നാല് വർഷങ്ങൾക്ക് ശേഷം നേപ്പാൾ എംബസിയിൽ അംബാസഡറെത്തി

ദോഹ: രാജ്യത്തെ ഏറ്റവും വലിയ പ്രവാസി സമൂഹങ്ങളിലൊന്നായ നേപ്പാളികളുടെ ദീർഘകാലത്തെ കാത്തിരിപ്പിന് വിരാമമിട്ട് നേപ്പാൾ എംബസിയിൽ അംബാസഡറെത്തി. നാല് വർഷങ്ങൾക്ക് ശേഷമാണ് നേപ്പാൾ എംബസിയിലെ അംബാസഡർ പോസ്​റ്റിലേക്ക് ആളെത്തുന്നത്. രമേഷ് പ്രസാദ് കൊയ്​രാളയാണ് ദോഹയിലെ നേപ്പാളി​​െൻറ പുതിയ അംബാസഡറായി ചുമതലയേറ്റിരിക്കുന്നത്. 
അംബാസഡർ ചുമതലയേൽക്കുന്നതി​​െൻറ ഭാഗമായുള്ള നടപടിക്രമങ്ങൾ രമേഷ് പ്രസാദ് കൊയ്രാള പൂർത്തിയാക്കി നേപ്പാൾ എംബസിയിൽ കഴിഞ്ഞ ബുധനാഴ്ച അദ്ദേഹം ചാർജ്ജെടുത്തു. 2013ൽ ചില സാങ്കേതിക കാരണങ്ങളാൽ  ഖത്തറിൽ നിന്നും തങ്ങളുടെ അംബാസഡറെ തിരിച്ച് വിളിക്കാൻ നേപ്പാൾ നിർബന്ധിതമാകുകയായിരുന്നു.  നിലവിൽ മൂന്നര ലക്ഷത്തിലധികം നേപ്പാളി പ്രവാസികളാണ് ഖത്തറിൽ ജീവിക്കുന്നത്. ഖത്തർ ജനസംഖ്യയുടെ 13.5 ശതമാനത്തോളം വരുമിത്. പുതിയ അംബാസഡർ നിയമിതനായതോടെ രാജ്യത്തെ ആദ്യ നേപ്പാൾ സ്​കൂളി​​െൻറയും സാംസ്​കാരിക കേന്ദ്രത്തി​​െൻറയും നിർമ്മാണം ആരംഭിക്കാൻ സാധിക്കുമെന്ന പ്രതീക്ഷയിലാണ് നേപ്പാൾ സ്വദേശികൾ.