ഖത്തർ: വാഹനങ്ങളുടെ വേഗപരിധിയിൽ മാറ്റമില്ല, പ്രചാരണം തെറ്റ്​ 

ദോഹ: ഖത്തറിലെ ചില റോഡുകളിൽ വാഹനങ്ങളുടെ വേഗപരിധി മാറ്റിയെന്ന തരത്തിൽ സമൂഹമാധ്യമങ്ങളിൽ പ്രചരിക്കുന്ന കാര്യങ്ങൾ തെറ്റ്​. ജനറൽ ട്രാഫിക്ക്​ വകുപ്പാണ്​ ഇതുസംബന്ധിച്ച വിശദീകരണമിറക്കിയത്​.

രാജ്യത്തെ ചില റോഡുകളിലും ടണലുകളിലും വാഹനങ്ങളുടെ വേഗപരിധിയിൽ മാറ്റം വരുത്തിയിട്ടുണ്ടെന്ന പ്രചാരണം തെറ്റാണെന്ന്​ വകുപ്പ്​ ട്വിറ്ററിലൂടെ അറിയിച്ചു.

നിലവിലുള്ള വേഗപരിധിയിൽ മാറ്റമില്ല, അത്​ പാലിച്ച്​ എല്ലാവരും വാഹനം ഓടിക്കണമെന്നും സുരക്ഷാനടപടികൾ പാലിക്കണമെന്നും അധികൃതർ അറിയിച്ചു.