം​ഘ​ത്തി​ന്റെ സ​ന്ദ​ർ​ശ​ന​ത്തെ ആ​ഭ്യ​ന്ത​ര സ​ഹ​മ​ന്ത്രി അ​ഭി​ന​ന്ദി​ക്കു​ക​യും ഭീ​ക​ര​ത​ക്കെ​തി​രാ​യ ഖ​ത്ത​റി​ന്റെ ഉ​റ​ച്ച നി​ല​പാ​ട് ആ​വ​ർ​ത്തി​ക്കു​ക​യും ചെ​യ്തു.

ഇ​താ​ദ്യ​മാ​യ​ല്ല അ​തി​ർ​ത്തി​ക​ട​ന്നു​ള്ള ഭീ​ക​രാ​ക്ര​മ​ണ​ത്തി​ന് ഇ​ന്ത്യ ഇ​ര​യാ​കു​ന്ന​തെ​ന്ന് മാ​ധ്യ​മ പ്ര​തി​നി​ധി​ക​ളു​മാ​യു​ള്ള കൂ​ടി​ക്കാ​ഴ്ച​യി​ൽ ചോ​ദ്യ​ത്തി​നു​ത്ത​ര​മാ​യ മു​ൻ കേ​ന്ദ്ര മ​ന്ത്രി​യും കോ​ൺ​ഗ്ര​സ് നേ​താ​വു​മാ​യ ആ​ന​ന്ദ് ശ​ർ​മ പ​റ​ഞ്ഞു. പാ​ർ​ല​മെ​ന്റ് ആ​​ക്ര​മ​ണ​വും, 2008ൽ ​മും​ബൈ ഭീ​ക​രാ​ക്ര​മ​ണ​വും, ഉ​റി​യി​ലേ​തു​ൾ​പ്പെ​ടെ നി​ര​വ​ധി ആ​ക്ര​മ​ണ​ങ്ങ​ൾ​ക്കും ഇ​ന്ത്യ വി​ധേ​യ​മാ​യി​ട്ടു​ണ്ട്. ഇ​തി​നെ​ല്ലാം പി​ന്നി​ൽ പാ​കി​സ്താ​ൻ പി​ന്തു​ണ​ക്കു​ന്ന ഭീ​ക​ര സം​ഘ​ട​ന​ക​ളാ​ണെ​ന്ന് ​തെ​ളി​വു​ക​ൾ സ​ഹി​തം വ്യ​ക്ത​മാ​യ​താ​ണെ​ന്നും സ്വ​ന്തം രാ​ജ്യ​ത്തെ​യും ജ​ന​ങ്ങ​ളെ​യും ജ​നാ​ധി​പ​ത്യ​ത്തെ​യും സം​ര​ക്ഷി​ക്കു​ക​യെ​ന്ന​ത് അ​ടി​സ്ഥാ​ന ആ​വ​ശ്യ​മാ​ണെ​ന്നും, ഇ​തി​നെ​തി​രെ ആ​ഗോ​ള പി​ന്തു​ണ ഉ​റ​പ്പാ​ക്കു​ക​യാ​ണ് ഈ ​ദൗ​ത്യ​ത്തി​ലൂ​ടെ ല​ക്ഷ്യ​മി​ടു​ന്ന​തെ​ന്നും ആ​ന​ന്ദ് ശ​ർ​മ പ​റ​ഞ്ഞു. ​പ​ഹ​ൽ​ഗാ​മി​ലെ ഭീ​ക​രാ​ക്ര​മ​ണ​ത്തി​ന് മ​റു​പ​ടി​യാ​യി ഭീ​ക​ര​കേ​ന്ദ്ര​ങ്ങ​ൾ​ക്കെ​തി​രാ​യി​രു​ന്നു ഇ​ന്ത്യ​യു​ടെ ഓ​പ​റേ​ഷ​ൻ സി​ന്ദൂ​ർ എ​ന്നും അ​ദ്ദേ​ഹം വി​ശ​ദീ​ക​രി​ച്ചു. ദേ​ശീ​യ ന​യം​ത​ന്നെ രൂ​പ​പ്പെ​ടു​ത്തി പാ​കി​സ്താ​ൻ ​ഇ​ന്ത്യ​യി​ലേ​ക്ക് ഭീ​ക​രാ​ക്ര​മ​ണ​ങ്ങ​ൾ സ്​​പോ​ൺ​സ​ർ ചെ​യ്യു​ന്നു​വെ​ന്ന് ലോ​ക​ത്തി​ന് മു​മ്പാ​കെ ബോ​ധ്യ​പ്പെ​ടു​ത്തി​യ​താ​യും അ​ദ്ദേ​ഹം പ​റ​ഞ്ഞു.

ദ്വി​ദി​ന സ​ന്ദ​ർ​ശ​നം പൂ​ർ​ത്തി​യാ​ക്കി​യ ഒ​മ്പ​തം​ഗ സം​ഘം ചൊ​വ്വാ​ഴ്ച രാ​വി​ലെ ദ​ക്ഷി​ണാ​ഫ്രി​ക്ക​യി​ലേ​ക്ക് പു​റ​പ്പെ​ടും. തു​ട​ർ​ന്ന് ഇ​ത്യോ​പ്യ, ഈ​ജി​പ്ത് സ​ന്ദ​ർ​ശ​ന​ത്തോ​ടെ ദൗ​ത്യം പൂ​ർ​ത്തി​യാ​ക്കി മ​ട​ങ്ങും. കേ​ര​ള​ത്തി​ൽ​നി​ന്ന് മു​ൻ കേ​ന്ദ്ര​സ​ഹ​മ​ന്ത്രി വി. ​മു​ര​ളീ​ധ​ര​ൻ ഉ​ൾ​പ്പെ​ടു​ന്ന സം​ഘ​ത്തി​ൽ എം.​പി​മാ​രാ​യ രാ​ജീ​വ് പ്ര​താ​പ് റു​ഡി (ബി.​ജെ.​പി), വി​ക്രം​ജി​ത് സി​ങ് സാ​ഹ്നി (എ.​എ.​പി), മ​നീ​ഷ് തി​വാ​രി (കോ​ൺ​ഗ്ര​സ്), അ​നു​രാ​ഗ് സി​ങ് ഠാ​കു​ർ (ബി.​ജെ.​പി), ല​വ്റു ശ്രീ​കൃ​ഷ്ണ ദേ​വ​രാ​യ​ലു (ടി.​ഡി.​പി), മു​ൻ വ്യ​വ​സാ​യ മ​ന്ത്രി ആ​ന​ന്ദ് ശ​ർ​മ (കോ​ൺ​ഗ്ര​സ്), യു.​എ​ന്നി​ലെ മു​ൻ സ്ഥി​രം പ്ര​തി​നി​ധി​യും മു​ൻ വി​ദേ​ശ​കാ​ര്യ വ​ക്താ​വു​മാ​യ ​സ​യ്യി​ദ് അ​ക്ബ​റു​ദ്ദീ​ൻ എ​ന്നി​വ​രാ​ണ് മ​റ്റ് അം​ഗ​ങ്ങ​ൾ.

കൂ​ടി​ക്കാ​ഴ്ച​ക​ൾ ഫ​ല​പ്ര​ദം -സു​പ്രി​യ സു​ലെ

ദോ​ഹ: ഇ​ന്ത്യ​യു​ടെ ആ​ത്മാ​വി​നെ​തി​രാ​യ ആ​ക്ര​മ​ണ​മാ​യി​രു​ന്നു പ​ഹ​ൽ​ഗാ​മി​ലെ ഭീ​ക​രാ​ക്ര​മ​ണം. നി​ര​പ​രാ​ധി​ക​ളു​ടെ ജീ​വ​നെ​ടു​ത്ത ആ​ക്ര​മ​ണ​ത്തി​ന് പി​ന്നി​ൽ പ്ര​വ​ർ​ത്തി​ച്ച​വ​രെ ലോ​ക​ത്തി​നു മു​ന്നി​ൽ തു​റ​ന്നു​കാ​ണി​ക്കു​ക​യാ​ണ് 33 രാ​ജ്യ​ങ്ങ​ളി​ലേ​ക്കാ​യി നി​യോ​ഗി​ക്ക​പ്പെ​ട്ട പ്ര​തി​നി​ധി സ​ന്ദ​ർ​ശ​ന​ത്തി​ന്റെ ദൗ​ത്യ​മെ​ന്ന് ഖ​ത്ത​റി​ലേ​ക്കു​ള്ള സം​ഘ​ത്തെ ന​യി​ച്ച സു​പ്രി​യ സു​ലെ എം.​പി പ​റ​ഞ്ഞു.

ഓ​രോ കൂ​ടി​ക്കാ​ഴ്ച​ക​ളി​ലും ഇ​ന്ത്യ​ൻ പ്ര​തി​നി​ധി​സം​ഘ​ത്തി​ന് ഊ​ഷ്മ​ള​മാ​യ സ്വീ​ക​ര​ണ​മാ​യി​രു​ന്നു ല​ഭി​ച്ച​തെ​ന്നും, ച​ർ​ച്ച​ക​ൾ ഫ​ല​പ്ര​ദ​മാ​യി​രു​ന്നു​വെ​ന്നും അ​വ​ർ വി​ശ​ദീ​ക​രി​ച്ചു. ഈ ​ച​ർ​ച്ച​ക​ളും സ​ന്ദ​ർ​ശ​ന​വും തു​ട​ക്കം മാ​ത്ര​മാ​ണ്. വി​വി​ധ ഘ​ട്ട​ങ്ങ​ളി​ലാ​യി ഇ​തി​ന്റെ തു​ട​ർ​ച്ച​യു​ണ്ടാ​കും.

സ​ന്ദ​ർ​ശ​ന​ത്തി​ന്റെ ഭാ​ഗ​മാ​യി ദോ​ഹ​യി​ൽ മാ​ധ്യ​മ പ്ര​വ​ർ​ത്ത​ക​രു​മാ​യി ന​ട​ത്തി​യ കൂ​ടി​ക്കാ​ഴ്ച​യി​ലാ​യി​രു​ന്നു ഇ​ക്കാ​ര്യം വ്യ​ക്ത​മാ​ക്കി​യ​ത്. ശ​ക്ത​മാ​യ തെ​ളി​വു​ക​ൾ നി​ര​ത്തി​ത്ത​ന്നെ​യാ​യി​രു​ന്നു ഓ​രോ കൂ​ടി​ക്കാ​ഴ്ച​ക​ളി​ലും ഇ​ന്ത്യ​യു​ടെ ന്യാ​യ​ങ്ങ​ൾ ബോ​ധ്യ​പ്പെ​ടു​ത്തി​യ​ത്. എ​ല്ലാ ത​ര​ത്തി​ലു​ള്ള ഭീ​ക​ര​വാ​ദ​ത്തെ​യും ത​ള്ളു​ന്ന​താ​യി വ്യ​ക്ത​മാ​ക്കി​യ ഖ​ത്ത​ർ, ഇ​ന്ത്യ​യു​ടെ ഭീ​ക​ര​വാ​ദ വി​രു​ദ്ധ നി​ല​പാ​ടി​ന് പി​ന്തു​ണ വ്യ​ക്ത​മാ​ക്കി​യ​താ​യും അ​വ​ർ പ​റ​ഞ്ഞു.

140 കോ​ടി ഇ​ന്ത്യ​ക്കാ​രു​ടെ ശ​ബ്ദം -രാ​ജീ​വ് പ്ര​താ​പ് റൂ​ഡി

ദോ​ഹ: ഇ​ന്ത്യ​യു​ടെ 140 കോ​ടി ജ​ന​ങ്ങ​ളു​ടെ പ്ര​തി​നി​ധി​ക​ളാ​ണ് വി​വി​ധ രാ​ജ്യ​ങ്ങ​ളി​ലേ​ക്കു​ള്ള സ​ർ​വ​ക​ക്ഷി സം​ഘ​മെ​ന്ന് രാ​ജീ​വ് പ്ര​താ​പ് റൂ​ഢി എം.​പി പ​റ​ഞ്ഞു. ജ​നാ​ധി​പ​ത്യ വൈ​വി​ധ്യം കാ​ത്തു​സൂ​ക്ഷി​ക്കു​ന്ന ഇ​ന്ത്യ​യു​ടെ മു​ഴു​വ​ൻ പ്രാ​തി​നി​ധ്യ​മാ​ണ് സ​ർ​വ​ക​ക്ഷി പ്ര​തി​നി​ധി​ക​ൾ.

എ​ൻ.​സി.​പി നേ​താ​വ് ന​യി​ക്കു​ന്ന സം​ഘ​ത്തി​ൽ കോ​ൺ​ഗ്ര​സ്, ആം​ആ​ദ്മി പാ​ർ​ട്ടി, ബി.​ജെ.​പി, ടി.​ഡി.​പി ഉ​ൾ​പ്പെ​ടെ എ​ല്ലാ രാ​ഷ്ട്രീ​യ പാ​ർ​ട്ടി​ക​ളു​മു​ണ്ട്. അ​തി​ർ​ത്തി​ക​ട​ന്നു​ള്ള ഭീ​ക​ര​വാ​ദ​ത്തി​ന്റെ ഇ​ര​യാ​ണ് ഇ​ന്ത്യ​യെ​ന്നും അ​ദ്ദേ​ഹം പ​റ​ഞ്ഞു.

ഖ​ത്ത​ർ ഇ​ന്ത്യ​യു​ടെ വി​കാ​ര​ത്തി​നൊ​പ്പം -വി. ​മു​ര​ളീ​ധ​ര​ൻ

ദോ​ഹ: ഭീ​ക​ര​വാ​ദ​ത്തി​നെ​തി​രാ​യ പൊ​തു അ​ഭി​പ്രാ​യം സ്വ​രൂ​പി​ക്കു​ക​യെ​ന്ന ല​ക്ഷ്യ​ത്തോ​ടെ നി​യോ​ഗി​ക്ക​പ്പെ​ട്ട സം​ഘ​ത്തി​ന്റെ ഖ​ത്ത​റി​ലെ സ​ന്ദ​ർ​ശ​നം ഫ​ല​പ്ര​ദ​മാ​യി​രു​ന്നു​വെ​ന്ന് മു​ൻ വി​ദേ​ശ​കാ​ര്യ സ​ഹ​മ​ന്ത്രി വി. ​മു​ര​ളീ​ധ​ര​ൻ. മ​ന്ത്രി​മാ​ർ, ശൂ​റാ കൗ​ൺ​സി​ൽ ഡെ​പ്യൂ​ട്ടി സ്പീ​ക്ക​ർ, ​അം​ഗ​ങ്ങ​ൾ, പ്ര​മു​ഖ വ്യ​ക്തി​ക​ൾ എ​ന്നി​വ​രു​മാ​യു​ള്ള കൂ​ടി​ക്കാ​ഴ്ച​യി​ൽ ഇ​ന്ത്യ നേ​രി​ടു​ന്ന പ്ര​ത്യേ​ക സാ​ഹ​ച​ര്യം വി​ശ​ദീ​ക​രി​ച്ച​താ​യും അ​ദ്ദേ​ഹം പ​റ​ഞ്ഞു.

പാ​കി​സ്താ​ൻ പി​ന്തു​ണ​ക്കു​ന്ന ഭീ​ക​ര​​വാ​ദ​ത്തെ ലോ​ക​ത്തി​ന് മു​മ്പാ​കെ തു​റ​ന്നു​കാ​ണി​ക്കു​ക​യാ​ണ് സ​ർ​വ​ക​ക്ഷി സ​ന്ദ​ർ​ശ​ന​ത്തി​ലൂ​ടെ ല​ക്ഷ്യ​മി​ടു​ന്ന​ത്. ഒ​രു രാ​ജ്യ​ത്തി​ന്റെ പി​ന്തു​ണ​യോ​ടെ, അ​തി​ർ​ത്തി ക​ട​ന്നു​ള്ള ഭീ​ക​ര​വാ​ദ​ത്തി​ന് ഇ​ര​യാ​കു​ന്ന ഒ​രേ​യൊ​രു രാ​ജ്യം ഇ​ന്ത്യ​യാ​ണ്. ച​ർ​ച്ച​ക​ളി​ൽ ഈ ​സാ​ഹ​ച​ര്യം വി​ശ​ദീ​ക​രി​ക്കു​ക​യും, ആ​ഗോ​ള പി​ന്തു​ണ ഉ​റ​പ്പാ​ക്കാ​നും ക​ഴി​ഞ്ഞു.

പൗ​ര​സ​മൂ​ഹ പ്ര​തി​നി​ധി​ക​ൾ, ഖ​ത്ത​രി മ​ന്ത്രി​മാ​ർ, നേ​താ​ക്ക​ൾ എ​ന്നി​വ​ർ ഇ​ന്ത്യ​യു​ടെ വി​കാ​ര​ങ്ങ​ളോ​ടൊ​പ്പ​മാ​ണ്.ഭീ​ക​ര​വാ​ദ​ത്തെ ചെ​റു​ക്കു​ന്ന​തി​ലും, വി​ട്ടു​വീ​ഴ്ച​യി​ല്ലാ​ത്ത സ​മീ​പ​നം സ്വീ​ക​രി​ക്ക​ണ​മെ​ന്ന​തി​ലും ഇ​ന്ത്യ​ക്കും ഖ​ത്ത​റി​നും ഏ​കാ​ഭി​പ്രാ​യ​മാ​ണു​ള്ള​ത്.

ആ​ഗോ​ള ഭീ​ക​ര​വാ​ദ​ത്തി​നെ​തി​രെ ഏ​ക​സ്വ​ര​ത്തി​ൽ ശ​ബ്ദ​മു​യ​ർ​ത്തു​മെ​ന്നും കൂ​ടി​ക്കാ​ഴ്ച​ക​ളി​ൽ വ്യ​ക്ത​മാ​ക്കി​യ​താ​യി വി. ​മു​ര​ളീ​ധ​ര​ൻ പ​റ​ഞ്ഞു. ഭീ​ക​ര​വാ​ദ​ത്തി​നെ​തി​രാ​യ പോ​രാ​ട്ടം ഈ ​സ​ന്ദ​ർ​ശ​ന​ത്തോ​ടെ അ​വ​സാ​നി​ക്കി​ല്ലെ​ന്നും, പൂ​ർ​ണ​മാ​യും തു​ട​ച്ചു​നീ​ക്കു​ന്ന​തു​വ​രെ ലോ​ക​രാ​ജ്യ​ങ്ങ​ളു​മാ​യി ചേ​ർ​ന്നു​നി​ന്ന് പ്ര​വ​ർ​ത്തി​ക്കു​മെ​ന്നും അ​ദ്ദേ​ഹം പ​റ​ഞ്ഞു.

പാ​കി​സ്താ​ൻ പി​ന്തു​ണ​യോ​ടെ ഭീ​ക​ര​ർ പ​ഹ​ൽ​ഗാ​മി​ൽ ന​ട​ത്തി​യ ആ​ക്ര​മ​ണ​ത്തി​ന് ഓ​പ​റേ​ഷ​ൻ സി​ന്ദൂ​റി​ലൂ​ടെ ല​ക്ഷ്യ​സ്ഥാ​ന​ങ്ങ​ളി​ൽ തി​രി​ച്ച​ടി ന​ൽ​കു​ക​യാ​യി​രു​ന്നു ഇ​ന്ത്യ​യെ​ന്നും, ഒ​പാ​റേ​ഷ​ൻ സി​ന്ദൂ​ർ ന​ട​പ​ടി​ക​ൾ സം​ഘം ഖ​ത്ത​രി പ്ര​തി​നി​ധി​ക​ൾ​ക്കു മു​മ്പാ​കെ വ്യ​ക്ത​മാ​ക്കി​യ​താ​യും അ​ദ്ദേ​ഹം പ​റ​ഞ്ഞു.