ഗ​വേ​ഷ​ണ​ക്കു​തി​പ്പി​ന് പു​തി​യ ലാ​ബു​ക​ൾ; കാ​ർ​ഷി​ക, വെ​റ്റ​റി​ന​റി ഗ​വേ​ഷ​ണ​ത്തി​നാ​യി മൂ​ന്ന് ലാ​ബു​ക​ൾ

ദോ​ഹ: വെ​റ്റ​റി​ന​റി, കാ​ർ​ഷി​ക ഗ​വേ​ഷ​ണ മേ​ഖ​ല​യി​ൽ പു​തി​യ ചു​വ​ടു​വെ​പ്പു​മാ​യി ഖ​ത്ത​ർ. മു​നി​സി​പ്പാ​ലി​റ്റി മ​ന്ത്രാ​ല​യം നേ​തൃ​ത്വ​ത്തി​ൽ പൊ​തു​മ​രാ​മ​ത്ത് വി​ഭാ​ഗ​മാ​യ അ​ശ്ഗാ​ലു​മാ​യി സ​ഹ​ക​രി​ച്ച് മൂ​ന്ന് ഗ​വേ​ഷ​ണ ല​ബോ​റ​ട്ട​റി​ക​ൾ നി​ർ​മാ​ണ​ത്തി​ന് തു​ട​ക്കം​കു​റി​ച്ച​താ​യി അ​ധി​കൃ​ത​ർ അ​റി​യി​ച്ചു. രാ​ജ്യ​​ത്തെ കാ​ർ​ഷി​ക, വ​ള​ർ​ത്തു​മൃ​ഗ പ​രി​ച​ര​ണ മേ​ഖ​ല​ക​ളി​ലെ ഗ​വേ​ഷ​ണ അ​ടി​സ്ഥാ​ന സൗ​ക​ര്യ​ങ്ങ​ൾ വി​ക​സി​പ്പി​ക്കു​ക​യും, ദേ​ശീ​യ മി​ക​വി​ന് വ​ഴി​യൊ​രു​ക്കു​ക​യും ചെ​യ്യു​ക എ​ന്ന ല​ക്ഷ്യ​വു​മാ​യൊ​രു​ക്കു​ന്ന ല​ബോ​റ​ട്ട​റി​യു​ടെ മാ​തൃ​ക അ​ശ്ഗാ​ൽ അ​വ​ത​രി​പ്പി​ച്ചു.

വെ​റ്റ​റി​ന​റി, കാ​ർ​ഷി​ക ഗ​വേ​ഷ​ണ​ത്തി​ൽ അ​ന്താ​രാ​ഷ്ട്ര നി​ല​വാ​ര​​ത്തോ​ടെ​യാ​ണ് ല​ബോ​റ​ട്ട​റി സൗ​ക​ര്യം ഒ​രു​ക്കു​ന്ന​തെ​ന്ന് അ​ശ്ഗാ​ൽ പ്രോ​ജ​ക്ട് മാ​നേ​ജ​ർ എ​ൻ​ജി. അ​ഹ്മ​ദ് സാ​ലി​ഹ് അ​റി​യി​ച്ചു. ഓ​ൾ​ഡ് എ​യ​ർ​പോ​ർ​ട്ട് എ​രി​യ​യി​ലെ വെ​റ്റ​റി​ന​റി ല​ബോ​റ​ട്ട​റി ബി​ൽ​ഡി​ങ് ന​വീ​ക​ര​ണം, അ​ൽ ശ​ഹാ​നി​യ​യി​ൽ പു​തി​യ കാ​ർ​ഷി​ക ഗ​വേ​ഷ​ണ ല​ബോ​റ​ട്ട​റി​യു​ടെ നി​ർ​മാ​ണം, ഖ​ത്ത​ർ സ​യ​ൻ​സ് ആ​ൻ​ഡ് ടെ​ക്നോ​ള​ജി പാ​ർ​ക്കി​ലെ (ക്യു.​എ​സ്.​ടി.​പി) അ​ഡ്വാ​ൻ​സ്ഡ് ല​ബോ​റ​ട്ട​റി​യു​ടെ സ​ജ്ജീ​ക​ര​ണം എ​ന്നി​ങ്ങ​നെ മൂ​ന്ന് പ​ദ്ധ​തി​ക​ളാ​ണ് ഇ​തി​ന്റെ ഭാ​ഗ​മാ​യി പൂ​ർ​ത്തി​യാ​ക്കു​ന്ന​തെ​ന്ന് അ​ദ്ദേ​ഹം വി​ശ​ദീ​ക​രി​ച്ചു.

മു​നി​സി​പ്പാ​ലി​റ്റി മ​ന്ത്രാ​ല​യ​വു​മാ​യി ചേ​ർ​ന്ന് ഓ​ൾ​ഡ് എ​യ​ർ​പോ​ർ​ട്ട് വെ​റ്റ​റി​ന​റി ലാ​ബ് ന​വീ​ക​ര​ണ പ്ര​വ​ർ​ത്ത​ന​ങ്ങ​ൾ​ക്ക് ഇ​തി​ന​കം തു​ട​ക്കം കു​റി​ച്ച​താ​യും അ​ടു​ത്ത വ​ർ​ഷം പ​കു​തി​യോ​ടെ പൂ​ർ​ത്തി​യാ​കു​മെ​ന്നും ഹെ​ൽ​ത്ത് പ്രോ​ജ​ക്ട് വി​ഭാ​ഗം ഉ​പ​മേ​ധാ​വി എ​ൻ​ജി. അ​സ്മ അ​ൽ മു​സ​ൽ​മാ​നി അ​റി​യി​ച്ചു. അ​ത്യാ​ധു​നി​ക സാ​​ങ്കേ​തി​ക വി​ദ്യ​ക​ൾ കൂ​ടി ഉ​പ​യോ​​ഗ​പ്പെ​ടു​ത്തി നൂ​ത​ന​വ​ത്ക​രി​ച്ചു​കൊ​ണ്ടാ​ണ് ഈ ​കേ​ന്ദ്ര​ത്തി​ന്റെ നി​ർ​മാ​ണം പു​രോ​ഗ​മി​ക്കു​ന്ന​ത്.

ഇ​രു​മ്പ്, സ്റ്റീ​ൽ, ഇ​ല​ക്ട്രി​ക് ഉ​പ​ക​ര​ണ​ങ്ങ​ൾ, ഗ്ലാ​സ്, അ​ലു​മി​നി​യം ഉ​ൾ​പ്പെ​ടെ നി​ർ​മാ​ണ​ത്തി​ന് ആ​വ​ശ്യ​മാ​യ​തി​ന്റെ 55 ശ​ത​മാ​നം ഉ​ൽ​പ​ന്ന​ങ്ങ​ളും ആ​ഭ്യ​ന്ത​ര​മാ​യി​ത്ത​ന്നെ സ​മാ​ഹ​രി​ച്ചാ​ണ് പൂ​ർ​ത്തി​യാ​ക്കു​ന്ന​ത്. ഖ​ത്ത​റി​ന്റെ വെ​റ്റ​റി​ന​റി മേ​ഖ​ല​യി​ലെ ശ്ര​ദ്ധേ​യ ചു​വ​ടു​വെ​പ്പാ​ണ് ഈ ​നി​ർ​മാ​ണ​മെ​ന്നും അ​വ​ർ പ​റ​ഞ്ഞു.

അ​ൽ ഷ​ഹാ​നി​യ​യി​ൽ 1191 ച​തു​ര​ശ്ര മീ​റ്റ​ർ വി​സ്തൃ​തി​യി​ലാ​ണ് ഏ​റ്റ​വും അ​ത്യാ​ധു​നി​ക​മാ​യ കാ​ർ​ഷി​ക ഗ​വേ​ഷ​ണ ല​ബോ​റ​ട്ട​റി​യു​ടെ നി​ർ​മാ​ണം പൂ​ർ​ത്തി​യാ​ക്കു​ന്നെ​തെ​ന്ന് പ്രോ​ജ​ക്ട് എ​ൻ​ജി​നീ​യ​ർ ഉ​മ​ർ അ​ബ്ദു​ൽ അ​സീ​സ് അ​ൽ മ​ഹ്മൂ​ദ് വി​ശ​ദീ​ക​രി​ച്ചു.

സാ​മ്പ്ൾ ശേ​ഖ​ര​ണം, പ്രി​പ്പ​റേ​ഷ​ൻ റൂം, ​ഫി​സി​ക്ക​ൽ ആ​ൻ​ഡ് കെ​മി​ക്ക​ൽ പ്രൊ​സ​സി​ങ് ലാ​ബ്, സ്പെ​ക്ട്രോ​സ്കോ​പ്പി, മ​ണ്ണ് വേ​ർ​തി​രി​ച്ചെ​ടു​ക്ക​ൽ ലാ​ബു​ക​ൾ, രാ​സ​വ​സ്തു​ക്ക​ളു​ടെ സം​ഭ​ര​ണ ​​കേ​ന്ദ്ര​ങ്ങ​ൾ എ​ന്നി​വ​യു​ൾ​പ്പെ​ടെ​യു​ള്ള വി​ശാ​ല​മാ​യ സൗ​ക​ര്യ​ങ്ങ​ളോ​ടെ​യാ​ണ് ഇ​ത് പൂ​ർ​ത്തി​യാ​ക്കു​ന്ന​ത്. ക്യു.​എ​സ്.​ടി പാ​ർ​ക്കി​ലെ മൂ​ന്ന് യൂ​നി​റ്റു​ക​ളെ അ​ത്യാ​ധു​നി​ക സാ​​ങ്കേ​തി​ക സൗ​ക​ര്യ​ങ്ങ​ളു​ള്ള ലാ​ബു​ക​ളാ​ക്കി മാ​റ്റി​യെ​ടു​ക്ക​യാ​ണ് മൂ​ന്നാ​മ​ത്തെ പ​ദ്ധ​തി.

കീ​ട​നാ​ശി​നി ലാ​ബ്, ബ​യോ​ടെ​ക്നോ​ള​ജി, പ്ലാ​ന്റ് പാ​ത്തോ​ള​ജി ലാ​ബ്, ഔ​ഷ​ധ​സ​സ്യ​ങ്ങ​ളു​ടെ​യും വി​ത്തു​ക​ളു​ടെ​യും ലാ​ബ്, സാ​മ്പ്ൾ ശേ​ഖ​ര​ണം ഉ​ൾ​പ്പെ​ടെ സം​വി​ധാ​ന​ങ്ങ​ളോ​ടെ ഈ ​ലാ​ബ് സ​ജ്ജീ​ക​രി​ക്ക​പ്പെ​ടും.