പുതിയ ഡയബറ്റിസ്​ റിവേഴ്​സൽ ക്ലിനിക്​ തുറക്കുന്നു

ദോഹ: പ്രമേഹചികിത്സരംഗത്ത്​ വിപ്ലവകരമായ മാറ്റങ്ങളുണ്ടാക്കുന്ന തരത്തിലുള്ള പുതിയ ഡയബറ്റിസ്​ ക്ലിനിക്​ തുറക്കാൻ ഹമദ്​ മെഡിക്കൽ കോർപറേഷന്​ (എച്ച്​.എം.സി) പദ്ധതി. ടൈപ്​ ടു പ്രമേഹം പൂർണമായും മാറില്ലെന്നിരിക്കേ ചിട്ടയായ വ്യായാമം ആരോഗ്യകരമായ ഭക്ഷണം തുടങ്ങിയവ ശീലിച്ച്​ രോഗത്തെ നിയന്ത്രിച്ചുനിർത്തുന്നതടക്കമുള്ളവയിൽ പ്രത്യേക പരിശീലനവും ചികിത്സയുമാണ്​ പുതിയ ക്ലിനിക്കിലൂടെ ലക്ഷ്യമിടുന്നത്​. ടൈപ്​ ടു പ്രമേഹം മരുന്നുകഴിച്ച്​ ഒരിക്കൽ മാറിക്കഴിഞ്ഞാൽ വീണ്ടും വരാം. ഈ അവസ്ഥയെയാണ്​ ഡയബറ്റിസ്​ റിവേഴ്​സൽ എന്നുപറയുന്നത്​.

ഈ രംഗത്ത്​ കൂടുതൽ മികച്ചതും ആധുനികവുമായ ചികിത്സ ഉറപ്പുവരുത്തുന്ന ഡയബറ്റിസ്​ റിവേഴ്​സൽ ക്ലിനിക്കാണ്​ പുതുതായി തുറക്കാനുദ്ദേശിക്കുന്നത്​. എച്ച്​.എം.സിയുടെ ഖത്തർ മെറ്റബോളിക്​ ഇൻസ്​റ്റിറ്റ്യൂട്സ്​ (ക്യു.എം.ഐ) റിസർച് കമ്മിറ്റി അധ്യക്ഷനും സീനിയർ കൺസൽട്ടൻറുമായ ഡോ. ഷഹ്​രദ്​ തഹ്​രി ആണ്​ ഇക്കാര്യങ്ങൾ പറഞ്ഞത്​. 'വിഷ്​' ദോഹ ഹെൽത്​​കെയർ വീക്കുമായി ബന്ധപ്പെട്ട വെബിനാറിൽ സംസാരിക്കുകയായിരുന്നു അദ്ദേഹം. 60 ശതമാനം ആളുകളിലും ടൈപ് ടു പ്രമേഹം വീണ്ടും വരുമെന്നാണ്​ പഠനങ്ങൾ പറയുന്നത്​. ഭക്ഷണശീലം, ശാരീരിക സവിശേഷത തുടങ്ങിയവയിലൂടെയാണിത്​. പഠനഫലങ്ങളുടെ അടിസ്ഥാനത്തിലാണ്​ പുതിയ ക്ലിനിക്​ തുറക്കാൻ എച്ച്​്​.എം.സി പദ്ധതിയിടുന്നതെന്ന്​ വെയ്​ൽ കോർണൽ മെഡിസിൻ ഖത്തറിലെ പ്രഫസർ കൂടിയായ ഡോ. ഷഹ്​രസ്​ പറഞ്ഞു.

സ്വദേശികളായാലും പ്രവാസികളായാലും അനുഭവിക്കുന്ന വലിയ ആരോഗ്യപ്രശ്​നമാണ്​ പ്രമേഹം അഥവാ ഡയബറ്റിസ്​. ഏറ്റവും വലിയ കൊലയാളി രോഗത്തിൽ മുന്നിലാണ്​ പ്രമേഹം. ലോകത്ത്​ 387 മില്ല്യൺ ജനങ്ങൾ പ്രമേഹബാധിതരാണ്​. 2035 ആകു​േമ്പാഴേക്കും ഇത്​ 592 മില്യൻ ആകുമെന്ന്​ ഇൻറനാഷനൽ ഡയബറ്റിസ്​ ഫെഡറേഷ​െൻറ (IDF) കണക്കുകൾ പറയുന്നു. 30 വ​യ​സ്സി​നു മു​ക​ളി​ല്‍ പ്രാ​യ​മു​ള്ള​വ​രി​ലാ​ണ് ടൈ​പ് 2 പ്ര​മേ​ഹം കാ​ണു​ന്ന​ത്. പൊതുജനങ്ങളിലെ 90 ശ​ത​മാ​നം പേ​രും ഈ ​വി​ഭാ​ഗ​ത്തി​ൽ പെ​ടു​ന്ന​വ​രാ​ണ്. ശ​രീ​ര​ത്തി​ല്‍ ഇ​ന്‍സു​ലി​ൻ ആ​വ​ശ്യ​ത്തി​ന് ഉ​ൽപാ​ദി​പ്പി​ക്ക​പ്പെ​ടാ​ത്ത​തി​നാ​ലാ​ണ് ഇൗ വിഭാഗം പ്ര​മേ​ഹം വ​രു​ന്ന​ത്. ഇ​ത് പൊ​തു​വേ പാ​ര​മ്പ​ര്യ​സാ​ധ്യ​ത​യു​ള്ള രോ​ഗ​മാ​ണ്. മി​ക്ക രോ​ഗി​ക​ളും വ​ലി​യ രോ​ഗ​ല​ക്ഷ​ണ​ങ്ങ​ൾ പ്ര​ക​ടി​പ്പി​ക്കാ​റി​ല്ല. ചെ​റി​യ ക്ഷീ​ണം, ലൈം​ഗി​കാ​വ​യ​വങ്ങ​ളി​ലെ ഫം​ഗ​സ് ബാ​ധ എ​ന്നി​വ​യാ​ണ് ല​ക്ഷ​ണ​ങ്ങ​ള്‍. മെ​ഡി​ക്ക​ല്‍ പരിശോധനയിലൂടെ മാ​ത്ര​മേ രോ​ഗം സ്ഥി​രീ​ക​രി​ക്കാ​ൻ സാധി​ക്ക​ൂ.

പ്രമേഹത്തെ ചെറുക്കാനുള്ള ദീർഘകാല വഴികൾ, രീതികൾ, പ്രമേഹവുമായി ബന്ധപ്പെട്ടുള്ള മറ്റു പ്രശ്​നങ്ങൾ എന്നിവ സംബന്ധിച്ച്​ അറിവും ചികിത്സയും നൽകുന്ന ക്ലിനിക്കുമായിരിക്കും ഡയബറ്റിസ്​ റിവേഴ്​സൽ ക്ലിനിക്​​. രോഗികൾ ക്ലിനിക്കിൽ രജിസ്​റ്റർ ചെയ്യുന്നതോടെ ദീർഘകാലത്തേക്ക്​ രോഗികളുടെ പരിചരണും ചികിത്സയും ക്ലിനിക്കിലൂടെ ഉറപ്പുവരുത്തുകയും ചെയ്യുക എന്നതാണ്​ ലക്ഷ്യം.

ശരീരത്തിൽ പഞ്ചസാരയുടെ അളവ്​ കൂടുകയോ കുറയുകയോ ചെയ്യു​േമ്പാഴാണ്​​ പ്രമേഹം ഉണ്ടാകുക.ഇ​ന്‍സു​ലി​ൻ ഹോ​ര്‍മോ​ണി​​െൻറ ഉൽപാ​ദ​ന​ക്കു​റ​വു​കൊ​ണ്ടോ ഇ​ന്‍സു​ലി​​െൻറ പ്ര​വ​ര്‍ത്ത​ന​ശേ​ഷി കു​റ​യു​ന്ന​തു​കൊ​ണ്ടോ ര​ക്ത​ത്തി​ലെ ഗ്ലൂ​ക്കോ​സി​​െൻറ അ​ള​വ് ക്ര​മാ​തീ​ത​മാ​യി ഉ​യ​രു​ന്ന അ​വ​സ്ഥ​യാ​ണ് പ്ര​മേ​ഹം. ഇ​ന്ന​ത്തെ ജീ​വി​ത​ശൈ​ലി​യി​ല്‍വ​ന്ന മാ​റ്റം ഒ​രുപ​രി​ധിവ​രെ പ്ര​മേ​ഹ​ത്തി​ന് കാ​ര​ണ​മാ​കു​ന്ന​തി​നാ​ല്‍ ഇ​ത്​ ജീ​വി​ത​ശൈ​ലീ രോ​ഗ​ങ്ങ​ളി​ലാ​ണ് ഉ​ള്‍പ്പെ​ടു​ന്ന​ത്. ചി​ട്ട​യാ​യ ജീ​വി​ത​ശൈ​ലി​യി​ലൂ​ടെ പ്ര​മേ​ഹ​ത്തെ ചെ​റു​ക്കാം.