‘നവ കേരളത്തിന് സൗഹൃദത്തിെൻറ കരുതൽ’:സി.െഎ.സി കാമ്പയിൻ തുടങ്ങി
text_fieldsദോഹ: സെൻറർ ഫോർ ഇന്ത്യൻ കമ്മ്യൂണിറ്റി (സി.ഐ.സി) ദോഹ ഇൻറർനാഷനൽ സെൻറർ ഫോർ ഇൻറർഫെയ്ത് ഡയലോഗുമായി സഹകരിച്ച് നടത്തുന്ന ‘നവ കേരളത്തിന് സൗഹൃദത്തിെൻറ കരുതൽ’ കാമ്പയിൻ തുടങ്ങി. ഡിസംബർ 14 വരെ നീളുന്ന കാമ്പയിനിൽ വിവിധ പരിപാടികളാണ് ഒരുക്കിയിരിക്കുന്നത്.
എല്ലാ മേഖലയിലും ആരോഗ്യമുള്ള സമൂഹം എല്ലാ കാലത്തും നിലനിൽക്കണം. ഇത് സാധ്യമാകുന്നത് നിരുപാധികമായ സൗഹൃദവുംസ്നേഹവും ഉയർത്തിപ്പിടിക്കാൻ കഴിയുമ്പോൾ മാത്രമാണ്. പരസ്പരം വെറുക്കാനുള്ള കാരണമല്ല വൈവിധ്യങ്ങൾ എന്നും സഹവർത്തിത്വത്തിലേക്കുള്ള വഴിയാണ് അതെന്നും ഭാരവാഹികൾ വാർത്താസമ്മേളനത്തിൽ പറഞ്ഞു. കേരളത്തിെൻറ മഹിത പാരമ്പര്യം ഇതാണ്. ഈ പാരമ്പര്യത്തിലേക്ക് പ്രവാസി മലയാളികളുടെ ശ്രദ്ധ ക്ഷണിക്കുക എന്നത് കൂടി കാമ്പയിെൻറ ലക്ഷ്യമാണ്.
നവോത്ഥാന മൂല്യങ്ങളിൽ നിന്ന് തിരിഞ്ഞുനടക്കാനുള്ള ബോധപൂർവമായ ശ്രമങ്ങൾ കേരളത്തിൽ ദൃശ്യമാണ്. പ്രളയം തീർത്ത മാനവിക സൗഹൃദത്തിെൻറ മഹാപാഠങ്ങൾ ഇത്തരം കുൽസിത ശ്രമങ്ങൾക്കെതിരിൽ വലിയ പ്രതിരോധമാണ് തീർത്തത്. ആ മനോഹര പാഠങ്ങളിലേക്കും കാമ്പയിൻ വെളിച്ചം വീശും.
എല്ലാ മനുഷ്യരും ജാതിമത, വര്ഗദേശ വ്യത്യാസങ്ങള്ക്കതീതമായി ഒരേ ആണിെൻറയും പെണ്ണിെൻറയും സന്തതികളാണെന്ന മഹത്തായ സന്ദേശം കാമ്പയിനിലൂടെ ഉയർത്തിപിടിക്കും. വിവിധ പരിപാടികൾ ഇതിെൻറ ഭാഗമായി നടത്തുന്നുണ്ട്. ഡിസംബർ 3 മുതൽ 10 വരെ കേരളത്തിെൻറ സൗഹാർദസഹവർത്തന ചരിത്രവും വർത്തമാനവും തേടിയുള്ള പ്രശ്നോത്തരി, ഖത്തറിലെ 50 വ്യത്യസ്ത കേന്ദ്രങ്ങളിലായി സൗഹൃദതുരുത്തുകൾ എന്നിവ നടക്കും. ഡിസംബർ ഏഴിന് കേരളത്തിൽ നിന്നുള്ള സാംസ്കാരിക പ്രമുഖർ പങ്കെടുക്കുന്ന പഠന സെഷനുകൾ നടക്കും. സൗഹൃദ സെൽഫി മത്സരം, സൗഹൃദ പ്രതിജ്ഞ, അമിറ്റി ചാർട്ടർ തുടങ്ങിയവയുമുണ്ടാകും. ഡിസംബർ 14 നടക്കുന്ന പ്രമുഖർ പങ്കെടുക്കുന്ന പൊതു സമ്മേളനത്തോടെ കാമ്പയിന് സമാപനം കുറിക്കും.
ഡിസംബർ ഏഴിന് അക്കാദമിക് കോൺഫറൻസിലും 14 ന് നടക്കുന്ന പൊതുസമ്മേളനത്തിലും കെ.ഇ.എൻ., ടി. ആരിഫലി, ശൈഖ് മുഹമ്മദ് കാരക്കുന്ന്, പി. സുരേന്ദ്രൻ, ശിഹാബുദീൻ പൊയ്തുംകടവ് എന്നീ പ്രമുഖർ പങ്കെടുക്കും.ഏവർക്കും പങ്കെടുക്കാവുന്നതാണ് ഓൺലൈൻ പ്രശ്നോത്തരി. ഡിസംബർ 3 മുതൽ 10 വരെ മുൻകൂട്ടി രജിസ്റ്റർ ചെയ്തവർക്ക് ലഭിക്കുന്ന ഓൺലൈൻ ലിങ്കിലൂടെ പ്രശ്നോത്തരിയിൽ പങ്കെടുക്കാം. ഒന്നാം സ്ഥാനം നേടുന്നവർക്ക് 3 പവൻ സ്വർണം, രണ്ടാം സ്ഥാനം നേടുന്നവർക്ക് രണ്ടു പവൻ, മൂന്നാം സ്ഥാനക്കാർക്ക് 1 പവൻ തുടങ്ങി എല്ലാവർക്കും പ്രോത്സാഹന സമ്മാനങ്ങൾ ലഭിക്കും.വാർത്താസമ്മേളനത്തിൽ സെൻറർ ഫോർ ഇന്ത്യൻ കമ്മ്യൂണിറ്റി പ്രസിഡൻറ് കെ.സി. അബ്ദുൽ ലത്തീഫ്, ജനറൽ സെക്രട്ടറി അബ്ദുൽ സലാം കെ, മീഡിയ ഹെഡ് അർഷാദ് ഇ., കാമ്പയിൻ ജനറൽ കൺവീനർ കെ.ടി അബ്ദുറഹിമാൻ, ഫിനാൻസ് കൺവീനർ ബഷീർ അഹ്മദ്, ഷബീർ, അബ്ദുൽ വഹദ്, അബ്ദുൽ ജലീൽ എം.എം., സലാഹുദ്ധീൻ ചേളാരി എന്നിവർ പങ്കെടുത്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.