സീലൈനിലെ വാഹനാപകടങ്ങൾ നടപടിക്രമങ്ങൾക്ക്​ പുതിയ സമിതി

ദോഹ: സീലൈൻ മേഖലയിലെ തുടർച്ചയായ വാഹനാപകടങ്ങളും പ്രശ്നങ്ങളും പഠിക്കുന്നതിനും പരിഹരിക്കുന്നതിനുമായി പ്രത്യേക സമിതിയെ നിശ്ചയിച്ചു. വിൻറർ ക്യാമ്പിങ്​ സീസൺ തുടക്കം മുതൽ സമിതിയുടെ പ്രവർത്തനം ആരംഭിക്കുമെന്ന് ആഭ്യന്തര മന്ത്രാലയത്തിലെ മുതിർന്ന ഉദ്യോഗസ്​ഥൻ അറിയിച്ചു.

അശ്രദ്ധയോടെയുള്ള ഡ്യൂൺ ബാഷിങ്​ (മരുഭൂമിയിലൂടെയുള്ള സാഹസിക ഡ്രൈവിങ്)​ ആണ് സീലൈൻ മേഖലയിൽ സംഭവിക്കുന്ന വാഹനാപകടങ്ങളുടെ പ്രധാന കാരണം. പുതിയ സമിതിക്ക് സതേൺ ട്രാഫിക് സെക്​ഷൻ മേധാവി കേണൽ ശൈഖ് മുഹമ്മദ് ബിൻ ജാസിം ആൽ ഥാനി നേതൃത്വം നൽകുമെന്നും മാധ്യമ, ഗതാഗത ബോധവത്​കരണ വിഭാഗം ഉപമേധാവി കേണൽ ജാബിർ മുഹമ്മദ് റാഷിദ് ഉദൈബ പറഞ്ഞു. ക്യാമ്പിങ്​ സീസണോടനുബന്ധിച്ച് നിരവധി വാഹനങ്ങളും ആളുകളുമാണ് സീലൈനിലെത്തുന്നത്​. മേഖലയിൽ അശ്രദ്ധയോടെയുള്ള ഡ്യൂൺ ബാഷിങ്​ ശ്രദ്ധയിൽപെട്ടിട്ടുണ്ടെന്നും കേണൽ ഉദൈബ കൂട്ടിച്ചേർത്തു.

വാഹനാപകടത്തിൽ കൂടുതൽ പേർ മരിക്കുന്ന അഞ്ചാമത്തെ പ്രദേശം സീലൈനാണെന്നാണ്​​ ആഭ്യന്തര മന്ത്രാലയത്തി​െൻറ റിപ്പോർട്ട്​. അശ്രദ്ധയോടെയുള്ള ൈഡ്രവിങ്​, ഡ്രിഫ്റ്റിങ്​, വാഹനങ്ങളുടെ നമ്പർ പ്ലേറ്റ് മറച്ചുവെക്കൽ തുടങ്ങിയവയാണ് പ്രധാന നിയമലംഘനങ്ങൾ. ഈ വർഷത്തെ ക്യാമ്പിങ്​ സീസണുമായി ബന്ധപ്പെട്ട് ഗതാഗത സുരക്ഷ ഉറപ്പാക്കുന്നതിനായി ഗതാഗത ജനറൽ ഡയറക്ടറേറ്റ് തയാറെടുപ്പുകൾ നടത്തിയിട്ടുണ്ട്​. അമിത വേഗം, അശ്രദ്ധയോടെയുള്ള ൈഡ്രവിങ്​, ക്യാമ്പുകളിൽ കഴിയുന്നവർക്ക് ശല്യമുണ്ടാക്കുന്ന പ്രവൃത്തികൾ തുടങ്ങി തെറ്റായ ശീലങ്ങളാണ് ക്യാമ്പിങ്​ സീസണിൽ കണ്ടുവരുന്നത്​.

ക്യാമ്പർമാരുടെ സഹായത്തിനും സുരക്ഷ ഉറപ്പാക്കുന്നതിനുമായി സുരക്ഷ പ​േട്രാളിങ്​ വാഹനങ്ങൾ അധികം താമസിയാതെ മേഖലയിൽ വിന്യസിക്കും. വാഹനാപകടങ്ങളുടെ ചിത്രമെടുക്കുന്നതും പ്രചരിപ്പിക്കുന്നതും ഖത്തറിൽ നിയമം മൂലം നിരോധിക്കപ്പെട്ടതാണ്.നിയമലംഘകർ കർശനമായി ശിക്ഷിക്കപ്പെടുമെന്നും അൽ ഉദൈബ ഓർമിപ്പിച്ചു.