നിയമ സെമിനാർ; പ്രളയ ദുരിതാശ്വാസത്തിന്​ സമാഹരിച്ചത്​ 20 ലക്ഷം രൂപ

ദോഹ: കേരളത്തിലെ പ്രളയ ദുരിതാശ്വാസത്തിന്​ സഹായം നൽകുകയെന്ന ലക്ഷ്യത്തോടെ സംഘടിപ്പിച്ച നിയമ സെമിനാറിലൂടെ സമാഹരിച്ചത്​ 1,08,000 റിയാൽ (ഏകദേശം 20 ലക്ഷം ഇന്ത്യൻ രൂപ). ഡോ. നിസാർ കോച്ചേരിയുടെയും അഡ്വ. റിസ്​വിൻ കോച്ചേരിയുടെയും നേതൃത്വത്തിൽ സംഘടിപ്പിച്ച ഏകദിന നിയമ സെമിനാർ വഴിയാണ്​ ഇത്രയും തുക സമാഹരിച്ചത്​.

ഹോളിഡേ വില്ല ഹോട്ടലിൽ നടന്ന സെമിനാർ തായ്​ അംബാസഡർ നദപോൾ കാൻറഹിറാൻ ഉദ്​ഘാടനം ചെയ്​ത​ു. ഖത്തർ നിയമങ്ങളുടെ എല്ലാ വശങ്ങളും ചർച്ച ചെയ്​ത സെമിനാറിൽ നയതന്ത്ര പ്രതിനിധികളും കമ്പനികളിലെ ഉന്നതരും അടക്കം 36 പേരാണ്​ പ​െങ്കടുത്തത്​. ഒാരോരുത്തരും 3000 റിയാൽ വീതമാണ്​ നൽകിയത്​. കോച്ചേരി ആൻറ്​ പാർ​ട്​നേഴ്​സി​​​െൻറ സാമൂഹിക പ്രതിബദ്ധത പദ്ധതിയുടെ ഭാഗമായാണ്​​ പരിപാടി നടന്നത്​.